النتائج 1 إلى 10 من 10

الموضوع: قصة بنت تتصل على ارقام مميزة ؟؟؟؟؟؟

  1. #1
    الصورة الرمزية هـــــــــــتلر
    Title
    نبض متألـق
    تاريخ التسجيل
    05- 2007
    المشاركات
    5,379

    قصة بنت تتصل على ارقام مميزة ؟؟؟؟؟؟

    السلام عليكم ورحمة الله وبركاته . .

    تحية طيبه


    دقت بنت على شاب بالصدفةعلى جواله الا رقم غريب عنه مايعرفه رررد على الجوال الا بصوت يهمس همس احلى من نسمة الليل

    واحلى من نغمة طرب كله حنان وشوق وغرام صوت بمعنى اصح جذاب يجذب زغاليل العصفور من اعشاشها .

    كلمها وهو مو مصدق انها يكلمها كانت تبي التعرف عليه وهو مستغرب منها ومن طلبها قال لها : تعرفيني يابنت الناس .

    قالت: لاوالله مااعرفك واول مره اسمع فيها صوتك .

    سالتها من وين جبتي رقم جوالي .

    قالت : انا احب اتصل على الارقام المميزه واتعرف عليهم واقابلهم بعد اذا اعجبني اسلوبه .

    قال لها : طيب انتي على كذا اكيد بتعرفين شباب واجد مدامك تدقين على الارقام المميزه .

    قالت : طبعا اكييييييد في كل مدينه اعرف اثنين او ثلاثه بالكثير .

    قالها طيب اكيد انك قابلتيهم كلهم .

    قالت:لامو كلهم البعض منهم .

    سالها قال لها وين ابوك وين امك وين اخوانك .

    قالت :ابوي وامي ميتين من زمان وانا صغيره وماعندي غير اخو واحد وعايش بفرنسا

    وزيارة لي قليله وانا عايشه مع خالتي في نفس البيت .

    قالها طيب معقوله وكل هالصوت الحلووووو اكيد انك بتكوني حلووووووووه ومااعتقد

    بعد اني سمعت صوتك اللي كل همس ورقة وحنان انك مو حلووووووه .

    قالت له : انا الله عطاني من الجمال ماله حد .

    قال طيب ليه للحين ماانخطبتي :

    قالت له: انا تزوجيت مرتين وتطلقت الاول تزوجته وعشت معاه في الامارات لانه شغال

    هناك وانجبت منه ولد وبعد اربع سنوات تطلقت .

    سالتها عن السبب .

    قالت له: بسبب الشك الزايد اللي ذبحني فيه كان يقفل علي البيت ويمنع عني جميع

    وسائل الاتصال حتى في جاراتي وصديقاتي يشك فيهن خلاني اعيش حياة ميؤوس منها معاه

    حاولت كذا مره اتفاهم معاه بس خلالالاص تعبت واقتنعت تماما انه حياتي معاه لازم تنتهي .

    وفعلا يوم رجعت للسعوديه وبالتحديد......... تطلقت منه

    قال لها طيب والثاني:

    قالت الثاني: كنت مجبورة على الزواج منه وكانت حياتي معاه مثل العذاب ماحسيت في يوم

    اني مرتاحه معاه وكان هو بدون اهتمام او يهتم بي كنت مجرد دمية في حياة ولا يسال عني ولا

    يفكر فيني وبعد اربع سنوان ثانيه انجبت منه ولد وطلقني .

    قال لها وبعدين وش صار .

    قالت: بعدها حياتي صارت كلها فراغ في فراغ كنت انام واصحى مدري وين اروح مدري

    وش اسوي قمت اتعرف على الشباب من كل مدينه كنت اروح مع هذا واسافر لي هذا حتى كانوا

    يحجزون لي التذاكر وتجي باسمي واروح لي اي مكان ابغاه وماكان فيه احد يسالني انتي من وين جايه او وين كنتي غايبه .

    قالها لها طيب وعيالك.

    قالت عيالي عندهم شغاله هي اللي قايمه بتربيتهم ورعايتهم .

    وقتها هي قالت خلاص الحين بقفل معاك بس بكره بتصل عليك في نفس الوقت قال

    لها خلاص وتأكدي اني بكون مستني اتصالك هذا على احر من الجمر قالت انشاء الله .

    جلس يفكر فيها وعن حياتها وياترى هي حقيقه او بس وحده من البنات اللي يعرفهن تبي

    تختبره وجايبه صديقتها تكلمه بس كان فيه احساس او شعور غريب يقوله هذي البنت اكيد

    انها صادقه ولاكان ماجاني هالشعور واحساس عمره ماخيبني في شي .

