جاني وانا في وسط ربعي وناسي
جاني نشلني مثل ما ينشل النـــاس
مني نشل روح تشيل المآســـــــي
تشكي من ايام الشقى تشكي اليـاس
اثر الالم في سكره المـــوت قاسي
ماهالني مثله وانا انسان حـــساس
جابوا كفن ابيض مقاسه مقاســــي
ولفوا به الجسم المحنط مع الـراس
وشالوني اربع بالنعش ومتواســي
عليه ومغطى على جسمي البـــاس
وصلوا علي وكلــهم في مــآسي
ربعي ومعهم ناس من كل الاجناس
ياكيف سوا عقبنا تاج راســــي
وامي الحبيبه وش سوى بها الياس
اسمع صدى صوت يهز الرواسي
قولولها لاتلطـــم الخــد ياناس
قولولها حق وتجرعت كاســـي
لاتحترق كل يبي يجرع الكـــاس
اصبحت في قبري ولابه مواسي
واسمع قريع نعولهم يوم تــنداس
من يوم قــــــفوا حل موثق لباسي
وعلى رد الروح صوت بالاجراس
هـيكل غريب وقال ليه التــــــناسي
صوته رهيب وخلفه اثنين حـــراس
وقف وقال ان كنــت يانـمر نـاسي
هاذي هي اعمالك تقدم بكـــــراس
ومن هول ماشفته وقف شعر راسـي
وانهارت اعصابي ولاارد الانـفاس
..................
للشاعر / نمر السحيمي الحربي