النتائج 1 إلى 8 من 8

الموضوع: ملف خاص // للجـــنــــس الخـــشـــن فــقــط..!!

  1. #1
    الصورة الرمزية خلود
    Title
    نبض متألـق
    تاريخ التسجيل
    04- 2003
    المشاركات
    3,905

    Icons29 ملف خاص // للجـــنــــس الخـــشـــن فــقــط..!!

    السلام عليكم..

    نعم..الملف للجـــنــــس الخـــشـــن فقط..

    حبيت اطل عليكم بهذا الموضوووووع

    الموضوع صحيح انه موجه للجـــنــــس الخـــشـــن

    بس الفائدة انشاءالله راح تكون للجنس الناعم اكثر

    عزيزي الرجل..تابعني وصدقني راح تكسب ....

    أفضل حلاقة نصائح
    // Best Shaving Tips //

    الحلاقة..وماادراك مالحلاقة

    اذا تعبت من منظر المنطقة اللي كأنه ساحة قتاليه بعد معركة فما عليك عزيزي الرجل الا انك تتبع خطواتي وتجرب منتجاتي

    اول شي وقبل الحلاقة..لازم المياه تكون دافية.. لهذا انسب وقت يكون بعد الاستحمام..تكون المسامات مفتوحة والشعر انعم..طبعا المياه حارة بس مو لدرجة الغليان, وبعدها مشط الشعر على فوق عشان تضمن انو الشفرة تشيل كل شئ..

    بعد هذا لازم تاخذ وقت لتقشير المنطقة وتشيل الجلد الميت عنها..طبعا مو كل مرة تحلق تقشر, يعني بانتظام (مرة في الأسبوع مثلا)..هذا راح يساعدك انه الشعر ينبت بشكل ابطأ وكمان راح يخلي البشرة انظف وانعم لفترة اطول..لانه يساعدك تشيل الشعرة بعمق اكثر..

    طبعا اكيد المياه الدافية ترطب البشرة والمسامات نوعا ما..بس لازم لازم قبل ماتبدأ تحلق ترطب المنطقة..ليش؟

    عشان يساعدك على التنظيف

    الاوساخ الصعبة تنشال (صار مسحوق غسيل ههههههه)

    وتحيي البشرة من جديد

    وينعم الشعرة اكثر قبل الحلاقة

    والنتيجة هو انو بعد التحليق مارح تتكون حروق البشرة الناتجة من الموس

    وعلى طاري الموس..لازم يكون له على الاقل ثلاثة شفرات او ممكن اثنين

    طبعا الغالبية تعتبر انو كل ماكثر الحديد كل ماكثرت الحساسية والحروق بعد الحلاقة

    بس لو اتبعت نصايح عبير من البداية ونظفت ورطبت المنطقة ماراح يصير هذا كله

    ومايحتاج اقول انه لازم تغير الشفرات بعد حلاقتين او ثلاثة بالكثير

    =======================

    ولازم تستعمل كريم حلاقة كويس وتكون مكوناته طبيعية..والكريمات اللي تتكون من السيليكون بدأت تستخدم اكثر لانها تخفف الالم وتقلل من الجهد (يعني اسرع!) ..وطبعا مايحتاج اقول انو الفرشة مهمة جدا..اليدين لا تنفع لان الفرشة توزع الكريم على كل المنطقة وحتى بين الشعر بشكل افضل...وغير هذا شكلها أحلى و شيك

    ومايحتاج اقول انه من ممكن تحلق باي اتجاه..الا الافقي..يعني العب زي ما تريد

    وممكن الحلاقة بعكس اتجاه نمو الشعر تكون افضل..بس تراه يؤذي الشعر اللي تحت الجلد (مدري كيف هم هكذا قالوا)

    ووقت تنظيف الشفرة مايكفي انك تدقها على الحوض وخلاص وكمان لاتستخدم قماش في التنظيف..لازم تشطفها يعني لازم..

    وتذكر ان اللي في يدك يعتبر سلاح

    يعني هدي اعصابك وقتها وفكنا من شرك..وتعوذ من ابليس دائما

    واكيد لازم تستخدم كل اليدين..مو تسوي فيها حرّيف وتكتفي بيد وحدة

    يد حلق فيها والثانية مط فيها جلدك و ذقنك لانه هذا كويس .

