في غير الزمان ......... في نفس المكان مرتني الذكرى وانا واقف
في نفس المكان .... في غير الزمان في ذا ضحكت أيام لكني بكيت
في ذا ضحكت أيام لكني بكيت في ذا أحلام لكني صحيت
ومنها ابتديت و فيها انتهيت
إلا من الذكرى ... في نفس المكان ... في غير الزمان
..................
قالت لي الذكرى كلام عني ... كلام والله بغيت انساه
وصاحت ربابة شوق و أثر النغم مني .... يشكي وأنا شكواه
وغنى صوت في ليلة فرح ... و هلت عين و قلب انجرح
في صوتها جرح و تعب ... و في عيونها نظرة عتب
و شفت ابتسامه عليها هلت الدمعه
ونظرة ملامه من الماضي على ربعه
و أنا مع الذكرى
في نفس المكان ... في غير الزمان
...................
تعطيني الذكرى ولا تاخذ أبد
تحكي لي الذكرى و لا تسمع أحد
وانا عندي كلام ممنوع حتى عن الخاطر
لا ياخذه أمسي و لا يقبله باكر
ما أقدر أوضح غايم الصوره
ولا أزود للمسا نوره
ااااللله يا ذكرى ياما فهمتيني خطا
ياما قدم رجلي على جمرك وطا
واليوم هيضني هواي ... اشكي ولا ادري وش بلاي
هو شقاي اللي مضى والا هناي
وأنا مع الذكرى
في نفس المكان ... في غير الزمان
من روائع _ الشاعر الأمير : " خالد الفيصل "