الموضوع: كرسي الأعتراف مع بطنك

صباح الخير للجميع


ابدا وامري لله

1.. كم وجبه تأكل في اليوم ؟

طيب ليه الاحرااااج

مممم 3 وجبات وفيما بينها 3 هههههه

2...وش وجبتك المفضله اللي مااقدر

استغني عنها ....؟الغداء طبعا

3..انت من الناس اللي يغضبون اذا جاعوا ؟

لالا ... انا العكس اذا زعلت مااكل

4..اي قسم اذهب اليه بدون شعور اذا انا

في السوبر ماركت ؟؟؟

ممممم قسم الشكولاته والعصيرات

والله جوعنا هههه

5.. هل صحيح ان الطريق الى قلب الرجل معدته ؟؟؟

90 % نعم ههههه

6..راي في المقوله اذا بغيت الحرمه ترضى عليك ودها مطعم ؟؟؟

المقوله خاطئه مليون بالمئه

الصحيح < اذا بغيتها ترضى عليك اشتريلها

خاتم ألماس > هذا الصح ياجماعه

7..اذا دخلت البيت وما لقيت الاكل جاهز اش اسوي ؟؟؟؟

عادي ادخل المطبخ واسوي اكل ههههههه

8 ..اش افضل اكل البيت او المطعم

اكيد البيت ... بس اذا احد عزمني على مطعم لا ماااااااااااااااانع ابدا

9 ..اكل لوحدي او مع جماعه ؟؟؟

مع الجماعه لان فيه بركه

10 .. اذا احب الكبسه اي نوع كبسه احب ؟

عفوا بكمل ردي انقطع فجاءه

وين وصلنا ؟؟؟؟

اي نوع من الكبسه احب ؟؟؟

احب التنوع دائما ...

11 .. وين المكان اللي احب انعزم فيه ؟؟

احب مطعم في جو رومانسي ههه

حبوبه صح ... مين يعزمني ؟؟؟

12 .. شو احب بين الوجبات ؟؟؟

الفواكه

13 ..اذا شهيتي مسدوده بين من الاعضاء اختار لفتح شهيتي ؟؟؟

ممممم الكل فيهم البركه

نختار ام اسيل وشموخ

14 .. اعزمكم على شو ؟؟؟

انا شاطره في كل شي

اعزمكم على اكل شامي

في افخم مطعم شامي

بلا تعب وطبخ ونفخ هههههه

.................................

العضو اللي بعدي

اختار رحال يجاوب

رحااااااااااااااااااااااال

تعال جاوب ههههههههه

دمتم بود

شكرا حنين لتواجدك ع كرسي الأعتراف


وووووووينك رحـــــــــال ممكن تتفضل ع الكرسي وتعترف لنا

ناايس idea


يالله رحـــــــــــــآاال ..

ولك شو هالورطه هاي

ههههههههههههههههههه

حنين الماضي أم أسيل شموخ :
أنا جاهز

(1) كم وجبه تآكل بـ اليوم !

_ وجبتين باليوم ( يمكن تستغربوا ) بس
اللي يشوف شموخ تنسد نفسه هههههههههههه
امزح ترا لا تزعلوا بس بجد اكل وجبتين باليوم

(2) وش وجبتك المفضله [اللي ما تقدر تستغني عنهآ ]
السلطه مع الزيتون وزيت الزيتون مهروس بالجبنه طبعا بدون ليمون
جربوها حتحبوها ... تمنيت لو الدنيا كلها سلطة وكوكتيل فواكه
كنت اسبح في بركة من السلطه ههههههههههههه

(3) أنت من النـآس آللي يغضبون إذا جآعوا
لا طبعا

(4) أول مآ تدخل السوبر مآركت أي قسـم تشوف بطنك يوديك له بدون شعور !
العصائر

(5) هل صحيح مقولة [ الطريق إلى قلب الرجل معدته ] !
الطريق إلى قلب الرجل هو محبة ونقاء قلب الطرف الثاني

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
برأيي انها غير صحيحه خصوصا اننا في مجتمع شرقي والمقولة هذي تنطبق على شريحه بسيطه جدا من الناس

(7) إذآ دخلت البيت و أنت جوعآن/ــه مره ومآ لقيت الأكل جآهز وش ردة فعلك ؟
اصبر . أو أجهز اي حاجه على الطاير لغاية ما يجهز الاكل

(8) وش الأفضل عندك أكل البيت أو أكل المطعم ؟!
أكل البيت طبعا

(9) تحب تآكل لـ حآلك أو تآكل مع جمآعه مع ذكر السبب
أحب الأكل الجماعي ( هكذا اوصانا حبيب الله محمد , والأكل الجماعي فيه بركة وطعم خاص )

