الموضوع: مِسَحَرَاتي .. عامية ارزية

مسحراتي (2)


اصحى يا نايم
واوعاك تكون .. نصاب وحاوي
ربك كبير ... ربك كبير
ويا الضمير
قولي يا مؤمن ... فيه ايه يساوي
رمضان كريم
:
قالو في الحكاوي
ناس في العلالي
سارقين بلادك .. ناهبين بلادي
وكل ضاع
حقك وحقي .. مالك ومالي
لو كان حلال حلال وليهم
لو احتيال .. حرام عليهم
:
قالو في السياسة
في الدنيا لِعبة
حيتان بتلعب حكام فراودة
الأرض ملعب .. والكورة إحنا
خِسرنا .. ياما .. لِعبو في قَوتنا
اللعبة طالت .. طالت غَموسنا
:
يا عم نور
عَمر بابور .. سخن رغيفك
الله وكيلك .. ما تمد ايدك
تعطش تجوع .. بلاش دموع
قشر في ثومَك واهري في فولك
وكل براحتك
قبل الحكومة .. ما تغلي قمحك
والقرش الابيض ما يخطي جيبك
رمضان كريم
:
اصحى يا نايم
بطل تشخر
وود جارك ... اسال وِشِقر
الغلب مايل عليه وطايله
والفقر بردك .. عامل عمايله
رمضان كريم
:
عامية
يحيى معوض الارز
( يتبع )

(( مساء جميل !! ))

متنوع ..
متميز ..!!
بين كل حديقة
أجد لك وردة !!

الارز ..
رمضان يا رمضان ..
شهر الصوم والغفران ..!!

..
تقديري !!

عامية الارز ..
عامية جميلة
تحياتي..

وعندنا في الشام العبارة الأكثر رواجا ً :
( يانايم وحّد الدايم )
عامية تعيدنا إلى زمن مضى وبكل صدق كان الأجمل
أنا لم أسمع صوت المسحراتي منذ زمن طويل
شكرا لك أخي الزاجل
سمعتك
وإلى رمضان كريم قادم علينا وعليكم بالخير إن شاء الله
دمت وسلمت يداك
أيمن

يسلمووو عالطرح الرااااااايع


ربي يوفقك اخويه

صديقي العزيز د. يحيى ( الأرز )

السلام عليكم

أنت كما أنت مدهش عندما تعزف على قيثارة قلبك

كأنك تتنفس شعرا عاميا

مبهر أينما كنت ... مبدع عندما تسافر جمالا

كل عام وأنتم بخير رمضان كريم

ابن خاطر

يسلموووووو جدااا رائعه

انت مبدع

مسحراتي (3)


مسحراتي
مِجَبَراتي وأنا المكسور
مسحراتي
ومن آهاتي بَكشف المستور
يا عالم اصحو ... هَل السحور
رمضان كريم
:
يا اخينا ياللي فوق السطوح
يا عم سَيد يا ابو الفتوح
صَوتَك معايا
الصبح طالع ..والليل ورايا
العين علينا .. والخوف مالينا
من أمن دولة .. كرباج لدولة
عالضل ماشي فوق راسنا ماشي
الهزة تِلسع .. والضرب قاسي
:
صُومنا .. فِطرنا
صلينا .. قُمنا
عايشين حياتنا مظلومين
يارب شايف
خَلو فطورنا .. مرار في زُورنا
ظلم ومهانة ... ونلاقي روحنا
عايشين في خوفنا .. مسجونين
عَفوَك سامحنا
ربطو ايدينا .. قطعو لسانا
حالو ما بينا .. وبين كلامنا
إن قُلنا قُدس
الكُف يرقع .. إخرس وِهُس
طب قُوت عيالنا
طب خير بلادنا
يا مسلمين
ده يرضي مين
حرام وعيب
في ناس بتفطر سمك ولحمة
وناس حياتها حساب ولخمة
مش لاقيه حتى تمن الحليب
راااااااااااااااا
رمضان كريم
:
مسحراتي
ماشي بنادي في شهر اخضر
عَمار يا بلدي .. بحبك اكتر
اصبر يا ولدي .. قد ما تقدر
عالصبر صوم .. عالصبر افطر
:
يا ابو جلال
مبروك يا سيدنا
رمضان حبيبنا .. جاي يأنسنا
جاي بهلال ... شايل سؤال
فين فين ايمانا
فين فين عَربنا
ليه انتكاسنا .. وحالنا مال
آه يا هلال
بدل العبادة .. تُهنا زيادة
يا خونا حاسبو ها اضرب مثال
ادي الفضائي
ادي الفضائي دخل بيوتنا
فٌجر وعرايا .. بيسلو صومنا
رمضان كريم
:
اصحى يا نايم
وامشي معايا مسحراتي
انعي بلادنا .. انعي تاريخنا
يمكن بصُومنا .. نِغسل ذُنوبنا
امشي معايا وادعي معايا
هونها ربي
مسحراتي .. مسحراتي
ها امشي وانادي وادق طبلي
لو حتى سيفهم بقى فوق رقبتي
بحب ربي
بحب ديني
بحب بلدي
:
عامية
يحيى معوض
الارز

المشاركة الأصلية كتبت بواسطة عاشق السمراء

(( مساء جميل !! ))

متنوع ..
متميز ..!!
بين كل حديقة
أجد لك وردة !!

الارز ..
رمضان يا رمضان ..
شهر الصوم والغفران ..!!

..

تقديري !!

صباح الورد يا عاشق
الورود تقتبس الوانها وعبقها
من بستان نبض المعاني
شكرا لكم ايها الذواقة المستفز
وكل عام وانت والاهل والجميع
بخير حال
رمضان كريم علينا جميعا