صفحة 1 من 3 123 الأخيرةالأخيرة
النتائج 1 إلى 10 من 25

الموضوع: من هنا وهناك ..... كل شي فيك حلو يا شام

  1. #1
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    مـن هنــا وهنــــاك ( كل شـــي حلـــو فيــكِ ياشــــام )



    يسلم ترااابك واهلك ياشااام
    والله حاميكي
    هيدي المشاركة رح اجمعلكم فيها كل مرة
    وانا عم دور بالتكسي كل شي حلو من شام دمشقي
    بقا خليكم معي وفضووا شوي من وقتكم لتكونوا حدي
    لانو كل رحلة بروحا بـ قلب احيائها وشوارعها
    رح ورجيكم صورها وتشوفوها منوعة بـ زمانها اومكانها
    او احكيلكم كل مرة عنها قصة ممتعة ومميزة سمعتا

    دمشق Damascus
    أقدم عاصمة على وجه الأرض ومدينتي كماان هههه
    قال عنها نزار قباني لا أستطيع أن أكتب عند دمشق
    دون أن يعرش الياسمين على أصابعي
    ( وهيدي زهرة ياسمين رمز لدمشق ويلي بتكتر فيها )



    أول شي راحت وفتحت باب الحارة



    وفتت ع بيت جدي



    ورح استقبلكم بغرفة أسمها -الآآآآآآآعة- يعني القاعة



    و هادا منظر للبيت من بره الحارات كانت ضيقة



    و هون عرايش ورد اللي على حيطان بيوت القديمة من بره
    بيئلولو البيت العربي



    وبتلائي شجر نانانرج او ليمون بديار البيت
    بيساووا منا عصير ليموناده بالصيف او معود نانانرج ( مربى )



    والزعبوب طعمه طيب



    اذا رجعنا بـ الذكريات لـ الأول هيدي مدرسة للصغار
    كانوا يئلولا الخجا



    وهيداا مبنى قديم لجامعة دمشق- بالبرامكة ( قريب ع بيتنا هههه )



    هيدي محطة القطار يلي بـ ساحة الحجاز



    و هيداااا القطار رايح ع الزبداني
    يالله شو لما كنا صغار نطلع فيه ع سرغايا والفيجة



    نهر وراااا قلعة دمشق يلي جنب سوق الحميدية
    باخر هيدا الطريق بتوصل ع المسكية وبعدها ع الجامع الاموي



    هيدا نهر بردى اللي كانوا يشربوا منو كل أهل دمشق
    بس هلأ كترنا بالشام لهيك مابيجي الصيف الا بينشف
    وبنستنى مطر وتلج الشتى كرمال نشوف مياتو هيك
    ( الله يبعت الخير )



    مية الفيجة اللي بيشربو منها أهل الشام .... هلأ
    الله يديمهاااا نعمة علينا




  2. #2
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )


    هيداا باب مدخل قصر العظم (مََعلم ترااااثي )



    وراح ورجيكم بس غرفة واحدة بالقصر اسما غرفة المعيشة
    لانن مابيسمحوا بالتصوير كرمال تجي بنفسك تشوفا



    و هيدي منطقة قديمة أسمها - القيمرية



    وبين أحياء المدينة القديمة بتلاقوااا محلات كتيرة " معارض "
    لـ بيع صور مرسومة بـ اليد ل مدينة دمشق



    نافورة خان أسعد باشا



    هيدااا محل بـ البزورية



    محل للمخلل لكن بـ باب سريجة



    وحدو محل بس للزيتون


  3. #3
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )


    رح غيرلكم شوي عن القديم وورجيكم كم صورة
    من دمشق الحديثة هيدي منطقة الروضة



    وبعدها بيجي شارع المالكي و أبو رمانه
    ومن بعيد باين جبل قاسيون



    ووراااه بيجي شارع الجسر الابيض



    و كمان هاي صورة تانية لـ الجسر الأبيض



    جامع بالجسر الابيض قديم شوفوا البحرة اللي بـ الجامع



    و اللي نزل عالشام أكيد راح يتسوق من الصالحية



    و هيدي مدرسة قديمة بالصالحية بس لهلأ فاتحة



    وهيدا آخر شارع الحمرااا



    سوق - الحريقة



    واذا رحتوا عالشام لازم تروحوا سوق - مدحت باشا
    بعد التجديد رووووعه فيه كل شي



    وهيداا مسجد الحنابلة




  4. #4
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )


    و هلأ أحدث شي بالشام افتتاح - بيت الأوبراااااا



    وطبعااا فندق فور سيزونز دمشق



    وهي صور ة جمعت الأثنين
    التكية السليمانية (قديم) و فور سيزونز(حديث)






  5. #5
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )


    وانا مارة قرب سوق ساروجة وقفت ع الاشارة
    واذ لفت نظري
    عراضة شامية بتجنن حزروا مين كان فيها
    ابوعصام يلي بـ باب الحارة
    ايه ماغيرو هوه تاريه مامااات ههههه وللتأكدو
    دغري جبت الكاميرا وصفيت السيارة ع جنب مشان
    مايخالفني عمو الشرطي وصورتلكم ياها
    واذا بتحبوا تسمعوها مباشرة
    من هيدا الرابط لما يتحمل معكم بتعيشوها حقيقة
    هلا رح ورجيكم الصور












    هيدا رابط العراضة نصيحة اسمعوها بتاخد العقل كأنكم فيها

    http://www.dimashkiat.com/audio/disongs6.WMA

    وهيدي كلماتاااا

    صلوا على محمد مكحول العين
    نير وغضير وعادلا وهي
    اول ما بدينا عالنبي صلينا
    وقربنا ايدينا
    قبل السلام عليكم اجينا الليلة نهنيكم
    نهنيكم من حيّكم وفرقتنا بتحيكم
    ونغم الليل بتحييكم وبالعراضة الشامية
    عريس الزين و يا غالي يا عود اخضر وشيالي
    والبوسة منه بتحلالي
    عريس الزين ما بيعو اي ولو جبلي تمن غالي
    وزين على زين على زين
    ونور على نور على نور
    يا سائل عنا وما تندل
    وسئل عن العريس بتندل
    ابعتلك راشد دليله يدلك عن اهل الكرامه
    وعريسنا من اهل الكرامه واهله اهل اكرامه
    وركابينا اصايل والاصايل عربيه
    اهله اهل الكرامه وركابينا الاصايل
    والاصايل عربية وزرقة ويا اصيلة
    ويا شقرا يا اصيله وقومي نزيلي لمدينة
    وميلي على مياله وعريسنا خياله
    يا ميمته يا ميمته
    وطلعي ولاقيلو ومشي مقابيله
    ام عريس ولاقينا وبزلغوطه حيينا
    وجبنا العريس وجينا
    جينا وجينا وجينا وجبنا العريس وجينا
    كرمال عيونه الكحلة والليله احلى واحلى
    بدر الزمان يناديلا ويقلا هلي علينا
    صلاتك يا محمد زارونا اهالينا
    وحدي الله يا خاله العريس وصل عالصاله
    زفو العرسان زفوها وبالمزاهر حيوها


    وتحياتي لكل عريس وعروس
    وعقبال يلي عايزين يجددوووووو ههههههه
    والله يديمك ياشام بخير ويديم افراحك

  6. #6
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )



    اليوم رحت بدي اشتري شوية بهارات من البزورية فـ حبيت
    أمر ع الجامع الاموي يلي تقريبا بـ اخرها وجبلكم معي كم صورة
    كرمال تشوفوها لكن قبل رح احكي عنو شوي