(10) إذآ كنت من النآس آللي يحبون الكبسه أي نوع من الكبسه تحب ؟!
كبسة بالسمك .. ويا عيني على صالونة سمك

(11) لو كنت معزوم /ــه تحب/ــين تكون العزيمه بوفيه او شو؟
والله البوفيه حلو اعدد الاختيارات

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل
[ شوكلآته وَ لآ شيبس وَ لآ فوآكه] !
تمر .. فواكه

(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك

أكيد حنين الماضي .. على الرغم من الورطه اللي حطتني فيها الحين هههههههههههه

(14) وش الطبخه آللي تضبطهآ/ــيها و ودك تعزمنآ/ــينا عليهآ
ممممممممممممم ما اعرف أطبخ لكن ..
انتوا معزومين على سلطة بالزيتون والجبنة وزيت الزيتون ... بيسيل لعابكم

///////////////////////////////

أختار من الأعضاء ...






المشرف الجميل والحبوب ( الباشق )

هههه


ما عليه يا رحــــــــال مقبووله منكـ يالدب


يالله البااشق .. نتريااكـ .. ^^

شمووووووووخه اشوفك فرحانه ومستانسه وااااااااايد

متى يجي دورك في كرسي الاعترااااااااااااااف

من زمان ما ضحكنا ....

دمتي بحب ....

صباح الخيرات
الحين انت ما اخترت غيري اناااااااا؟؟؟؟
الواحد يداوم والا يفكر في بطنه

(1) كم وجبه تآكل بـ اليوم !
كم بعد مثل الناس من وجبتين الى ثلاث وجبات

(2) وش وجبتك المفضله [اللي ما تقدر تستغني عنهآ ]
السلطة ومرقة اللحم

(3) أنت من النـآس آللي يغضبون إذا جآعوا
وااااوووو ... واجد (اهم شي عندي الاكل)

(4) أول مآ تدخل السوبر مآركت أي قسـم تشوف بطنك يوديك له بدون شعور !
المعجنات والاجبان والاسماك

( لحضة اشرب شاي مع بقصم) (فطور مكاتب موه نسوي) هههههه

(5) هل صحيح مقولة [ الطريق إلى قلب الرجل معدته ] !
كلام لا صحه له بالنسبة لي.

(6) مآ رأيك في قول [ إذآ بغيت الحرمه ترضى عليك ودهآ لـ المطعم ] !
اعتقد انها مقولة غير صحيحه .. قولي ودها سوق الذهب والا محلات العبي

(7) إذآ دخلت البيت و أنت جوعآن/ــه مره ومآ لقيت الأكل جآهز وش ردة فعلك ؟
انتظر لكن بعد ما اعصب مرررره

(8) وش الأفضل عندك أكل البيت أو أكل المطعم ؟!
البيت ... بس التغير مطلوب بعد

(9) تحب تآكل لـ حآلك أو تآكل مع جمآعه مع ذكر السبب؟؟
الجماعي .. والسبب عاد اللهمة حلوه مع الشباب امثال برنساوي ورحالكوووو .. فيها ضحك وسوالف وتحدي وما تحس لما تأكل ..

(10) إذآ كنت من النآس آللي يحبون الكبسه أي نوع من الكبسه تحب ؟!
اوووووه المكابيس لها طعم ثاني ... كبسة اللحم مع سمك مقلي

(11) لو كنت معزوم /ــه تحب/ــين تكون العزيمه بوفيه او شو؟
يعتمد على نوع العزومة
بس افضلها تكون العزيمة ع البسطة ومحليه

(12) أنت من النآس آللي تحب تآكل بين الوجبآت ؟! إذآ كآنت إجآبتك نعم وش تحب تآكل [ شوكلآته وَ لآ شيبس وَ لآ فوآكه] !
لا ... بس ما يمنع اذا كانت تصبيرة

(13) إذآ كآنت شهيتك مسدوده عن الأكل من تختآر من الأعضآء يآكل معك عشآن تنفتح شهيتك
ما اعتقد انه شهيتي تنسد والحمد لله
اكل بروحي

(14) وش الطبخه آللي تضبطهآ/ــيها و ودك تعزمنآ/ــينا عليهآ

تفضلوا هني وعافية

الحين دوري
اختاااااااااااار ... العيووووز شموووووووخ
ودمتم بعافية

هههههههههههههههه

دورك شموخ تعالي جاوبي

شموخ

شموخ

ننتظرك