الموضوع: ّّ أجمل ما قيل فالشعر ّّّ

الله والله انها قصيده روعه
وخصوصا انها لشاعر بن فطيس
تسلم ع الذوق يااااااااا ذوق

عقبال ياماخذ فؤادي مية عام ..
.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب وان فارقك صام ..
.. والله لونك شوك سدره كليتك

القلب طيرٍ لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لاابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحنيٍ راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك.

بن فطيس

البارحة ربي كتب لي ومريت
درب عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

التم غيم الدمع من يوم لفيت
ورقا القصيد لشوفة الغيم ناحت

وضحكت ماأبغي الناس تدري يبالفيت
لكنها غصب على العين ساحت

حارت دموعي في عيوني وصديت
وأرمشت مابيها تبين وطاحت

وعقبه برق في العين براق واسقيت
خدي وناتي بصدري تلاحت

وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت
يقصر على بعده ترى الكبد فاحت

بن فطيس

ماهو بكفو الوقت حبك يمحيه
يالي تخاف صروف الايام تمحاه

ارتاح دام ان المواصل يقويـــه
انت انت وانا انا وقلبي هو وياه

حتى ولو بتغيب ذكراك تكفيه
ياواحد تكفي عن الناس ذكراه

حبك على رملة خفوقي مواطيه
ورياح عذلي عنك ماتمسح خطاه

والي يعذل القلب عن درب غاليه
فالله وان مابلا الموالي فـ يبـــلاه

اخفيه يا بالفيت والحال يبديه
ادنات واحد ينظر الحال يقراه

مخفيه فيه ومعتني به وحاميه
عن كل عين ودها تنزل حماه

قلب يحبك والهواء الذرب ماليه
كانك مكذبني بعينك تحلاه

شرط ان تشوفك فيه ما انت بحواليه
ويمكن تشوف ديار واماكن رعاه

وتشوف به تمثال والوقت هاريه
وبتشوف زرع ن ميت وواقف ن ماه

وبتشوف جرح فيه سكين راعيه
راح ونسى السكين والجرح ينخاه

وبتشوف حصن عج الاقدار سافيه
وبتشوف باقي بيت راعيه خلاه

لا تنزعج هذا خفوقي وباقيه
ولا تضايق من تصدع زويــــاه

قد زلزله فرقا وهزت عراويه
والله ستر والحظ عانه وعافاه

وكانه صلح لك واعجبك زيد تبنيه
ابنه وجهز للمقابيل مبنـــــاه

ابيك بس من المفارق اداريه
وازهل من يداري شعورك ويدراه

وحلل وحرم فيه يا ابرك بلاويه
وحله وراع ارضاي وارضاك وارضاه

جعلك بعد بعض الوجيه امحق اوجيه
ناس مراتعها الرفيق بتقفاه

انواع واخطر نوع ماني بناسيه
نوع ن على تفريق الأثنين مسعاه

تلقاه دوم وكل يوم ن تلاقيه
وأليا بغيته صدق ماعاد تلقاه

والا انت ردك كل ما ادعيك لبيه
انا اشهد ان ما انتوا بعيني اشباه

ما انت بمع العالم ولاتقولي ليه
انت ادرى مني وش جوابي وفحواه

كذيه ومن الله يازين واليـــــــه
واغلا طروش القلب وادواه من داه

الحلم ياتيني بزولك واراعيه
وفي كل حلم اقوم قبل اتحفاه

واعشق سميك بالبزارين وادعيه
واقبل خطاه اليا اخطاء واتلقاه

واسمك يروعني أليا مر طاريه
واحب ملقوف ن يسولف وطراه

ما امر بيتك من بعيد ولا اجيه
وانا لو ان في يدي ما اتعداه

حتى تواير موتري تلتفت فيه
تبغي تلف ويستحي العقل والجاه

وصلك خيط الصدر والبعد يفريه
ويا بري حالي كان صديت برياه

ويلي على ادري حبنا ويش تاليه
ويلي على ادري وش ورا الغيب ويلاه


على شان اشوف اذا محبتك ترفيه
والله لا اقفي عنك ........ واستغفر الله


بن فطيس

على طاري الفراق اللي حصل.. هالحين كيف الحال؟
سمعت انك عقب ماقبت عنك حالتك حاله
:
سمعت إن الليالي بالسهر صارن عليك طواال
سمعت ان الصبر في ضيقتك خانت بك احباااله
:
مهم كانوا يسمونك طويل البال و السلسال
علامك؟ ليه صار اسمك؟ حزين ضااعت آماله
:

