السلاام عليكمـ
و الله القلوب عند بعضها اخوويهـ .. بصراحه اليوم كنت أرمس مع ربيعاتي عن لحظة الحقيقه
فعلاا .. هالبرنامج وايد رح يخرب بيوت .. يعني the moment of truth اللي في mpc4
هذا البرنامج للأجانب .. اللي هم مش من ديانتنا و لا عاداتنا .. و الخيانه شي عادي جدا عندهم .. و اللي مو طبيعي عندهم انه ما يكون للزوجه صديق لو للزوج صديقه !! و يروحون بالبرنامج عشان شووو ؟.. بس عشان
الفلوس .. يعني للدرجه هذي الفلوس مهمة .. يروحون يهدمون بيوتهم و يدمرون حياتهم و يفضحون نفسهم قدام الناس عشان فلوووووس !! اللي يومين و بتطير و لا رح تدوم لهم !!
العرب صراحه صايرين ( امعه ) يقلدون الأجانب في كل شي .. قلدوهم بالتطور و خلوا الخراب .. لكن العتب ع القنوات اللي يشتغلون فيها ربعنا من العرب و المسلمين و بعد العتب على المذيع اللي رضا يقدم مثل هالبرنامج
أما بالنسبه للأفلاام التركيه .. أحس صراحه ماشي أي قناه ما تعرضهم .. و الواحد أحيانا يكون مضطر من الملل يشوفهم .. و هذي أراء أغلبية ربيعاتي .. حتى انهم يذمون المسلسلات الخليجيه اللي ما فيها إلا مشاكل و ضرب و صياح .. و بعد أنا بصراحه أشوف ممثلات مسلسل تركي وايد أحسن من اني أشوف وحده خليجيه طالعه بدون أي احراج بلبس فاضح و تتكلم كلام وسخ و تمثل أدوار وسخه بس عشان
المااده ( الفلوس )
طولت .. بس صدق شي يقهر .. الله يعين من اللي ياي .. شكلهم الجيل الياي رح يضيعون