    =======================

    بعد العملية نظف وجهك بمنشفة مبلولة..طبعا مو تمسيح كأنك تمسح سيارتك

    لا..يفضل انه يكون من فوق على تحت كأنك تضغط عليها

    وبعدها راح تكون بشرتك مرهقة من اللي مر عليها

    فلازم تستخدم جل ترطيب خالي من الزيوت عشان كمان تقفل المسامات المفتوحة لا تتجمع فيها الاوساخ وتطلعلك حبوب

    ولاااااااااااازم يكون خالي من الكحول

    واذا حصل وجرحت نفسك ياشاطر..خذ منديل وحط فيه نقطة كريم خالي من العطول ومسحها وحطها مكان الجرح..مافي داعي تروح المستشفى ابدا

    =======================

    وشخصيا اقترح استخدام مجموعة Jack Black

    مدري عندكم في بلدك ولا لا



    ======================
    // How To Be A Groom In 10 Steps //
    كيف تكون عريس بـ 10 خطوات
    فيه فئة من االرجال تحب أن تكون على سنقة 10 وين ماراح ووين ماجاء..which is good لانه حلو الواحد يكون مهتم بنفسه ومظهره عشان يعكس انطباع حلو عنده..خصوصا لو كان اول يوم بالوظيفة او اذا راح يخطب او اي شي يعني..

    مع عبير ممكن تصير "عريس" في 30 دقيقة بس..!!

    ملاحظة: هذا العرض لا يشمل العروسة

    \\ اغسل شعرك وجسمك \\

    طبعا في الصباح..انواع الكسل واللكاعة في الترويش

    مياه حارة وبخار مالي الشاور كلو..

    بس مع عبير..حمامك راح يكون قصير وسريع..لانه ماعندنا وقت مشغولين

    خلي المياه دافية بس ابدا مو حارة عشان لاتؤذي البشرة وتخرب توازنها وترطيبها

    اغسل واشطف شعرك اول شي وبعدين حط البلسم بس خليه..اغسل جسمك بشاور جيل او صابون مائي يكون مرطب ومنظف بنفس الوقت..ولما تتشطف اشطف شعرك من البلسم مرة وحدة..

    الزمن: 6 دقايق بس

    \\ نظف وجهك \\

    وجهك يا عزيزي هو اول شي راح ينتبهله اللي بتقابله
    يعني ماله داعي تطنشه لازم تكون بشرتك نظيفة وصحية
    استخدم مقشر لطيف عشان تعطي وجهك لمعة صحية ونعومة
    ولا تقشره بعنف لانه ممكن تجرح البشرة وتسبب لنفسك حساسية مالها داعي

    الزمن: دقيقتين بس

    \ حلّق \\

    اتبع الخطوات اللي ذكرتها في اول الموضوع

    الزمن: 5 دقايق بس

    \ قص اظافيرك \\

    احسن وقت لقص الاظافر هو أيضا بعد الاستحمام
    لانها راح تكون الين وبكذا اسهل واسرع
    ومااعتقد فيه احد يبرد اظافره..صح؟
    وهذا يشمل اظافر الرجل أيضا

    الزمن: دقيقتين

    \\ حط كولونيا \\

    لازم تحط شوية كولونيا..بس مو اكثر من اللازم
    رش الكولونيا على الجسم كله بعدين شوية على اليد وامسحه تحت الذقن (جنب تفاحتك ) ووراء الاذن
    وتذكر انو هدفك هنا انو تكون ريحتك حلوة ومنعشة..مو تكتم اللي معاك بريحتك..

    الزمن: دقيقة وحدة بس <<قولي والله؟

    \\ رطّــــب \\

    طبعا واكيد ان الاغلبية (اذا ماكان الكل) مايحط كريم مرطب
    مع انه هو اللي يغذي البشرة ويعطيها المنظر الصحي
    الزمن: أيضا دقيقة

    \\ اتشيّــك \\

    طبعا هنا..اكيد انك مخطط ايش راح تلبس من قبل!! اكيد فكرت هذا الشي اثناء الاستحمام يعني
    تذكر انك مستعجل واختار لبس مايحتاج كوي..ماله داعي تبلش اختك معاك
    بليييييييييييييييز بلييييييييييييييييز نسّق الالوان مضبوط..او ألبس ثوب وارحم الناس