لو تسولف عن العطر الجديد ونقشتك والشاال
ياسيدي لو عمر هالورد طول .. يذبل لحاله
:
خلاص الوقت ما هو وقت لا كحله ولا خلخال
ما دام العين ما هي عين طولك وش يبي ظلاله
:
تبي تقضي العمر كله وحيد ماتعرف و صاال
يمرك ياس عمرك يابعد ياسي و تبراله
:
تشيل من الهموم اللي على خبرك هموم ثقال
تطيح و تنكسر ، و يقاال : طاح بشر اعماله
:
مهي قصه قديمه ترتبط بالنااي و المواال
تنادي لك على فارس شرب بعدك و فنجاله
:
تعرف ان المسافه في رحيلي ما هي بالاميال
علامك يوم تحسب هالمدى وش اخر أمياله
:
ترا ماكل من راح ( بهلا ) يلقى ( هلا ) بقبال
ولا هو كل من باع الغلا يشري غلا بماله

:
وهم قالوا قبل ما يشتري هالبعد و الترحال
يبيع اغلى ( تراب الارض ) دامه عااف منزاله
:
وانا وان عودت للحب خلصت و من عروقي زال
ولا عاد الذي حبك يجي طيفك على باله
:
نسيت أسفاري افبحر رمااني ما حضني جاال
ولا عاد اتذكر منك لابحرك ولا جاله
:
عرفت ان الزمن لو ينكسر ما ينكسر رجاال
و عرفت ان الليالي ماتركت جرح على حاله
:
وانا ربي وهبني في حيااتي عزتي وان طال
عمري ما انحنى رااسي في وجه الوقت و أهواله
:
وانا يوم اصدفك وأسال بضحكه .. هاه كيف الحاال ؟
أعرف انك على حالك وقلبك حالته حاله

بن فطيس

ياهيه إلتفت لي وإسمع دعاي لك يـا هيـه

ترى عادتك تشبـع مـن البعـد واتواجـه

دعيتك بصوتٍ ياصلـك ليـه مـا توحيـه

وأنا أسمع ضلوعك من صدى الصوت لجاجه

عليـك الفـؤاد إخلاجـه مصمـخ راعيـه

خف الله في راعيـه مـا تسمـع إخلاجـه

ترى العفو قد جـاك أولـه وإغتنـم تاليـه

وترى الحلم بحرٍ غيـر لا تامـن أمواجـه

وترى الـود ليـلٍ مظلـمٍ جيت لـك ساريـه

سراجه وصالـك والجفـا ينفـخ سراجـه

وترى قصرنا اللي كم سنة نجمـع ونبنيـه

هوى العذل طيـح بابـه العـود وسياجـه

لي أيام مـدري ويـن دارك ولا أدري ليـه

وأنا خابـر إنـي بـاب شفـك ومزلاجـه

غيـابٍ بـلا سبـة هجـادٍ بــلا تنبـيـه

وجفا أغلى العرب نارٍ على الكبـد وهاجـة

نضج قلبي من البعـد وش حاجتـك تكويـه

جفاك الجمر والصبر فـي بعـدك الصاجـه

وطبع حبـك بقلبـي والأيـام مـا تمحيـه

هـذا هجـرك يحـاول يموجـه ولا ماجـه

يموت الأمـل لكـن ظنـون الغـلا تحييـه

وعروق الوفـا فالـروح والقلـب وجاجـة

خبرتوا حدٍ يبكـي علـى واحـدٍ يبكيـه؟؟!!

وخبرتوا حدٍ مسجون ما يبقـي إفراجـه؟؟!!

أحبـه ولا أبغضتـه علـى شـيٍ يسويـه

ولا زالـت رقـاب الرجـا فيـه منعـاجـة

عسى منزلٍ ضمه حقـوق الوسـم تسقيـه

وتضحك له الدنيا وهـو يضحـك حجاجـه

فقد خاطـري شـي مـن الضيقـة مسليـه

وغدت روحي من النـاس والليـل هجاجـة

أروح لمكـانٍ خابـره .. خابـره ياتـيـه

أسوق القدم صوبـه وهـي مالهـا حاجـة

مكـانٍ نزيـه وأول مواجهـي لـه فـيـه

وأنـا خابـرٍ مـا رجـل مثلـه بـدواجـة

لعل وعسـى مـا حدنـي للمجـي يدعيـه

وأشوفه وأنـا مـا ودي أسبـب إحراجـه

يحب الجريح آخـر دروب اللقـى ويجيـه

وتحـب القـدم جيـة مكـان أول مواجـه

بن فطيس

غريب بس عجيب



مااعذب الانصات حين يكون الاختيار جميل

لـ شاعر مميز

تهبط قصائده على سفوح قلوبناا

مفعمة بـ كل معاني الاحساس وروعته

الله يعطيك العافية

ولاعدمنآ ذوقك الرائع

بـ انتظار نبض كلمات قلمك الخاص الذي نفخر

بوجوده معنااا





ودي وتقديري امواج ورد وياسمين دمشقي