    هو جامع يعتبر تحفة ودرة من درر الشرق له مكانة مميزة في تاريخ
    العمارة وفي الفن الأسلامي على وجه التحديد لخصوصية البناء
    وضخامته ولغناه المعماري والتزييني
    اضافة لكونه أهم المنجزات المعمارية في بداية الدولة الأسلامية
    أقيم على أرض مقدسة للديانات المختلفة التي تعاقبت على هذه الأرض
    عبر العصور التاريخية وكان من اول تاسيسه عبارة عن معبد آرامي
    او إله العاصفة السوري ظل يعبد في دمشق ثلاثة آلاف سنة
    وعند الرومان سمي رب الأرباب منزل المطر وكانت تعبد معه رفيقته
    عتر غيتس الزهرة وكان لها وللآخرين تماثيل في المعبد
    ثم أصابه تبدل في بنائه الأساسي في عهد السلوقيين والرومان
    فـ أخذ بالتدهور عندما أصبح كنيسة يوحنا المعمدان
    والتي تدهورت قبل الفتح الأسلامي عندما دخل خالد بن الوليد فاتحا
    أقام الصلاة في الزاوية الجنوبية الشرقية ليس بعيدا عن الكنيسة
    فصلى فيه الصحابة باتجاه القبلة فكان هذا أول مسجد في الشام
    وقد أقيم محراب مازال يحمل أسم الصحابة أو اسم الحنابلة
    حوله المسلمون في مابعد الجزء الشرقي إلى المسجد
    فكان المسلمون والنصارى يدخلون من باب واحد
    ثم ينصرف المسلمون إلى جهة الشرق والنصارى إلى جهة الغرب







    يبلغ طول المسجد 157 مترا وعرضه 100 متر
    يتألف من صحن عرضاني مكشوف تبلغ أبعاده 48 × 12 مترا
    تحيط به من الشرق والغرب والشمال أروقة محمولة على أعمدة عالية
    وفي الجنوب يقوم الحرم الذي يبلغ طوله 136 م وعرضه 37 م
    يتألف من ثلاثة أجنحة ممتدة من الشرق إلى الغرب يفصل بين كل منها
    صف من الأعمدة وجناح معترض متوسط يصل بين المحراب وصحن الجامع
    يعلو الجامع جملون مرتفع وتتوسطه قبة النسر وله ثلاث مآذن
    المئذنة الشرقية تسمى مئذنة عيسى أو المئذنة البيضاء
    المئذنة الغربية هندسها معماري عربي وفق اسلوب مصري
    مئذنة العروس القائمة وسط الجدار الشمالي أقامها الوليد وطلاها بالذهب
    وتعد أقدم مئذنة اسلامية مازالت قائمة














    وفي وسط المحيط الفاصل بين الحرم والصحن عمودان صغيران
    يقال أنهما كانا في عرش بلقيس ملكة سبأ
    وهناك منارة الجامع الشرقية القبلية اوالمنارة البيضاء يزعمون
    أنه توجد قطعة من الحجر الذي ضربه ( موسى بن عمران )ع
    ( فانبجست منه إثنتا عشرة عينا ) سورة الأعراف 160 تعرف اليوم
    بمنارة عيسى عليه السلام والله اعلم
    وايضا للجامع أربعة أبواب
    باب القوافين ويقع في الجدار الجنوبي وباب البريد من جهة الغرب
    وباب العمارة وباب النوفرة وهو أكبرها ويقع إلى الشرق
    وإلى الشرق والغرب من الجامع أربع صالات اثنتان من كل جهة
    يفصل بينهما أحد البابين وهذه الصالات تعرف بـ اسم المشاهد
    وهي مشهد عثمان في الجهة الشمالية الغربية الآن هي قاعة استقبال
    في المسجد و هناك مشهد عروة في الجهة الجنوبية الغربية
    وهو بيت الوضوء واليوم فيه متحف الجامع
    ومشهد الحسين في الجهة الشمالية الغربية كان فيه رأس
    الحسين بن علي (رضي الله عنهما ) قبل أن ينقل إلى القاهرة





    مقام الحسين رضي الله عنه


    مقام يحيى عليه السلام


    البئر

  7. #7
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )


    داخل المسجد أربعة محاريب محراب المالكية كان اسمه
    محراب الصحابة لأن الصحابة كانوا يصلون فيه
    ومحراب الحنفية ومحراب الشافعية ومحراب الحنابلة
    ويقوم في القسم الشرقي من الحرم قبر النبي يحيى وفوقه قبة
    أما في صحن الجامع فكانت هناك ثلاث قباب
    قبة الساعات في الجهة الشرقية وقبة البركة في وسط الصحن
    لكنهاأزيلت وقبة السيدة عائشة أو قبة المال في الجهة الغربية

    محراب زين العابدين


















    يله بكرى بلاقيكم مع رحلة جديدة من هناا وهناك
    فـ ابقــوا بــــــ القرب وشاهدوا حلا الشاام




