مرحبا
اخي البرنس الف شكر
لطرح الموضوع ويعطيك العافية..
يؤسفني ان اقول بأن هذا واقع
نعايشه ونشوفه كل يوم
الكثير من الناس تعاملهم مع الشغالات
نفس تعاملهم مع الالات الصماء
لاغيين وبكل مزاجية انسانية الشغالة
وانها كتلة من المشاعر والاحاسيس حالها حال
البشر
بس العالم تشوف انها لازم تحلل الراتب اللي تاخذه
والراتب اللي تاخذه مايساوي شي
بالنسبة للغربة والفرقى والحرمان
بعيني اشوف شغالة تشتغل بثلاث بيوت عامرة
كل يوم ...ولما افتح فمي واتكلم اطلع انا عدوة الانسانية
اللي ماتحسن استغلال المواقف
احنا عندنا شغالة ..والله استحي اطلب تسوي لي شي
والوالدة الله يخليها لي يارب ماتقصر
باقي شوي وتسجلها ببطاقة العائلة
طبعا مستحيل اقبل لاي احد ان يكون ذله بسبب
لقمة عيش يمكن ماتشبع جوعه
كيف ممكن يكون الحال مع انسانة ذاقت المر
عشان توفر لحالها ولاولادها حياة بالمستوى الادنى من الكرامة
البعض يقول ان الشغالة ماتنعطى وجه
وان بلاهم اكبر من نفعهم
وان ... وان ....
اذا احسنا اليهم ولقوا التعامل الحسن
راح نلقى منهم الاحسان
ورغم الشروط الموضوعة للاستقدام نلقى انها مجرد
شروط ورقية لاتنفذ ...للاسف
اعتذر للاطالة
خالص شكري لك اخي
يعطيك العافية