الموضوع: اولادك احق بهم........!!

هى سالفه وراها مقصد

هذا الشي امس الصباح صاير معاي

تو ذي السوالف ما تصير الا ف سوق مطرح تراه مستوي مقصد حال كل واحد
المجنون تلقاه يحاوط هناك والسكران نوبه من سكة ل سكة
كما ذي من هين تقبضه سكة هايت
انا يوم اسير الدوام مرات اقبل صوب مطرح واطلع من الكورنيش وعاد اليوم قلت اسير من هناك وبالمره اسير اكل حلبه واحد عماني يبيع حلبه عاد ما حلبه
وهناك احيدهم الحلاويه والسكارى يتجمعوا حيت المحل
عاد انا وقفت بعيد ونازل من السيارة وهذا واحد من ذيله قوم باعبود
وعاد الحاله حاله تقولي كبش متمردغ ف التراب
واحد شيبه هلكان (مقورف مو باغله ذي الشراب عاد انت وحدك هيكل عظمي)
انا لي مواقف مع ذيله السكارى
سلام عليكم
رديت وعليكم السلام
ياخوي (انت معدي السبعين ) باغنك ف سالفه
مو من سوالف بيني وبينك (عارفنه باغي كمين بيسه )
مو باغي
باغي كمين بيسه باغي اشري اكل حال الاولاد
انا متعود اعطي الواحد طوالي لا سين لا جيم
خلي عنك انت ذي السوالف قول باغنهم حال الخمر
لا والله باغي اشتري اكل
قصك الله قسمتين شايب وتكذب بعد سير عني ما عندي فلوس حال هذي السوالف
انت ما تستحي على وجهك شايب وتسوي هذي السوالف
انزين وكملت السالفه عاد اكثر يوم جه واحد اعرفه نوبه من ذي الطينه
كان ساكن زمان نفس الحاره (كان ولد محترم بس ضيع نفسه ف هالسوالف ) ورث ابوه ضيعه ف اسبوع مثل ما سمعت عاد يوم شفته قلت زين كملت السالفه اسميني ما جاي اخلص اليوم
قمت العن حظي مو جابني صوب مطرح انا اليوم
وعاد هذا يصرخ من بعيد اول ما يشوفني
اييييييييييييييييييييييييييييه ..................
هذا ما عنده سالفه طوالي يقولي عطيني ريال
فاتح كانتين ولا البنك المركزي انا
اوووووه ........ ويكركر
عبود خسك الله انت بعدك على ذي السوالف
ياخي مو اسوي وما يكمل الجمله وتطلع ضحكته وعاد يطلعن ضروسه
خلصني عبود ما فاضيلك
ها ود خاله باغي ريال
عبود لا يكون انا مخلفنك وناسنك
والله والله محتاج باغي اكل
غيب سير البيت كل
تو انت تعطيني وا لا
بعده يهدد الدغم
تو لو عطيته الثاني بيقول نوبه انا
قلت احرمهم ثنينتهم
وبالاخير عرفت ان المحل مقفل

تو كل واحد حصل كمين بيسه من سواقة التكسي
ولا معاشه بيصرفه على الخمر والرقاصات ف الملاهي
والله الاحظ شياب ومعدين الستين والسبعين وهم سكارى
ليش
من هنا حرام ويعرفوا هذا بس عمى القلوب
متى تتقوا ربكم يا ناس متى تنتبهوا لاهلكم واولادكم
ياما ناس تطلقت والسبب الخمر وياما ناس ماتت وهي سكرانه وياما ناس انسجنت لانها عملت حادث وراحت نفوس بريئه
اولادكم احق بهذي البيسه
كيف بتقابل ربك وانت سكران

هذي السالفة منقولة من عند صديق لا تقولوا انا ذا هاه......!!