    جاء موعد اتصالها في التالي وكان طبعا منتظر اتصالها وشوي الا جواله يدق عليه الا وهي

    من فرحته مادرى وش يقول لها كانت متلخبط في كلامه قالت وش فيك منت على بعضك قال

    مدري بس يمكن من فرحتي فيييك ماقدرت اخفي مشاعري وقامت تفضحني ضحكت ضحكه حلووووه

    وخفيفه ابتسم معاها وطلب انه يشوفها وافقت واعدها بعد ساعه وراح لها في نفس الموعد وهو جالس

    في سيلرة عند السوق الفلاني ينتظرها وكل ماشاف وحده كان يقول هذي لامو هذي وكانت يخمن بين

    هذي وهذيك وبعد ربع ساعه من وقفتها الا وهذيك البنت اللي جايه ولابسه عبايه على الكتف وحاطه اللثمه

    وكلها حلاوة وهيبه وتلفت كل من كان في السوق او مار من الشارع من حلاوة مشيها

    ولبسها جات عند السيارة قالت فلان قال ايه فلان اركبي يافلانه قبل لاتشوفنا الهيئه ركبت معاه وهي تضحك وتقول ياخواااااااف .

    اخذها معاه وعزمها على العشاء وجلس معاها قال لها ابغى منك تفتحين لي قلبك وتقولين لي عن كل شي

    في حياتك اعتبرين ورق ونتي الحبر اكنتبي بي هالورق كل اللي في خاطري وبعدين شقي هالورق علشان يرتاح بالك 0

    بدت بالكلام قالت يافلان انا اعاني من قوت الفراغ اللي ذبحني وذبح حياتي معاي مدري وش اسوي تعلمت اشياء وعرفت

    اشياء والله في يوم كنت اسمع عنها بس مع الاسف الحين صرت استخدمها طبعا اكيد عرفتوا وش اقصد بالضبط .

    كان هو من شدة جمالها وحلاوة اسلوبها يستحي يطالع فيها او عينه تجي بعينها .

    عرف انه هالبنت ماضيعها الا الشباب اللي استغلوا وقتها وخاصتا انها مطلقه وحلوووووه وتقدر تروح وتجي وتغيب

    بدون مااحد يسال عنها .

    طلب منها طلب واحد انها تسمع منه كل كلمه راح يقول لها وتسلمه نفسها .

    قالت :اوكي انا معاك وسامعه لك وصدقني من اول ماكلمتك عجبني صوتك كان فيه شي من البحه يعني مبحوح

    وانا تعجبني هالاصوات من الشباب وبعدين بعد ماكلمتك ارتحت لك .

    الولد ماهو بشين بالعكس وسييييييييم بس ياريت كل الشباب مثله في اخلاقه .

    عالعموم هو قاله لها اسمعي يابنت الناس :ترى كل الشباب اللي تعرفتي عليهم يضحكون عليكي وكلهم نصابين

    عارفه ليه لانهم يمشون ورى رغباتهم وشهواتهم واهم شي انهم ينبسطون مع بنت وماهم هالبنت هذي مين تكون
    او ماتكون صدقيني يافلانه انا لو ابغى اسوي مثلهم والله اقدر والحين واقدر اضحك عليكي واقول انا عندي وما

    عندي واغريكي فيني بس بتكلم معاكي بصراحه انتي ترى للحين في عز شبابك والفرصه قدامك انك لحقين نفسك

    اللي ضاعت بسبب اشخاص اغروكي باشياء ومثلوا عليك باسم الحب الكذاب عمر احد فيهم قال لكي يافلانه ترى

    الطريق هذا اللي انتي ماشيته غلط وترى نهايته بكره كله ندم في ندم على كل لحظه راحت من عمرك صدقيني انا اتكلم

    لاني حاسس فيكي انتي طفشتي من الدنيا لانك مانجحتي في حياتك الزوجيه وكنتي تبغي البديل حتى تطلعي من اللي

    كنتي فيه بس للاسف كان البديل هو ضياع احلى شي فيكي وهو انك فقدتي احترامك لي نفسك ولي اولادك ولي اهلك

    وذاتك وكنتي تمشي مع ناس كلهم يسعون الى تدميرك لانه مافيه احد من هذول اللي ذكرتيهم قال في يوم ابغى اساعد

    فلانه لازم اقف معاه واطلعها من الحياة هذي اللي هي قرفانه منها .
    قال لها صدقيني واقسم بالله لكي يافلانه انه مااقول هالكلام علشان علشان تكوني لي انا وحدي لاوالله ولاكن والله كل

    هالجمال هذا يروح كذا مع ناس ماتستاهله .

    انا راح اوريكي الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على

    كل شي امرنا فيه ديننا الحنيف .

    وقتها البنت قامت تبكي هو لاحظ دموعها عرف انها دموع الندم دموع كل لحظه عاشتها غلط .

    بعدها فكر في حياتها هذا وشلون يغيرها .

    قرر انه يجيب لها كمبيوتر ويسجلها في دوره حاسب آلي ويأمن لها وظيفه تكسب من وراها لقمة عيشها .

    وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها

    ويجيبها لمقر الدورة الحاسب الآلي .

    وعلمها على النت وعرفها على كل من معاه في المسانجر وطلب منهم انهم يعلمونها كيف تستخدم

    النت صح وسجلها معاهم عضوه في المنتدى .

    وبعد كذا سالها قال شخبار الفراغ قالت يوووووووه يافلان معاد له طاري .

    قال لها خلاص ابشرك يافلانه انا لي صديق في مستشفى الفلاني وكلمته عنك قال

    هات لي بس الشهاده الدراسيه وشهاده الكمبيوتر وخبرته انه انتي تدرسين دبلوم حاسب

    آلي وهو ضمن لكي الوظيفن من يوم تتخرجين .

    فرحت وقامت تبكي وحست انه الحياة فعلا حلووووة .

    وطلب منها انها تغير ارقام تلفونات البيت ورقم جوالها وبالفعل غريته وبعد ماتخرجت

    تعينت في المستشفى الفلاني وبراتب معقوووول وزين .

    بعدها قال بسألك يافلانه وشلون حياتك اول وحياتك الحين.

    قالت وعيونها كلها دموع والله العظيم يافلان لو كان كل الشباب مثلك كان كل بناتنا

    بخير وماينخاف عليهم فعلا الحياة حلووووة بس للي عرف يعيشها خاصتا انه في بنات

    يمشون في هالطريق ماهو رضى منهم لاكن الظروف هي اللي حدتهم على كذا واستغلال

    الشباب لهم ولاكن من في زمانا هذا يقول او يسوي اللي انت سويته روح ياشيخ الله يسعدك

    ويوفقك وين ماتلقي وجهك .

    عاهدها وعاهدته انهم ماينقطعون عن بعض ويكون اللي بينهم صداقه

    حميمه نادرة في زمانا هذا اللي هو صداقة بين بنت ولد

  2. #2
    الصورة الرمزية Omani princess
    Title
    عضو شرف
    تاريخ التسجيل
    05- 2007
    المشاركات
    2,564

    رد: قصة بنت تتصل على ارقام مميزة ؟؟؟؟؟؟


    قصــة قادمــة من زمن .......!!

    العبرة أن تستمتع بالحياة .... بما يرضي الله




    شكرا هتلر إختيار جميل

  3. #3
    الصورة الرمزية نور الأمل
    Title
    مشرفة منتدى
    تاريخ التسجيل
    05- 2008
    المشاركات
    2,372

    رد: قصة بنت تتصل على ارقام مميزة ؟؟؟؟؟؟

    قصه فعلا رائعه


    وصدقت ياريت كل الشباب بهذه الاخلاق

    يسلمووووووووو هتلر

  4. #4
    الصورة الرمزية العنبوري
    Title
    إداري سابق
    تاريخ التسجيل
    09- 2006
    المشاركات
    2,173

    رد: قصة بنت تتصل على ارقام مميزة ؟؟؟؟؟؟

    هتلر اما انك ابو القصص بصراحة قصة فوق الرائعة وفيها عبرة الله يحفظ بنات واولاد المسلمين
    لك مني احلى تحية واحلى سلام يا صاحبي

  5. #5
    الصورة الرمزية عاشقة الحرووف..
    Title
    نبض نشيـط
    تاريخ التسجيل
    10- 2009
    المشاركات
    594

    رد: قصة بنت تتصل على ارقام مميزة ؟؟؟؟؟؟

    قصة هادفة

    يعطيك العافية

  6. #6
    الصورة الرمزية شرقاويه
    Title
    نبض نشيـط
    تاريخ التسجيل
    12- 2008
    المشاركات
    712

    رد: قصة بنت تتصل على ارقام مميزة ؟؟؟؟؟؟

    يسلمووووووووووووو خيوووو هتلــر على هــاااذي القصــــه الحلووووووة وجـــزيت خيــرا


    تحيــــــااتي لك

  7. #7
    الصورة الرمزية ريما
    Title
    نبض جديــد
    تاريخ التسجيل
    06- 2007
    المشاركات
    94

    رد: قصة بنت تتصل على ارقام مميزة ؟؟؟؟؟؟

    شكرا الك على هذة القصة
    الانسان لما يسير في الطريق الصحيح وبما يرضي الله
    الحياة تكون حلوة حتى لو كان في مصاعب ومشاكل

  8. #8

    رد: قصة بنت تتصل على ارقام مميزة ؟؟؟؟؟؟

    تسلم هتلر على القصه

  9. #9
    الصورة الرمزية شموخ
    Title
    مشرفة منتدى
    تاريخ التسجيل
    04- 2007
    المشاركات
    10,581

    رد: قصة بنت تتصل على ارقام مميزة ؟؟؟؟؟؟

    يعطيك العاافيه خيوو

  10. #10
    الصورة الرمزية سعد السلفي
    Title
    نبض جديــد
    تاريخ التسجيل
    01- 2007
    العمر
    35
    المشاركات
    12

    رد: قصة بنت تتصل على ارقام مميزة ؟؟؟؟؟؟

    بسم الله الرحمن الرحيم
    أخوتي الكرام
    إن المشكلة التي نعاني منها الآن هي :
    معاكسة الفتيات لبعض الشباب الطيبين لا ما كنّا نعاني منه من معاكسة الشباب للفتيات
    فنسأل الله العفو و العافية

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML