الموضوع: بلادي (المملكة المملكة المغربية) الزجل المغربي

ياااا بلادي
يا نجمة تضوي في السماء ...في اسواد الليل ..
فيك الخليل.. للولهااان العليل
يتغزل في ابهاك يابلادي ..ما طااال الليل
انت قنديل...للي تاه في سبيل
مضوية الافلاك..في درب طويل

يا مغرب يانجمة ف سمايات العالم
يا دعوة للغريب الهايم
فيك نرتاح ونعرف لفراح
ونعانق السلام ..
يا خضرة ما ليك توصاف يا بلادي

حــبـــك يــا بــــــلادي في لعماق راه طايـــف
وعـلـيـك تنــــــــــادي يـا مــولات الخــالـــة
أنت الزّْهْرْ النـَّـــــــدِي في وسط أرض الفدان
نغمة بلحن الشـــــادي ف وجه كل الــجــوالـة
شعبك تــيـــنـــــــــادي بحبك يا عز لـــوطـــان
وليك الزمان هـــــادي لْـجـْـوَاهـْرْ تـَـتـْـلاَلـَــــي
السايح اللي يجـــــــي عـــادي ومــا يـــعــادي
يشهد بالحب البــــادي ف زيــنــك يـَــا لاَلـَّـــة