وديـ أموتـ
ودي اموت اليوم واعيش بـــاكر
واشوف منهو بعد موتي فقدنــــــي
ومنهو حملني لين ذيك المقابـــــر
واشكر أنا كل من كرمني ودفنــي
وبشوف يرثيني انا كم شاعــــــر؟
ومنهو تركني وماكتب شي عني
شخص ٍ تعنى لي مع انه مسـافر
وشخصٍ قريبٍ وأنا ميت طعنــي
وشخص يمثل دمعته ماهو قـــــادر
وشخص تطيح دموعه كل ماذكرني
ومنهو من أهلي في العزا كان حاضر
ومنهو دعا لي في صلاته ورحـــــمني
ومنهوبنى باسمي سبيل ومنــــــــــابر
ومنهو يفز قلبه إلا من لمحنــــــــــي
ومنهو عشاني طول الأيام ســـــاهر
ومنهو ثلاث أيام راح وتركنـــــــــي
ومنهو يرتب غرفتي والدفـــــــــــاتر
وإن شاف صورة لي مات وحضني
يالله عسى ماتغفى كل المشــــاعر
ويالله عسى ماينصدم يوم ظنـــــي
خايف يروح العمر وأكون خـاسر
وإن طار طيري مايفيد التمنــــــي
وخايف يجيني وقت أكسر خـواطر
إن دارت الدنيا وزماني كســرني
ومدام هذي الدنيا صارت مظـاهر
وكل من على كيفه وجوّه يــــغني
صحيح مسلم لكن الهم كــــــــــافر
كل مابغيت اضحك يهددني حـــزني
الضيف وافي والحزن حيل وافر
والجرح اكثر شي شفته يحـــبني
عايش وميت بين ماضي وحاضر
والصبر مفتاح الفرج ضاع منــي
قل وش تبي وتتركني ياحزني آمر
مسكين فرحي تصدق أنه وحشني
شاعر ولكني ماني بشـــــــــــاعر
ودي أموت اليوم وترتاح منــــي
دمتم ســـالمين
هو الالم عندما يعتصر قلوبنا...
هو التصنع الذي بات ظلا للكثيرين..
هي الأقنعة التي احتلت القاعدة و أصبح الصدق معها هو الاستثناء..
هم الناس الذين طالما انخدعنا فيهم..و لا يزالو في اللعبة يستمرون..
هو الموت الذي يكشف الكثيرين..
ألهذه الدرجة بتِّ تودينه...؟؟
و كأننا لن نكتشف الدنيا الا بعد ان نغادرها..!!
************************************
عزيزتي كشخة
يسلمو على القصيدة الرائعة
و السنفونية التي تعتري أسطرها
تقبلي تحياتي
و أهلا بك نبضا بيننا
**أريج**
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
