السلام عليكم ورحمة الله وبركاته
الموضوع النهاردة انى عايزة اخد رايكم فى حاجة عايزة اعملها ولو كلنا وافقنا عليها نبدا ونعملها ولو موفقتوش ممكن نقلبها هزار
عارفة انكم مش فاهمين لسة حاجة منى انا هوضح دلواقتى
من كلام العضوة الجديدة عيون الغزال لفتت نظرى لحاجة اننا مع بعض بقالنا فترة وكلنا عارفين بعض من خلال المواضيع والاسماء المستعارة والرموز وكدة
فلو ينفع كل واحد فينا يقول خمس حاجات بيهم هنعرف بعض اكتر وحاجة ما فيهاش ضرر على حد
ولو فى حد شايف حاجة تانية ياريت يقول علشان ممكن اكون مش واخدة بالى
ولو كلنا وافقنا
يبقى كلنا هنجاوب على خمس اسئلة
1/ الاسم الحقيقى
2/ السن الحقيقى
3/ الوظيفة او الدراسة
4/ البلد
5/الارتباط
اما بقى لو محدش موافق ودة هيبان من الردود بتاعتكم هنقلب الموضوع هزار
طب ازاى ؟؟؟
انا هقولكم ازاى بردو هنجاوب على الاسئلة بس
قبلها كلمة كنت اتمنى مثلا اسمى يبقى كذادلواقتى
سنى يكون دلواقتى كذا
وظفتى كانت تبقى كزا
نفسى اكون مرتبط مش مرتبطة كدة يعنى
بلد كنت نفسى اتولد فى كذاا
ها فهمتنونى انا اقصد ايه
ولو ينفع بعض المراقبين لو جاوبنا بجد على الاسئلة يعمل الموضوع دة خاص يعنى محدش يدخله الا الاعضاء وبس انا مش عارفة هو ينفع ولا لاء بس بقول وخلاص بس يارب ينفع ودة للسرية علشان الاعضاء بس ميضيقوش وطبعا لو الموضوع اتقلب هزار يبقى مفيش داعى للسرية
يارب تكون فهمتو قصدى ايه
وانا مستنية الرد