بعوضة وفوق ما نعرف بأنه للبعوضة فوق
والله يضرب الأمثال وأحكم بالمثل حكمة
بعوضه تسلب الإنسان من دمه وهو مشفوق
ما يقدر يرجع قطرة الحمراء إلى دمه
ولو ان الشموس أللي تودعنا بدون شروق
لكان أعدى عدوينا بعوضة تختم الكلمة
ورغم شسع العروبة اللي تهد الهادرات النوق
ورغم كثر البشر ياللي إذا تبصق تعد نقمه
ورغم كثر الموارد والمحامد والعقول السود
ورغم إنا بدينا منهج الرحمن والحكمة
بعوضة تحقن سموم العداوة بيننا والعوق
ملاريا للتشتت والكسل والمعضلة نعمة
بعوضة والخزي إنا عليها كالسياج الطوق
ولو إنا رفعنا كفنا صارت إلى العتمة
بعوضة وصارت بجسم العروبة أنسجة وعروق
نذبح بعضنا ونسلب دمنا لجله همه
بعوضة وليتنا ندرك بأنا عالبعوضة نفوق
ولو انا نفخناها نطيرها مع النسمة
عجيب إللي يدرسنا بأنه للبعوضة تفوق
يصورها وحش يعني بياكلنا كما اللقمه
يصور سمها كاس السلام وقتلها حاروق
يصور دمها أنقى الدما مختوم بالنجمة
غريبه كيف بنصدق أخو مره عليه يفوق
وغريبه كيف بنكذب كتاب الله عليم أسمه
لكنّ الكراسي اللي عشقناها تهد الذوق
تهد الدين والنخوة وتزيد الخارطة قسمة
وغريبه كيف هالكرسي البعوضه تحكمة من فوق
تغير كل جلاسه بلا منهج ولا حكمة
تواصل مع
