أمست عيونك والهواجس سرتبي
وسالت على خد الورق هالقصايد
تعلن مدى لوعي وشوقي وحبي
من بنك قلبي لك غلا بالفوائد
وأجمل معاني الحب تفوح طيبي
ريحه على بعد المدى في تزايد
لك لهفة ٍ بالقلب عيت تطيبي
عيني وسمعي والجوارح شهايد
أروي حنيني من حنانك وقلبي
أروي شرايني بحبك وزايد
أروي عيوني شوف بدّد عذابي
اغفى على صوره وتغرق وسايد
حلمي يعانق صوت همسك دروبي
دايم معي طيفك نعيش بسعايد
نامت عيونك والهواجس غدتبي
وسالت على خد الورق في قصايد
