زودت طعني وانا منك مطعون
ياكيف تهنى وجروحي مديده
ألغيت شخصي وذاتي من الكون
واصبحت كذبه في حياتك اكيده
ماضن جرحي له يوم بيهون
دام انت دايم بطعنك تزيده
دموع عيني بكل ليل يزفّون
تنشد من الوهاب ليلة سعيده
ماكفى ماكان بالشكل واللون
اهوال ماضي ترد وتعيده
اهديتك الود من الخفاق مضمون
واهديتني الغدر بحكمه سديده
ابيك لي عون مابيك فرعون
تصافح الاحساس ايديك بإيده
يكفيه من الاحزان تجريح وطعون
عضاه من الغدرماتت شهيده
يهواك قلب لك عاش مديون
وحبه بقلبك خاوي رصيده
ارحم عزيز النفس ماظن بيهون
وماظن يحضى بطعون جديده
عيدك تشوف الدمع امطار ومزون
وعيدي اشوفك دوم للفرح عيده
ماهجيت فيوم بتظن باخون
تّوصّل لي التجريح واوطانك بعيده
غلاك باجي وبالجوف مدفون
محد جدر يمحيه طبعي عنيده
لو طاف حولي من الناس مليون
بثبت على المكنون واشد قيده
باقي البشر غير مهما يسوون
تبجى الاصل انت والقلب سيده
قلب متيم فيك وبالروح مفتون
ماظن يسلى يوم بقلوب عديده
غالي ومهما صار تفداك لعيون
مقبوله منك جروح لوهي شديده
لا تقول اهواك واعشقك بجنون
عمر الهوى ماكان للغدر صيده
الهوى احساس تفداه لثمون
ماهو سطر بالنص توسط جريده
عطني عناوين الهوى وين ماتكون
خلني اخط الحب وابعث بريده
بحشاي من سواياك رمح مسنون
بدال لا تبرد الرمح تحمي حديده
تشكك بطبعي وانا للفخر كون
هامتي الاخلاق دايم مجيده
معذور يامن زودت لطعون
لي مايعرف النسر يعجز يصيده
ماهمني الجاه ولو مال قارون
صد ق الهوي مانباع سلعه زهيده
لي همني المضمون ولو قاع ماعون
يروي ضما الخفاق من كف ايده
وغلاة ام نور القمر والكون
هوّن من التجريح وذكراي بيده
إّلي غلاها ساد من دون عربون
صفت لها الابيات تبني قصيده
لجلها بس بكتم وباصون
واروي الغلا بالدمع واقطع وريده
مايفهم المعتوه احساس مكنون
حتى لو التعبير جمله مفيده
لا تصدق العذال مهما يقولون
ومن يجهل الحب خلني افيده
انت بالحشا روح وللقلب مضنون
وكل المشاعرلك ولو هي بعيده
اعذرني يالمحبوب بالقرب باكون
مابقطع الاوصال دامي اكيده
بضل لثمارك مهما ابتعد عون
وامهم شرف للروح توأم وحيده
برضى بحكم القدرلوكان مايكون
واطلب من الرحمن يرحم عبيده
نور الليالي
لا أريد أن أقول أبدعتِ
فالآبداع سمتك ،،والرقي ملعبك ،،والروعه منبعك ،،
لكني سـ اقول لاتتحسري بل احذفيه من قاموس عمرك والسنين
مثله لا يستحقّ حتى الغثيان
كنتِ صادقة بـ أحاسيسك وعبّرتِ عنها بكل سلاسة وجمال
سلمت أنامل كتبت هيدا الاحساس ولو انه بلحن حزين
ودام لنا نبض قلمك الراقي الذي نفخر بوجوده بيننا
لا تحرمنا هيدي الاضاءات الابداعية بين الحين والاخر
وكوني بألف خير وسعادة محبتي الواسعة لكِ
اسعد الله قلبك
تـح ـيــاتي وودي بساتين من الياسمين الدمشقي
نور الليالي !!
ذهب ............ لهذه المشاعر بريق بحجمه !!
جميلة !!
ولن افي حقك في القول انما للصمت لغة ابلغ من الكلام !!
تقديري !!
كلمااااااااات رائعــــــــة..
ابدعـــت أخـــــــــي..
شكـــــــرررا لك.
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
