يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟!إنتي من جِدك يا يُمه ...؟!
وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!والهوى مكتوب من ربك وربي
يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون
مو طبيعي هالولد من جد يُمه
فيه ذوق ... وفيه شوق ...وفيه للعشاق عوق
يُمه يسلم لك حبيبك
والله نَسَاني حليبك
أي ورب الكون يُمه
يُمه لو تدرين عنه ...
قلتي لي فالك حبيبك ايه احبه
ايه يمه
ايه اموت برعشة شفاهه واذا يسمح الَّـمّه
سامحيني لو حلفت إني لَـ " الِـمّه "مو بكيفي
وضحكته خمري ... وكيفي
مو طبيعي هالولد عمري وربيعي
وفوق هذا صار شاعر ...
كله يتغزل بخصري ... وريحة انفاسي وعطري ...
والعَرق لاسال قطرة فوق قطرة وطاح من جيدي إلى مركوز صدري
قال احبه هذا مِسكك مو عرق يانور عيني
قلت ادري
قال ياحلوه غرورك ...وشمس وجهك تكسر عيوني بنورك
قلت كافي
قال شورك
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ...... " واذا يسمح اشمه"
خلى لعيوني كثير من البنات ... على شاني
خلى نورة وخلى لمياء وخلى خولةايه يُمه
وخلى اسماء بنت خاله ...
وخلى سارة بنت عمه
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ...؟!وآنا اراه إنه غرامي ...
وهو بعد مثلي يراني ...
إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله
قال لي مَرة اناظر ...
قلت حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت
قال :ابوسك ...؟!
قلت :تعقل ... وإلا احوسك ...؟!
قال :انا اقصد على سنة الله ورسووله
قلت: ليت
قال :والله لآخذك قدام اخوك ...
بعد ما تربط يديني في يدينك بأمر ابوك
قلت : تبطي ...؟!
قال : لا لا
قلت : لو ابطيت جيتك
وإن خطبني لا تردونه يا يُمه ...
آنا ابيه
قولي ( تم )
لا تخلين العُمر يمشي الم ها يا يُمه ...؟!
قولي ( تم )
\
/
\
تم تم يآ بنيتي ..
/
\
مِمّآ رآقْ ليّ ..
آجهل ,, الشَـآعر / هـْ ..
لكن ,, آصفقْ و بحً ـرآإآإآإآرهّـ { لهّـ / ـآ ..!!
كلّ الوِدّ ..
والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ...... " واذا يسمح اشمه
اصعب بنت //
جميل ما قرأت في موضوعك الجميل
أبدعتي في النقل والتنظيم
فاقت كل الزهور مداكِ
احترامي لكِ
.....................
قلم يتجسد
هلااااااااااااااااااااااااااااا
فعلااااا كلمات جميله لها رونق وجاذبيه للمستمع ليهاااا
سمعتها تغنيها أحدى الفنانات بس كان أدائها جميل
وساااااحر جداااا .....
تشكري أصعب على ما طرحتي من ما راق لك.
مشكورين اخواني على مروركم الطيب
لاتطرقين باب قلبى مرة ثانية
إنه متكبل بقيود حديدية
...
ألا ترين ماخلف الباب .
أشلاء جسد مرمية
وحطام خلفها الزمان وأصبحت منسية
صغيرتى : إمضى بعيدا ولا تطرقين بابى
إنه طعن بجنجر من أعز أحبابى
...........
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس