الموضوع: من هنا وهناك ..... كل شي فيك حلو يا شام

ومن بلدة دمر البلد يتجه نحو بلدة قدسيا البلد
على محاذاة الطريق العام متجاوزاً
الأبنية الحديثة التي على جانبي الطريق العام
الى منطقة جمرايا
البلدة المتواضعة الجميلة الرائعة الهادئة







وبين جمال الطبيعة الخلابة و بين هدير نهر بردى
تتلوى القاطرات يمنة و يسرة في خيلاء
بين أحضان الطبيعة
بـ أجمل منظر في غوطة دمشق الغربية
قبل مايوصل ع الهامة















وهيك بيوصل القطار برعاية الله و حفظه
الى محطة الهامة
للتزود بالماء اللازم لسير القطار يلي بيعمل
على قوة دفع البخار



ومحطة الهامة
هي مكان مكوث المشرفين على الخط
و مراقبة القاطرات و مقطورات التحميل
وما زالت لليوم تعمل وتمر القطارات منها
كل يوم جمعة فقط

ومن منطقة المرج الاخضر يسير بـ اتجاه
جديدة الشيباني أو جديدة الوادي العامرة
بـ المقاهي الشعبية و المطاعم التي تشرف
على مجرى نهر بردى







وبـ منطقة جديدة الوادي يمر بمحاذاة الطريق
العام المؤدي الى منطقة عين الخضرا
عابرا البساتين و الأبنية الحديثة التي اقيمت
بمحاذاة سكة القطار
يجوب الظلال الخضراء حتى بلوغه محطة
جديدة الشيباني
مارا بين جبلين من الأشجار المصطفة على طرفي
السكة وكلها من أنواع الصفصاف
منظر ولا اروع من هيك شوفو معي وتأكدو

بعدين بيبدأ القطار يخفف سرعته ويطلق صافرته القوية
لـ تنبيه الناس الى الوصول لـ محطة جديدة الشيباني
وبينزل بعض الركاب و يصعد البعض الآخر لمتابعة الرحلة
بـ اتجاه منطقة بسيمة وعين الخضرا







في بعض الأحيان تقترب السكة من الجدار الصخري
بحيث يحسب الراكب أنه سيصدم بـ الصخر
لذلك وجب التنويه على عدم من الأيدي من النوافذ
و خصوصا عند بدأ الوصول الى محطة عين الفيجة





الان رح اتركم وروح استرحلي شوي
من الطريق بهل القطار قد مالف وعوج دوخني
بس لاتروحوا بعيد كرمال المحطة الجاي هي
عين الفيجة
احلى منطقة برأيي ونحنا بنروح الها كتير
واحيانا بنستأجر فلة بالصيف كرمال الهوا فيها
بينعش القلب ومياتا صافيين طيبين لانو منها
نبع الفيجة يلي اهل الشام بيشربوا منها
والقعدة على طرف نهر النبعة مع الاكل الطيب
كتير هنيك ياسلاااام بتلاقوا
لا لا مارح قلكم اكتر الالما شوفكم
بالمرة الجاااي مع كل شي جديد وحلو
من حلا الشام

مرحباااا
بعرف تاخرت عليكم
شو بدي سوي التلج كان ملي الطرق
والمواصلات مقطوعة
لكن ضل عندي امل انكم عم تنتظروني انا و الصور
لهيك تحديت البرد والطقس الماطر وجيت كرمالكم

كنا وصلنا الى عين الفيجة بسلام
و القطار عما يصففففففففر
صرعنا بالصفيرة تبعو





هيدي هي محطة عين الفيجة
ما زالت كما هي لم تتغير

شات الخليج

وبعد توقف القطار كلياً وفتحت الأبواب
نزل ركاب عين الفيجة منه
وكما في ركاب بدها تطلع على الزبداني





وحد الرصيف قريب من خزان الماء
بدا في تعبئة المياه
لأنو عندو طلوع و يحتاج الى المياه بوفرة

طبعا ناس بتضل بالفيجة بتقعد بالمطاعم المنتشرة
والمشهورة بنكهتها الزاكية اوالجلسات الشعبية
المريحة والهادئة والقريبةمن النبعة
قعدة بتاخد العقل
واذا بدكم نصيحتي ورح تدعولي ( اسالو مجرب )
مو دعاية والله لكن نحنا ع طول بنروح هنيك
اطيب اكل نضيف بيتي أيّ زوجات أصحاب المطاعم
بتسويه وبتاكلوه حد المي شي
كبب مشوية ومقلية وتبولة ومشاوي فريكة
كبسة صفايح خدمة فوق الممتازة وطلبكم بيوصل
دغري مع ضيافة فواكه وقهوة وشاي مجاني
مالكن قلب تطلعوا منها
نحنا بنضل لوقت متاخر ومابنشعر كيف مر















و الان أطلق صافرة الإنطلاق
مع خروج اللهب من المدخنة
لمتابعة الرحلة ع الزبداني

القطار الان بدو يمر من محاذاة بلدة دير مقرن
ثم كفير الزيت وصولا الى دير قانون



ويسير بجانب الجبال الشاهقة و المشهورة
بجبال عين الفيجة
عابراً منطقة المشاتل الزراعية الخصبة ذات التربة
الغنية لزراعة كافة أنواع الورود و الزهور
حتى يقترب من محطة دير قانون يتوقف فيها لدقائق
معدودة بنزل بعض الركاب و يصعد بعضهم القاصدين
سوق وادي بردى









بدأت مرحلة الصعود التدرجي للقطار
من هذه المنطقة فنرى الطريق العام على يمين
القطار وهو بدوره قد ارتفع عن مستوى نهر بردى
في أسفل الوادي حتى بلوغ قرية الحسينبة

سكة القطار تأخذ بالارتفاع التدريجي عن مستوى
الطريق العام و عن مستوى جريان نهر بردى
في أعالي الجبال الصخرية التي تحرسه و تحرس
السكة منذ سنين و سنين

ثم يعبر القطار فوق جسر وادي بردى ويسير
محاذيا للجبال الصخرية والتي تم شقها
عند مد هذه السكة أيام احتلال الدولة العثمانية
حتى يصل لمحطة سوق وادي بردى

يتوقف شوي في محطة سوق وادي بردى
ثم تحرك بـ إتجاه محطة التكية
من خلال دخول نفق المؤدي اليها

















لحظة وصول القطار الى محطة التكية يتزود بالماء
من محطة التكية و بينزل بعض الركاب فيها
أيضاً للتزود بالفحم الحجري لعملية تسخين المياه
استعداداً للمسير في سهل الزبداني المترامي الأطراف
حتى الوصول الى مدينة الزبداني