    الزمن: 6 دقايق بس


    \ ضبّط شعرك \\

    طبعا هنا ينقسموا الرجال فئتين
    فئة تجلس ساعتين ونص حايسة بشعرها
    وفئة تكتفي بوضع الطاقية وتعتمد عليها في ترتيب الشعر

    اذا كنت من الفئة الاولى فانت اما تملي شعرك من البلاوي هذيك..او انه بينك وبين مرايتك قصة حب عنيفة

    والله صارت اشياء الشعر للرجال خطيرة وتستاهل الدفع عليها اكثر لانها تستمر اطول
    90% منكم مارح يحتاج الا نقطة جل يوزعها على الشعر وانتهينا

    الزمن: 3 دقايق بس

    \\ شيّك على الاوضاع \\

    ارجع للمراية..وشيك على نفسك من فوووق لين تحت <<بهذه طريقة لو سمحتو

    الزمن: دقيقة وحدة بس..

    والحين عزيزي الرجل انت تجهزت..باقل من 30 دقيقة

    \\ mI$h-mI$h's Top Colognes \\

    نسبة الى الخطوة الخامسة في الخطوات السابقة..لازم تحط كولونيا
    ولازم تكون كولونيتك مناسبة لشخصيتك كرجل (سامعيييين يابعض نااس ) ومناسبة كمان للوقت اللي انت طالع فيه والمكان اللي بتروحله..
    من خلال جولتي في البحث عن افضل العطور الرجالية..وجدت التالي:

    \ للنهار \\


    Chrome من Azzaro


    مع انو هذا العطر نازل في السوق من سنة 96 الا انو جدا جدا ناجح..
    تمتاز ريحته بنكهة الفواكه وانها جدا حادة..ومو اي فواكه, الحمضيات زي الليمون والبرتقال والغريب فروت
    جدا مناسب للنهار
    Good Life من Davidoff

    طبعا لما نتكلم عن دافيدوف نفتكر اكثر شي كوول ووتر..
    كوول ووتر الرجالي جدا رائع ومازال ناجح..
    بس good life اختلف كثير عنه واللي عجبه كوول ووتر لازم يعجبه هذا
    تتميز ذي الكولونيا برائحة رجولية حقيقية
    ونكهتها الرئيسية هي خشب الصند وزهر اللافندر..مع شوية فواكه حمضية وبهارات حلوة

    \ للمكتب \\

    Hugo Dark Blue من Hugo Boss


    تمتاز هذه الكولونيا بريحة الخشب والبرتقال
    يعني ريحة woody mossy

    وجدا جدا منعش ومناسب للعمل والرزة في المكاتب

    Happy For Men من Clinique


    كلنيك هابي الرجالي ريحته رهيييييبة كأنك قشرت حبة يوسف
    نكهته فواكه حمضية وكله برتقال وليمون وغريب فروت..بس اكثر شي هو اليوسف
    وريحته قوية نوعا ما بس حلاوتها تخفف من حدته

    \ الليل \\

    Angel من Thierry Mugler

    انجل معروف بشعبيته مع انه مغبررررر
    كولونيا جدا جدا شرقية وريحته نكهتها الخشب
    من مكوناته على فكرة الكاراميل والنعناع والبن وحتى القطارن!! كيف مدري
    وفيه شوية لافندر كمان

    راقي جدا ومناسب للمناسبات المسائية

    Pi من Givenchy


    كولونيا جدا جدا راقية وريحته شرقية لابعد الحدود
    نكهته فانيليا مع خشب وشوية فواكه حمضيه
    مناسب للمناسبات الليلة والسهرات وبعنف!! <<تحمست

    ولاتنسى تخلي الكولونيا في مكان بعيد عن اشعة الشمس المباشرة ولما تجي تبخ..ابعد القارورة عن جسمك 15 سانتي..واذا تريد الريحة تظل فيك اطول لازم تحط الكولونيا وجسمك مترطب (ماء او كريم)

    // Get Into Class //
    طيب..كيف ممكن تخلي اشياء بسيطة تبرزك بشكل افضل؟
    يعني الاكسسوارات اللي تلبسها مع لبسك ممكن تقول عن شخصيتك اشياء ثانية
    ومن هذه التفاصيل الصغيرة راح يبان مقدار اهتمامك بمظهرك..ايها الرجل المغرور

