أخي ..

نصك يسري كما الترياق في أوصال العليل ..
ليكن العام ومن حولك..
كشفافية روحك..
ودفئ قلبك..

أ
خ
ت
ك

مساء الخير..أخي
جميل حرفك بقدر جمال الزمان الأول...رائع ما سطرت...والزمان هو الزمان..أبدا لن يتغير..إنه حال الأنسان..
تقديري لحرفك..يا عاشق..
مودتي...تقبل مروري المتواضع..


بسمة الصباح..

نرى لوناً آخر من ألوانك
أيها العاشق ..
المتجدّد .. والمبدع
كُن بخير ..
تحياتي

الله بالخير

/
\
/

يا للي تسولف لي عن

ايامنا الماضيه

تذكر يالغلا يوم الشمس

ضفايرها الدافيه

تتلاحم

ويانا من

تلتحم وناتنا

مع انات جارنا

الساريه

تذكر يوم الليل
يجن

علينا كلنا

بنفس الحزن انفاسنا

متواتيه

و من شمس الخير تطلع

اروحنا ببرائتها

تبوس وجه ارضنا

الغالية

تذكر

لو نسينا انا وانت

وصبي وبنت

وماي الساقيه

و جرح

رجل الحلوة

من شقاوتها جرت

حافيه

تعال اسولف لك

مره وانا اترقب

جيت الوالد

من سفرته

من عمرة او جح

والله ناسيه

والوالدة تبكي لفارقه

يمكن او فرحانه

الغالية

شفت اخوي يجري

والعالم فرحان شفت

جدتي للرحمن داعيه

وابوي وجه نور

والحاره في سرور

كأن الحاره كلها

من الحج

جايه

وينهم اليوم ما اشوفهم

ولا احس بقلوبهم

على الخير

ناويه

وينهم

\
/
\

اعتدت انت تكون متالق

واعتاد عليك الالق

تسلم الايادي

مرهفه

المشاركة الأصلية كتبت بواسطة Omani princess

مساء بعطر الطوب

وأوراق الورس والحنّا

وصياح الديك وقت الفجر وعند الغروب

تشرب الماي من الجحله

وتاكل التمر من القله

ورغيف الخبز توه طالع من التنور

وقت الحرّ تلوح بالمشبّه

وفي الليل تشغل فنر ابو سحه

أذكرها من أيام

تحكيها لنا أمي

كل يوم تقريبا

ندمنها من قصص ايام زمان

يأأأأأأأأأأااه والله غير

زمان اول

تمنيت لو مره تنفتح بوابه الزمن

وارجع للوراء

أمنيه تبقى من أماني هذا الزمن

(( مساء جميل !! ))

برنسيسة ..
أنتِ اجمل هنا ..........!!

لا تزالين اغنية قديمة ........... جميلة الحضور !!

........................................... تقديري !!

مشكور اخوي عاشق السمراء على هالكلمات الحلوه تسلم والله
وعلى وكره بما انك المشرف شوف الي كتبتها وعطيني رايك لاني انا لسه مبتدئه وابغا احد يعطيني رايه

المشاركة الأصلية كتبت بواسطة صدى الوجود

زمان أول .. كان أول وتحول ..

وزمان الحين ..
كل شي فيه أصبح مخولّ !!

،،،
الله يرحـم أيام زمان أول
والله يعينـا على أيامنا الحين
،،،
عاشق السمـراء.. دائمـًا مبدع .. شكــرًا لكـ

تحيتي‘‘

(( مساء جميل !! ))
صدى الوجود ..
طاب لي هذا الوجود !!

ترى هل زمان اول سيعود!!

.............................................. تقديري !!

وجدتني أبتسم

تذكرت أبوي وأمي وجدي وجدتي

هيه .. شباب اليوم خبزة بـ لبن ..!

وبنات اليوم ما منهن فايدة البر البر

وزمان أول تحوّل

الدليل .. لما كنا صغار .. ما نفهم شئ ..

كان أبوي يحشرنا كامل من أولاد وبنات وحريم

بالبيكاب .. والمزرعة (( عندنا جداد ))

هيه .. نفرح ونلقط ونجلس على الدعن ..!

والرجال والحريم يسوي ذاك الغداء الغاوي

ويكون شوا

ويوم تغرب الشمس نرجع البيت

كان الصيف حلو وايد

الحين .. كيف شكل المزرعة

تغيرت .. وإللي يقوم بمهامنا هو العامل

تغيرنا .. كبرنا ..

أو بالأحرى شغلتنا حياتنا الجديدة

بنفس الحارة .. وكل حد عايش بروحه

جيران قبل غير أمي تقول

رجال قبل غير أبوي يقول

كل شئ تغير

وتسأل يا غالب إن كان زمان أول بيرجع..!؟

لا .. بس بالحنين نقدر نغرسه من جديد في الأجيال القادمة

الأهم ما ننسى تراثنا وعاداتنا وتقاليدنا

ما عيب أنه نمارسها

تدري حنيت إني أروح ألقط الرطب

ولمَ كنت أنفض العسق القريب بس

عشان أترس القفير مالي

ونترس الدعن .. ونركض لأبوي شوف باه

لقطنا وايد .. ويعطينا كل واحد مية بيسة

وركض للدكان ..

والله حلو وايد ..

**

وكان حرفك سفر وبلهجة قريبة جدا منا

تسلم يا عاشق .. متجدد ومثابر

ومتنوع .. نقاط كلها فيك يا مبدع

وبعد حرفك حركني

بأحاول أكتب شئ عامي

وبرجع هنا مرة ثانية بإذن الله

شكراً لحرفك عاشق

وعيد سعيد

تقديري الكبير

السلام عليكم وكل عام وانتو بخير