ول ول ول كل هذا عندنا ..؟؟!!
قصة غريبة
والأغراب الأشخاص نفسهم
ما أدري ليش الواحد يحط نفسه بهذي المواقف ..؟
يعني ليش البنت تسمح بوجود علاقة مع رجل غريب عنها
حتى تتمسك به لهذه الدرجة ..!!
صارت مجزرة أعوذ بالله من الشيطان الرجيم
لو كانوا واضحين من البداية ما صار كذا
:::
خلينا واقعين هنا معنا بالخليج فكر
أنه البنت لولد عمها
والله في قبائل معروفة عندنا مستحيل البنت تتزوج إلا ولد عمها
عساه أصغر منها بـ 10 سنوات ..!!
التفكير ما تغير ..؟
وتدروا من السبب ..؟
يمكن نحن .. وخصوصا الشباب (الرجال)
يعني يقال له لك بنت عمك .. وهو ما يريدها مثلا
وقد يتزوجها ويظلمها انه يتزوج وحدة على حب قلبه ..!
ومافي حد يقدر يوقف ضده بصفته رجل ومن حقه الزواج..!!
ولكن البنت هذه تظل معلقة يا يقبل بها ولد عمها أو لا
وقد يريدها وقد لا ..!
ما أدري متى بيروح هذا التفكير
مع العلم أحس هذول الشباب نفسهم إللي عانوا
يورثوا هذا الشي ويجبروا عيالهم على كذا ..!
والدنيا ماشية ..!!
//
بس يظل الواحد ما يعيش دون أهله
كيف أبيع الدنيا وأطلع مع شخص أهلي ما يبوه ..؟
وإذا دار الزمن وتركني هذا الشخص
وين آخرتي بتكون..؟
مو مع اهلي ..؟
//
إللي أعرفه ..( إذا صلحت المرأة صلح الكون كله )..!!
يا أخي إذا تبي بنت لا تلف وأدور دق الباب مباشرة
إذا لك نصيب بتكون لك وإذا لا دور على غيرها
لا تجلس تعيشها قصة تاليها الله العالم شو بتكون
وأنت بعد يا أختي .. حطي ببالك أنك ملكة والكل يتمناك
بأخلاقك وجمالك الروحي .. لا تعيشي وهم
أبحثي عن الواقع وإذا هذا الشخص يبيك
يدل باب بيتكم وإذا نصيبك بيكون لك وإذا لا
النصيب يجبه الله .. بس صوني نفسك
///
شكراً هتلر والجميع على النقاش
وعلى القوة دوم