    تابع مع عبيراهم 7 اكسسوارات لك..وكيف تختارها وايش راح تغير فيك
    \\ الكبك أو البزمة \\


    وهو يعتبر من "مجوهرات" الرجل اكثر من انه مجرد اكسسوار
    وتأثيرا طبعا مرة كبير سواء على الثوب او القميص (على القمصان احلى )
    طبعا فيه اشكال وانواع كثيرة وكل واحد على حسب ذوقه وشخصيته والمناسبة اللي رايحلها

    \\ الحزام \\

    عزيزي الخشن..اذا عرفت انه لازم تكون جزمتك (وانت بكرامة ) وحزامك مطقمين فاذا انت واحد خطير وراح اعطيك علامة ياشطوووووووور..
    لازم تعرف انه الحزام ضروري كثيرا لأنه يكون شيك وستايله مناسب للبسك
    طبعا التقليدي هو حزام الجلد الاسود بالمعدن الفضي المطفي
    وهو اللي يناسب اغلب اللبس تقريبا وكل المناسبات
    بس مع الصيف انا "احبّذ" انو تلبس مع الجينز حزام بيج من هذاك القماش عرفتوه؟ اللي مو جلد عرفتوه؟؟ اللي مطاط نوعا ما..عرفتوه؟؟ طيب ولا انا

    \\ القلم \\

    لازم لازم يكون معاك قلم حركة يعني لما تطلعه عشان تحرر شيك مثلا
    القلم المثالي..ممكن تعتبره قطعة مجوهرات
    ومافي زي اقلام مونت بلانك

    \\ الساعة \\

    الساعة اهميتها مفروغ منها..مارح اتكلم عنها
    بس اعرف انها تبين اذا كنت انت من النوع اللي تدلع نفسك ولا لا
    ساعتك لازم تبرز انطباع القوة, التحضر, الاناقة وطبعا..الوقت

    \\ الولاعة \\

    من اجمل اكسسوارات الرجل..احم..المدخن
    والولاعات الفضية اجمل رفيق للسيجار الامريكي
    تحذير صحي: التدخين مو كويس

    بس خلي معاك ولاعة just in case احد يطبها منك مثلا




  2. #2
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    [ALIGN=CENTER]
    هاهاهااااااااااااااااااااي ..


    بصراحة معلومات جميلة .........!!


    سمعتوا يالجنس الخشن .. :n24:
    [/ALIGN]

  3. #3
    الصورة الرمزية {$~prince~$}
    Title
    نبض متألـق
    تاريخ التسجيل
    05- 2002
    المشاركات
    4,287

    نياهاهاهاهاهاهاهاهاااااااااااااااااااي

    [ALIGN=CENTER]
    خلاص من اليوم ورايح انا بحط معي ولاعه إحم :n24:

    بس لاه ديكور اوين إحم

    ايه علشان بكره يقولو يدخن لاه :conn:
    [/ALIGN]

  4. #4
    والله شي يا شبااااب النبض نصااااايح على قولة برنس ترتيبيشن :n24:

    بس عجبتني الساحه القتالية لوووووووووول

    يسلمووووو خلود :n28:

  5. #5
    الصورة الرمزية * البـــــاشـــق *
    Title
    نبض متألـق
    تاريخ التسجيل
    05- 2002
    المشاركات
    8,524
    الكلام موجة للجنس الخشن

    والله بخبر شريش الحلاق يتبع نفس الطريقة

    ويرفع سعر الحلاقة ... والنص بالنص

    تسلموووووووووووووا

    دمتم بعافية

    تحيـــ(الباشق)ـــاتي

  6. #6
    على هذا انا بطلع شيك لما اطلع برا البيت


    بس اخاف شيك بدون رصيد

    هع هع هع تسلمي اختي خلود

  7. #7
    الصورة الرمزية خلود
    Title
    نبض متألـق
    تاريخ التسجيل
    04- 2003
    المشاركات
    3,905
    ليش ما تستخدوا بعض منها وليس الكل صح
    شكرا


  8. #8
    الصورة الرمزية سيمون
    Title
    نبض نشيـط
    تاريخ التسجيل
    06- 2005
    العمر
    35
    المشاركات
    538
    اوووه سمحوا لي شكلي دخلت بالغلط



    شررررررررررردة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML