الموضوع: خلاص ابعد..."بقلمي"

خلاص ابعد

خلاص ابعد عن حياتي ماعاد لك فيها مكان
ابعد وانساني وانسى اني في يوو حبيتك

انا اكتفيت من عذابك ومن جروحك ومن لوعة وصالك
انتهى صبري وجاء اليوم اللي اقول لك فيه الزم حدودك

ياما وفيت لك واخلصت في حبي في حضورك وفي غيابك
ياما حسبت الف حساب لخطواتي عشان بس مازعلك

وان شفتك في يوم ضايق صدرك مختنق وهموم الدنيا على راسك
اضمك في حنايا صدري واهون عليك وشيل همك من على صدرك

وان ضحكت لك الدنيا في يوم والارض من الفرحة ما شالتك
افرح لك من كل قلبي حتى لو ماكنت اعرف سبب فرحتك

المهم عندي اشوفك مرتاح البال رايق تبتسم وتضحك
مو مهم عندي السبب المهم ما اشوف في عيونك دمعتك

ولكن للاسف جازيتني بالغدر والخيانة ونكران الجميل
وغرست في حشى يوفي خناجر من خياناتك وغدرك

لا تجيني تتطلب العفو وتعتذر ذنبك كبير ولا يغتفر
طحت من عيني رجاءا ما ابي اشوفك ولا حتى المحك

نسيت اني قلت لك مرة انا من باعني مرة ابيعة الف مرة
رجاءا ابعد عن حياتي ما ابي اشوفك خلاص النفس عافتك

خلاص قلت لك ابعد عن حياتي ماعاد لك فيها مكان
ابعد وانساني وانسى اني في يوو حبيتك