الموضوع: ياراجعين .. (دينيه )

الرجاء قرائتها باللهجة المصرية
لأكتشاف جمالها ..

يا راجعين
يا راجعين من عند الحبيب
يا خير أمته
يا ضيوف الله وبيته
وطايفين كعبته
يا عابديين في محراب الله
وملبين تلبيته
وساعين بحب وشوق
ومؤديين فريضته
قولوا لي إزاي الأذان
والمكان وكعبته
إزاي الحجر والسعي وزمزم
الله يا محلى لذته
يا مسلّميين ع النبي
ومصلّيين بروضته
وبأدب وخشوع وبكا
داعين بحضرته
الصوره قدامي حلوه
محليها طلته
يا راجعين قلبي مشتاق
لهناك ومعلق بحنيّته
قولوا لي إزاي الصديق وعمر
أصحابه وعزوته
وإزاي الصحابه كلهم
قلبي سقطت دمعته
نفسي أروح لهناك
وأشم نفحته
يارب أرزقني طواف وعمره
أغسل قلبي وزلته
يارب زدني خشوع وإيمان
أعرف بيه طريقك وسكته
ياراجعين من عند الله
لحضنكم ضموني
خدوني لمحبته
خدوني لمحبته
27\1\2011
من ديوان إلا رسول الله
من بحر الشتاء
ط§ظ„ط´طھط§ط، ط§ظ„ط£ط®ظٹط± ::