مساء الزهر
شو .. سالفة رواتب .. وزواج ..!!
هذا موضوع كثير شائك ..!
وبيختلف من بنت لـ بنت
على حساب .. عيش البنت
وطبيعة حياتها بشكل عام ..
أنا أولاً بتكلم بشكل عام ..
نحن نعرف شئ أن البنت مو مثل قبل ..
يعني صارت حالها حال الرجل .. من حيث المسؤولية..؟
يعني تتحمل مسؤوليات كثيرة
أهلها
وحتى تعليم أخوانها
ما صار راتبها لها ..
يعني مو بس تتزوج تترك أهلها..
وهو طبعاً من يتزوج و يترك أهله..
متعادلين هنا..!!
خصوصاً الحين أي واحد يبي يتزوج طبيعي ..
يدور على بنت تشتغل مثله ..
نكون صريحين يريدها تساعده في أعباء الحياة
وهذا مو خطأ بالعكس
الحياة تعاون وشركة
ولكن إذا هو راتبه 150 ريال ..
أكيد عشان يتزوج.. بيتسلف
شو راح يبقى من راتبه..
غير إذا وراه مسؤولية أهله ...!
وهو معتمد أنها بتساعده..؟
وهي وراها مسؤوليات ما تقدر تتركها لأجله هو ..
وطبعاً أهلها قبل كل شئ ..!
وحتى لو مو وراها مسؤوليات ..
وهو ما يحاول يعدل من نفسه ..
ما اريده ..مهم أشعر أنه مسؤول عني
يعني مهم جداً تشعر المرأة
أن الرجل مسؤول عن كل شئ
وعنده طموح لحياتها وحياة عيالهم
إذا وجد هذا الطموح .. أكيد بيكون تفاهم
وتعاون ببناء الحياة ..
وعن نفسي انا .. مهم عندي الشخص بمقايس معينة
وانه ما يعتمد على راتبي
وراتبه يسد حاجتنا .. انسانة اقتنع بالقليل
موضى ما موضى ما اشوف عليها
موضتي أصنعها بروحي
أهم شئ يكون هو مو كسول
وبالعربي الفصيح أشعر أنه رجل بنعم الكلمة..
سي السيد بالمصري ..!!
بحدود يكون عنده طموح ويحاول يعدل من نفسه
واشعر انه أصلا ما يريد راتبي
ويحاول هو يعيشني حياة ترضي الله
خصوصا إذا كانت وراي مسؤوليات
ولما أشعر أنه الرجل الصح والطموح
من عيوني أساعده
بس ما أشعر انه يستغلني ..!
وكيف بعرف هذا الشخص انه طموح ..
طبعاً بأعرف من خلال عمله واعماله الأخرى
أنه مو نايم على يده ويقول معاشي ما يسوي شي
يحاول يعدل دوم من نفسه
يفكر صح بالمستقبل
أشعر انه أدخر أشياء لحياة المستقبل
(( وطبيعي اي رجل يفكر بالزواج لازم يكون قد المسؤولية
وإلا يجلس يكوّن نفسه بعدين يقول يا ناس أنا قد المسؤولية
أريد أتزوج ..!! ))
وناس كثيرين يا هتلر بدوا بـ 100 ريال
وهو قريب مني .. وكيف تعب ودرس حاله
وكيف طموحه كبير
وصل معاشه الحين 300 وشي
ولسه يقول لقيت مكان يريدني ومعاشه فوق 400 ..!
يعني يزيد ما شاء الله
بس نفكر صح
يعني أقارنه بشخص نايم ..!
ليش لأنه ما رضى بالقليل ..
ويستحي يعمل بأعمال معينة..
ولعلمك هذا الشخص يقول اريد أتزوج وحدة ما تشتغل
وما اريد إلا زوجة وبوفر لها كل شي ..
يعني كلامه يفكر للمستقبل
دون أصل الزوجة وعملها ..
يعني مافي راتب بـ 150 يجيب كل شئ..!
أتمنى أكون وضحت ردي
شكراً لموضوعك أخوي