رد مع اقتباستوقعت اني ما احصل ردود ...!
السلام عليكم و رحمة الله و بركااته ..
أخباارهم العرب ؟!
شو العلووووم .. يا مرحباا السااع ...
اممممم
بصراحه اليوم حابه ارمس معاكم بموضووع يعني .. واااايد [ ينرفزني ]
ليشش .. الرياييل الخليجيين بالذات .. اذا يرمس بالفون مع زوجته .. و يسأله ربيعه منو ترمس .. يرد ارمس مع ( الأهل ) انزين اذا قلت ارمس مع زوجتي بيطلع اسمها على يبهتك مثلاا !!!
و لا يتصل به ربيعه و يقووله هااااا وينك تأخرت اليوم .. يقوول لاا ماشي .. بييكم بس ساير اودي ( البيت ) المستشفى .. بابكم و لا السيراميك مريض مثلاا ؟.. يعني قوول حرمتي .. << يا خوفي باجر يقول بودي العبايه المستشفى
شوووووو رايكم بالشي هذاا .. يعني ليش ما يقول حرمتي .. و لا زوجتي .. و لا ام فلاان .. و لا الوالده .. و لا اختي .. و الله ما بيصير شي .. و لا بيظهر اسمها في نص راسه .. و لا حد بيعرفها ... بس ابا اعرف شنو وجهة نظهرهم ..
و غير جي يعني .. اذا حد طرا امه و لا زوجته .. لو مدح و قصده شريف .. يقووووووووم الدنيا و تستوي الضرابه و السب و الشتايم .. انزززززين نعععععععععععم خير .. شقايل الريال .. قال طباخ الوالده ماشاء الله حلو .. تضربه ليششششش ؟؟؟!!
و يستحون بعد البعض يقولوون اسم امهم مثلاا .. و اذا حد عرف اسم امه و الله ما يرقد ذيك الليله .. !!!!
أنا اسميييييييه ( تخلف و ناس متخلفه ) و بسسسسسس
توقعت اني ما احصل ردود ...!
موضوع رائع غاليتي شموخ
وانا الاحظ هذا الشي عند أخواني كذا يقولوا وين رايح ؟؟
رايح شال
الاهل من عندك؟؟ عندي الاهل
ننتظر الشباب للنقاش ف الموضوع
لان طبعا لكل واحد وجه نظره
وطبعا نحترم أراءهم
تقديري
نرقب آرائهم .. ^^
و منـوره الغلاا
السلام عليكم ...
شموخ أعتذر للتأخير عن الرد في موضوعكـ المميز لأنشغالات عده ... بس حلوه ريحة العود هههههه كح كح واجد دخنـــه طفي طفي
عالعموم عزيزتي أول شيء بما أنكـ من الخليج فأكيد عندكـ إلمام كامل عن التركيبه السكانيـــة
والعادات والتقاليد المعقده جدا والتحفظ التام بالأمور الأسريــــه والعائليـــة ...
فغيرة الرجــل الأصيل على بيتـــه وعائلتـــه كبيره جداا وأتوقعها لا تقارن بغيرة المرأه على زوجها و و و ....الخ
فالتهرب عن الجواب مثل ما طرحتي في موضوعكـ أتوقعها تبعد الرجل عن الأحراج وكذالكـ يحتفظ بخصوصياتـــه
أمام الغربـــاء وخاصتا الذين لا تربطهم بـــه اي صلــــة كانت ... وعلى سبيل المثال لو طرح هالسؤال من قبل
أخ الرجل أو قريبــــه ومن عائلتـــه فيكون الجواب صريح وواضح ،، مودي زوجتي أو أمي أو أو ....الخ
الخصوصيـــة لها واقع كبير في الحياة والغيره تلازمها كثير ومن يتجرد من هذه الأمور فأتوقع حالـــه
مخزي جـــدا أشبــــه بالحثالــــه أكرمكم الله ....
موضوعكـ رائـــع ويحكي عن واقـــع صحيح ولازال مستمر وفي نهايتـــه ابديتي رأيكـ
والاختلاف في وجهات النظر وارده بكل ذي شخص فكره .....
تسلمين شمـــوخ ...
يعطيكي العافيــــــة ،،،
مرحبا
حبيبتي شموخ
يعطيك العافية
اخي الادميرال شكرا لك
الموضوع واقع مانقدر ننكره
ولو تساءلت عن الاسباب
بقول لك :والله ما ادري
هو شي محير
لان لو كانت المسميات المتعارفه للشخصيات عورة
كان من الاساس ان تسمي كل انثى (اهل ...امة ...بيت )
وشممكن يمس خصوصية الرجل لما يلفظ مسمى زوجتي
او امي او بنتي ..او ...او ,,,,
شي ما اقدر افهمه
يمكن لما يقول (بودي البيت مشوار ..مثلا)
يحاول يقنع نفسه انه ملك مسيد وان البيت بللي فيه ملكه
بدون استثناء؟؟؟؟
او انه يكون خجلان ومستحي من اسم والدته
يحاول يقنع نفسه انه امه ملكه وتنتمي له..!!!
لما نفكر فيها على نطاق الغيرة ..
هل النطق بالاسم او نوع العلاقة الرابطة
راح تكشف محاسنها او مساوءها ..؟؟
بس نرجع ونقول انها عادات واعراف نشأعليها
افراد المجتمع وكل حسب افكاره ومعتقداته
ننتظر ارآء الشباب يمكن نقتنع
الف شكر لك غلاي
يعطيك العافية
أعتقد لـ أنها الثقافه الذكوريه وطريقه تفكيره تجاه المرأة
التي مازالت مترسخة فيه منذ نشأ
والتي تفرضها العادات الشرقية وتأقلمه معها
ولو أنه في قرارة نفسه غير مقتنع بها في هيدي الايام
لكنه مقيدا فيها في المجتمع ويعمل بها
تسلم الأيادى على الطرح الرائع
اعذب التحايا لكِ
موضوع جدا مميز شمووووخ
(يعني الا الفضائح)
يعني انتي مصرة تعرفي الجواب
اقول اخوانك يطرون اسماء محارمهم قدام العالم ؟؟؟
صف كم انتي؟؟؟
هههههههههه
انا فقط احببت ان اعقب على كلام الاخت هذيان
بالنسبة للمسميات (ابدا ما اهيه عورة اطلاقا) والا لو كانت عوة لما عرفنا اسم ام الرسول محمد صلى الله عليه وسلم ، واسماء بناته وازوجاته وغيرهن صلوات الله عليهم وسلم اجمعين
بل تبقى هناك خصوصية لا اكثر
ليس من المعقول قدام اي شخص تطري اسم امك او زوجتك او اخواتك (شو هذا بايعه)
لانه الشباب يجلسون يتعايرووون .. ولد فلانه اخو فلانه
هههههههه (فاقدين خخخخخ)
انا عن نفسي اقول قدام الغرباء او بعض الاهل البعيدين يعني
(ام فلان او الحرمة او الوالدة او البنت عادي بدون ذكر اسم ) ما استحى.
عندي سؤال بيسط جدا
البنات ليش تحط اسماء مستعارة واللقاب في المنتديات
ليش ما تحط اسماءهن الحقيقية؟؟؟؟؟؟؟؟؟؟
الاجابة ستكون على نفس اجاباتنا والتحفظ باسماء المحارم.
ارجو تقبل كلامي بصدر منتعش ورحب
اختلفنا في الراي ولكان تبقى المودة موجودة بيننا
اشكركم على حسن الاستماع
اترك المايك للي بعدي
احتراماتي
طن
المشاركة الأصلية كتبت بواسطة الأدميـــــرال
مرحباا بك الأدميرال .. هيه هالعوود كمبوودي يااخذ العقل ..
اووك .. خلنا نرجع لموضوعنا ..
انا وياك انه مو يدام اي حد بقول اسم زوجتي ( مريم و لا عايشه و لا فاطمه و لا ما ادري منو )
بس ممكن تقول ( زوجتي ) و بس
أو ممكن تقول ( أم محمد - أ سالم - أم سلطان - ام بطيخ المهم يعني )
شو بيصير .. هل اختفت الخصوصيه هني ؟.. لا .. و ماشي صار .. و لا استوى زلزال .. و لا طلع بركان و ثار و حرق الدنيا ..
الغيره ما تكون هني .. اسمح لي يعني .. بس والله شي مش مقنع ابدا ..
انا عن نفسي .. لو زوجي قال يدام حد هاي الأهل .. بييه بككككسشنو ما يعرف يقول حرمتي .. مستحي مني مثلا .. و لا يخجل يصرح بي يدام الخلق .. بالعكس المفروض يكون فخور انه هاي الفلانه زوجته .. مش متخبي ورا الأهل - البيت - السلطه ..
في النهاية لكل واحد وجهة نظره ..
هلا البااشق .. منوور خيـوو
اممم ..
اخواني مثلكم .. و مثل اي شاب خليجي .. يستخدمون كلمة الأهل .. بس طبعا دوم انا وياهم ضرابه ع السالفه هاي .. و شي لا يمكن نكرانه .. اذا نحن بالسياره .. و اتصل عليهم واحد من ربعهم .. قبل لا يرد يعطي الجميع نظره يا ويلكم لو طلعتوا صوت .. و الله لو كحيت و لا عطست بتكون رحت فيهاا .. >< الله يعين بسسسس
انزين .. اما بالنسبه للبنات .. انا بالنسبه لي .. و الله ما عندي مشكله اسجل باسمي .. بس حابه التغيير .. و بعدين انت مثلاا تقدر تسجل باسمك .. ليش مسجل بالباشق ؟..
انا ما تفرق ويااي وايد .. بس احيد اول مره كنت بسجل في منتدى .. كنت مخليه اخووي يعلمني .. و قالي لا تسجلين باسمج .. و اختاري اسم مستعار .. حتى احيده هو اختار لي اول اسم ( فراوله ) هههه
انك تقول ارمس مع المدام .. مع الوالده .. مع بنتي .. مع ام فلان << و الله ما فيها شي ابدا .. يكفي .. انت احسن من غيرك بمليون مره .. ومحد طلب انك تطري اسمها الصريح .. بس يكفي انك ما تقول عنها البيت
استغرب انا صراحه من تفكير الخليجيين .. وصلنا 2012 و هم بعدهم هههه خلني ساكته احسن
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
