الموضوع: احب امه واحب عمه واحب جده واحب خاله

ويلي من ظله

يا يمه .. دوخني ظله ..
هذا ظله بس يا يمه ..

وما أدري عن رسمه ..
وإن شفته .. بـ / أذوب بمكاني

ويلي منه .. ذاك الأسمر ..!
طول وهيبة
رزة و بسمة

ويلي من لون عينه ..
ما أدري رمادية ، عسلية ، ...

فيها بريق بعثرني

ويلي يا يمه ..
بردانة.. وقليبي صارخ به ..

ويلي أن هرب مني قليبي..

ويلي والناس تدري
بـ كثرة حبي لـ جميع أهله ..

وفديته ذاك الأسمر الحلو
إللي دوخني وخلاني عليلة به

أحبه وربي
أعشقه زود و زود

أدري ما يدري عن هواي
وهذه بلوتي الوحيدة

ويلي إن ما قلت له بالخافي

يمكن يشرد عني
يظن إنه ما يهمني

وهو ذابحني بغيابه

ويلي يا يمه ..
مريضة بنتك ودواها ذاك الأسمر
تكفين يمه روحي له وقولي له إني عليلة
وإنه دواي

تكفين يا يمه أنا بنتك روحي له ..
قبل لا أروح أنا وإللي يصير يصير ..!

**

جروح روحي مساء العيود

ومن العايدين عزيزتي
وتسلمي على النقل يا حلوة

مودتي

عسااا أياامج سعيده الغااليه

صح ربي لسااانج

و الأسمر أنا أييبه لج

ما عاش من يدخل العله فيج الغااليه

تسلمين .. ماا ننحرم

المشاركة الأصلية كتبت بواسطة جروح روحي

مــرحبــآ ملــيوون ولا يسدن ^^

مــآ أطوول عليكــمـ

هذاك المار قدامي وله نظرات قتاله ..
له سكسوكة حلوه بأقصى الوجه مرتسمه ..

حرمني النوم في ليلي .. حرمني النوم عقباله ..
يحس الشوق في صدره ذبحه وزاد في همه ..

احب امه .. احب عمه .. احب جده .. واحب خاله ..
اموت بنظرة عيونه وأعشق كل حروف اسمه ..

احب جٍده واحب هزله ، اذوب وحالتي حاله ..
واذا يطروه قدامي .. احس بداخلي صدمه ..

ذبحني بكثر ماشتاقه .. ذبحني بكثرة اشغاله ..
شغلني جنن قليبي .. فصلني من على الخدمه ..

ياليت اقدر اصير بيوم شي(ن) دايم قباله ..
وراه بكل مكان يروح .. شي(ن) غالي يهمه ..

ياليتني ساعة(ن) بيده .. او ارقام(ن) بجواله ..
يطقطقني على كيفه ولا احفظ سوى رقمه ..

انا ادري انه يعاني .. وادري صعبه احواله ..
قلبي مايطاوعني .. يبي دايم اهو يمه ..

انا مايهمني ربعه .. وعذالي وعذاله ..
احبه بكل جنون الحب .. والإحساس والذمه ..

صحيح انه يكذبني وظنونه دوم على باله ..
لكني بعلمه كيف هو دمي وانا دمه ..

يقول اني انا انسى ؟! فال الله ولا فاله ..
لو بانسى انا نفسي .. مانسى ابد رسمه..

ياقلبي شوف لي حل(ن) بحب(ن) صار لي عاله ..
يا إما تجيبه لعندي .. والا إطلُبه من امه ..

.............................................

ارجووو انها تعجبكمـــ....

مــنـقوول

(( مساء جميل !! ))

جروح روحي ..
وروحي كلها جروح !!

اختيار جميل .............. !!

تقديري !!

تواجدك جميل

منور خيووووو . عساني ما خلا منك