    ( هيدي المشاركة كلها بما تحوي
    اجتهاد شخصي مني
    حسبي الله ان نقل احد منها نسخ لصق
    دون تعب اوسجلها بـ اسمه

  8. #8
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )

    مرحباااا
    جمعة مباركة عليكم جميعااا
    امبارح ماقدرت جبلكم معي الصور كرمال
    اتأخرت بالرجعة ع البيت لانو كنت ضايعة بـ حارة
    مطرح ماضيع القرد ابنه
    لاتستغربوا
    هيدا لقب طريف لإحدى حارات "دمشق" القديمة
    تقع خلف الطابو باتجاه المرجة في منطقة العقيبة بحي السمانة
    وهنيك في قهوة اسما كمان مهضوم ( دفشة شباب ) ههههه



    وتسميتها كانت نتيجة تشعبها وانقسامها لأزقة ضيقة جداً
    ومتشابهة ومتداخلة ببعضها البعض
    فـ الغريب عنها لا يستطيع الخروج منها إلا بعد مضي وقت
    وهو يبحث عن المخرج
    وهيدا يلي صار معي امبارح حتى استنجدت بولد مهضوم
    هو دغري طالعني بـ اخرها ع الشارع



    إجمالاً حارة " محل ما ضيع القرد ابنه "
    تصح على كل حارة ضيقة ومتشعبة في " دمشق القديمة "
    وأصل هيدي القصة قديم جداً
    حيث أتى شخص من إحدى الضيع ومعه قرد يقدم استعراضاً
    بهلوانياً وكانت الفرجة وقتها بفرنك واحد وفجأة هرب القرد منه
    ولحقه صاحبه وضاعا في هيدي الحارات
    ويقال ان اسمها اسأل ولن تضيع



    من الجميل أنك ذاهب لمكان تعرف أنك ستضيع فيه
    والأجمل أنك ستحب هذا الضياع متاهات عشقية بزخرفة
    تراثية ما إن تتواجد في هيدا المكان حتى تستفزك أزقته
    بالمضي قدماً
    حاول ألا تستنجد بسؤال أحد الأهالي القاطنين هنا
    جرب أن تمتص دهشتك واستمتع بعالم الدهاليز
    كـ انك في متاهة
    بس بعدين بدك تسأل لتتأخر بالرجعة ع البيت هههه


  9. #9
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد: مـن هنــا وهنــــاك ( كل شـــي حلـــو فيــكِ ياشــــام )


    نسيت قلكن انو صحيح امبارح ضعت بقلب الحارة
    لكن كتير انبسطت لما دخلت احد بيوت دمشق القديمة
    لما الولد يلي قلتلكن انو دلني ع الطريق ووصلني
    ع الشارع عزمني على بيتو لاستريح
    وهنيك امو استقبلتني بحفاوة يااهلين وياسهلين
    وكـأنا بتعرفني من زمان او اني قريبتا











    بعدين دخلتني ع غرفة الاستقبال
    وقعدت وانا مبهورة عم اتطلع بـ الزخارف
    والنقوش يلي شفتون محفورين ع السقف
    والحيطان ورسمات الشبابيك الملونة
    حسيت اني بقصرالاميرة ياقوت تبع الف ليلة وليلة
    يالله شو حلوين بيوت دمشق القديمة وبحبن كتير
    من انا صغيرة لمن كنت روح ع بيت جدي بالميدان
    قبل مايروح بالقص ويصير بدالو المحلق الجنوبي
    طبعا مش متل حلا هيدا البيت
    لكن بيضل الو نكهة شامية غير البيوت الجديدة




















    وهون حد البحرة ضيفتني الام كاسة عصير توت شامي
    وحطتلي بعدا مالذ وطاب من الحلويات والفواكه



    واحلى شي لما خلصت زيارتي وصار لازم امشي
    بعد ماودعتني امو للولد بحفاوة وحلفت
    مية يمين ومية عظيم انو ارجع عيد الزيارة
    لقيت قطتن المهضومة تعربشت ع الشجرة وصارت
    تقلي مياااو مياااو وتخربش بـ ايديا
    اكيد حبتني وبدا ياني ارجع زورااااا هههه




    يارب تكونوا انبسطوا اليوم معي بـ المشوار
    بشوفكم برحلة تانية من هنا وهناااك
    وشي جديد من حلا الشااام





    ( هيدي المشاركة كلها بما تحوي
    اجتهاد شخصي مني
    حسبي الله ان نقل احد منها نسخ لصق
    دون تعب اوسجلها بـ اسمه

  10. #10
    الصورة الرمزية رحاب الشام
    Title
    نبض متألـق
    تاريخ التسجيل
    08- 2009
    المشاركات
    4,016

    رد:م ـن هنــا وهنــــاك ( كل شـــي حلـــو فيــكِ ياشــــام )

    اليوم رحلتي مميزة

    كرمال كنت بـ مكان بيكشف تقريبا كل الشام 99,99 بالمية ههههه
    ومن هنيك التقطلكم صور بتجنن
    بنصحكم لما تجوا تزوروه شتى او صيف
    واذا بالربيع مو مشكلة وكمان بالخريف ليل او نهار مابيهم
    رح تلاقوا مناظر الشام الحلوة كلها من عندو وخاصة اذا وصلتو
    للاخير كـأنكم عم تشوفوها من السَحاب وجيبوا معكم ناضور
    ليقربلكم اي مكان
    وكمان جوه قمة من الروعة وخاصة بالشوبات
    عرفتو عن مين اقصد

    انـــــــــه جبل قـاســـــــــــيون






    هو الجبل الأشم الذي يطل على مدينة دمشق يتصل من جهة الغرب
    بسلسة جبال لبنان ومن الشمال والشرق بسلسلة جبال القلمون
    الممتدة إلى منطقة حمص ترتفع قمة جبل قاسيون 1153 مترا
    عن سطح البحر وعن دمشق 600 متر
    يشاهده الزائر لـ دمشق من كل شارع وزقاق ومنزل مرتفع
    ومن اهم المتنزهات لسكان دمشق وزوارها العرب







    تقول الروايات التاريخية أنّ سبب تسمية هيدا الجبل بـ قاسيون
    تعود لطبيعته القاسية حيث قسا فلم تنبت الاشجار على قمته
    وقيل أيضاً أنه قسا على الكفارفلم يقدروا أن يأخذوا منه الأصنام
    وكذلك يقال إن فيه الكهف حيث قتل قابيل) أخاه هابيل
    هيأت محافظة دمشق طريقا درجيا للوصول إليه وقد أنير ليلا
    وهو يزار بشكل دائم من قبل المهتمين بالآثار والمواطنين العاديين
    وفي أعلى الجبل مغارة أو كهف (مقام أهل الكهف) والله اعلم
    وهو من طابقين ويزوره كثير من الناس حيث يكتبون على جدرانه
    أسماءهم وكلمات للذكرى ولكن هنا تكمن المشكلة بالوصول
    إليه إذ إنه يقع وسط أبنية سكنية ويحتاج الزائر لدخول بناء سكني
    قبل ويحوي الجبل على العديد من المغارات الطبيعية واشهرها
    مغارة الجوعيه ومغارة الدم ومغارة الاربعين وهناك مغارات شقها
    الانسان ويقال بوجود نفق عظيم اثري في قاسيون شقه التدمريون
    واهالي مدينة تدمر لجر مياه الشرب الى مدينتهم من نبع الفيجه
    ابان حكم زنوبيا








    بُنى على هذا الجبل الخليفة العباسي المأمون مرصده الفلكي الشهير
    على قمته لرصد الكواكب والنجوم
    وانتشر فيه العديد من الاديرة اكثرها ما كان مهجورا واشهرها دير مران
    وعلى سفح الجبل يوجد بعض الأماكن المقدّسة مثل قبر النبي ذي الكفل
    في كهفِ جبريل و مقام النبي يونس وقبر الزاهد ابن عربي
    وفيه احترس نبي الله يحيى من رجل من قوم عاد في الغاركما فعل أسفل
    منه النبي الياس احتراساًمن ملك قومه عليهم جميعا السلام
    ويقال هو مسكن ادم وفي اعلاه قتل قابيل هابيل ولهول الخطيئة
    فتح الجبل فمه فتشكلت مغارة الدم

