وهذا عيدنا الأضحى جانا مقبلٍ فرحان
يحمل بين كفينه سعادة للبشر واحساس
يغني للفرح معنى يرسل بسمته ألحان
يمسح دمعة الباكي يهدي ثورة المحتاس
يقرّب ذي القلوب اللي تهاوت فالزعل أزمان
يرجع ضحكةٍ غابت ويقتل تمتمات الياس
يا مان امن البشر فارق وخاصم صحبته ما لان
ولكن في مثل ذا اليوم يخسى ذا الزعل ينداس
ذي الدنيا قصيره كثير وما تسوى ابد يا فلان
لا تقضي زمانك دايمٍ في الهم والهوجاس
ترا ربي شرع ذا العيد لجل ننسى بعض لحزان
لجل ما تفرح اقلوبٍ تفيض أحزانها م الكاس
الا ياللي قطع رحمه ترا وقت الوصال الآن
يشوف إن جيتك عنده اغلى امن االذهب والماس
اصفح والعفو خله لوجه الخالق المنّان
تراك تفوز بالعزه وتكسب كل قلوب الناس
واللي قد نسى أمه ولا قدم لها احسان
نسى فطفولته بالعيد تغزله هدبها لباس
الا ياللي نسيت أمك ترا امك تحتها جنان
روح وقبل ايديها ورجليها وفوق الراس
وأذكر شيبة الوالد ترا هو خرجك إنسان
تعب فمكدته كافح سقاكم صحته أنفاس
عساه يكون هذا العيد فرحه للقصي والدان
وعسى كل البشر في خير عساهم ما يشوفوا باس
الا يا عيدنا الأضحى تراني مبشرٍ فرحان
عساك تعود في كل عام تحمل أجمل الإحساس
تواصل مع
