أنا دام المطر فيني يغذي زهرة الآمال
ومادمت صحاري الشوق تشرب من شرايين
ومادام الوجع فيني يزيد بحرقتي غربال
ومادامت ليالي السهد ترحلبي وتقصيني
أنا باقي على حبك ولو هجرك عليه طال
وأنا باقي على عهدي ولو تمنعني سنيني
أنا جيتك وداخل صدري الشايب قلب أطفال
جهل معنى يحب شلون ومن شافك يعنيني
كنت أجهل دروس الحب ومن شفتك غديت الدال
وصرت أكتب أنا أستاذ عشاق بعناويني
تغير كل شي فيني حتى بشربة الفنجال
وذقت من المشاعر صنف أدمنته ويحيني
ملكت الكون من شفتك تغير في حياتي الحال
كسرت بحبك أطباعي وقربك صار يكفيني
ألا ياشمس أيامي ويابدر الليال اطوال
الا يا مشبه حروفي الا يا سر تكويني
أنا جيتك على ظهر القصيده أنهك الترحال
أنا جيتك لجل أسكن وطن قلبك ويحويني
تعبت من السفر صوبك وتاهت ثورة الآمال
عرفت أنك وطن قلبي ودمي في شراييني
تواصل مع