    مغارة الدم




    وهيدا منظر كتير روعة لما صار الليل
    حيث تتزين المدينة بمصابيحها و أنوارها وفوانيس حاراتها القديمة
    ولأن الإطلالة من الجبل تحتاج إلى نزهة وجلوس قد يمتد لساعات وساعات
    فقد انتشرت على قمته العديد من الاستراحات الترفيهية الشعبية والسياحية
    التي تمتع روادها بمشاهدة دمشق من عل مع أخذ «نفس آركيلة (شيشة)»
    واحتساء القهوة والشاي والمرطبات الباردة وغيرها
    ليتمكن الزائر من رؤية دمشق بمشاهد بانورامية
    وتم تشجير العديد من أقسامه ليلطف مناخ دمشق وهوائها







    هيدي الالعاب النارية بتصير وقت الاحتفالات بمناسبات واعياد
    بتلاقي هل الجبل صار هو والسما شعلة بتضوي الشام
    وهل الناس عيونا لاحقتا( يارب كل يوم يصير عيد )



    هيدي استراحة فوق تقريبا بـ اخر الجبل ( موغالية كتير )
    بس في غيرااحلا وكمان العقدة فيها احلا وسعرااحلا هههه
    ومو شرط تقعد فيها كرمال في كراسي وضعتها الدولة مجانبة



    وقت التلج يلي مابدو يروح ع بلودان
    جبل قاسيون بيلاقيه اقرب ومليان تلج
    بس مش ع طول
    ع حسب الارتفاع يلي قررت الغيوم تنزل تلج فيه
    جيبوا معكم كفوف كرمال ماتتجمد ايديكم وانت بتلعبوا بالتلج







    وعلى سفح جبل قاسيون من الجهة الجنوبية الغربية
    نُصُب الجندي المجهول
    يوضع كل سنة عليه باقات من الورود وتشعل شعلة
    وتطلق 21 طلقة تعبيرا عن امتناننا لجنود نا البواسل الذين
    خاضوا الحروب ودافعوا عن كل سورية مش بس الشام
    ويوجد في اسفل الصرح
    متحف يضم العديد من قطع الاسلحة الصغيرة
    والتي استخدمت ايام الثورات السورية
    وصور كبيرة جدا تصور معركة تشرين ومعركة ميسلون
    لكن ( ممنوع التصوير )



    السيد الرئيس بشار الأسد يضع اكليلاً من الزهر
    على ضريح الجندي المجهول



    لاتفتكروا انو انا هيدي يلي بهيدي االصورة
    ولي انا وقف هون بدوخ ولا يمكن
    خويفةومابقدر قرب بشعر حالي صرت تحت وبصرخ
    بس هيدا الخطيب الجريء عم يشرحلا لخطيبتو
    الجريئة ويسالها وين بتحبي تسكني
    لاشتريلك بيت حددي اي منطقة من هون هههههه
    هيدي كانت مقدمة لاشرحلكم شو في كمان ع الجبل
    في قمته بالقرب من منطقة الربوة صخرة الحب التي تروي
    الاساطيرحولها حفرت عليها عبارتان
    "اذكرني دائما" و "لن انساك"
    تقول الحكايات ان عاشقين دمشقيين كانا يلتقيان دائما
    وبعد فترة لم يتمكن من الزواج منها واراد اهلها خطبتها
    لشخص اخر فقام بتسلق الصخرة الشاهقة في قاسيون
    وكتب عليها عبارة "اذكريني دائما"
    ومن ثم قامت هي بكتابة عبارة "لن انساك"
    ويقال انهما انتحرا فيما بعد واصبحت الصخرة تعرف
    منذ ذلك الوقت باسم صخرة الحب
    حيث يكتب عليها العشاق عبارات الحب



    بس مايسووا هون هيك متلن ويرموا حالن شايفتن زعلا نين




    رح اهرب الان من قاسيون
    ليقوم حد يفتكرني ساعدتن بـ الانتحار هههه
    يله بشوفكم برحلة تانية من هنا وهنااك
    وهلأ مع السلامة ضلوا حدي مو تروحوا بعيد
    راجعتلكن بشي جديد

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML