النتائج 1 إلى 9 من 9

الموضوع: ايميل ... آرزي

  1. #1
    الصورة الرمزية alarz
    Title
    نبض كاتـــب
    تاريخ التسجيل
    09- 2002
    المشاركات
    1,355

    ايميل ... آرزي

    ايميل


    نويت الليلة ... اكتب اميل


    بدبليو .. دبليو .. وكوم على هوت


    بعد الغيبة ... نويت الليلة

    اكتب اميل ,, والاغى حبيبة

    أجمل حبيبة

    بيني وبينها ...... مسافة ودوت

    هذا الإميل

    أول إميل بعد انتظار

    وهذا الإميل ... باديته.. في ليل

    واشك إن .؟؟. يخلص قبل النهار

    وهذا الإميل ..... نيلي وصابح

    قمحي الملامح ... مصري الشِعار

    وطبعا إيميلي

    كلامه مِسِبل ..... وحرفه مِتَبل

    واقع في حُب ...... ومشوي في نار

    إيميلي

    ايميلي المِلَهلِب ... حرفُهُ ما يكدب

    ايميل بالمحبة

    مِلغَم حقيقي .... بشطة وِدَقة ( دقة = ملح وكمون وتوم )

    ايميلي رسولي

    وشايل إليكِ .......... حقيقة شعوري

    ولازما لقلبك .......... لازما ضروري

    يقبل بكودي ...... ويسمح مروري

    ها اعدي لقلبِك

    اصحي ربيعِك ...... وانيم خريفك

    واشتي .. واصيف

    واسطب حبي .... في قلبِك واسيف

    اميلي

    اميلي حبيبتي .... وفايل مشاعري

    فاضل في حجمه ..... ميجا وجيجا

    واخد مساحة ......... وفولدر لحبي

    وأنتِ بعِيدة ..... ايه النتيجة

    نفتح ملف .. ونقفل ملف

    يا قلبِك ده سِرفَر

    يا عقلي اللي خَف ( اتجنن )

    عايزِِك في هامش

    نقعد نناقش


    ونحسم قضية

    حب ما بينا ....... ميت وعايش


    ولو تسمحيلي

    إميلي إميلي

    عَدي وميلي .. واقري إميلي

    :

    ايه الحكاية

    ايه الحكاية .. صعبة البداية !!

    اقري كلامي .. حتى النهاية


    خوفي

    خوفي أدلع ..,,,,,, فيك ياجميل

    وتفضل حدودنا .. مُربع إيميل

    وخوفي لاعشق ... واغني يا ليل

    وقلبِِك طراوة .... وخالي الدليل

    في الحب قالو مفيش مستحيل
    :

    كلمات
    د. يحيى معوض
    الارز






  2. #2
    الصورة الرمزية alarz
    Title
    نبض كاتـــب
    تاريخ التسجيل
    09- 2002
    المشاركات
    1,355


    صعبة البداية


    بعد التحية ......... والسلام


    وكل الأماني


    تعيشي الحياة


    وتمشي أمورِك تمام التمام


    مساءِك مِعَطر وواصل لِعَندي


    صباحك مِنَدَي وابيض ووردي


    :


    سهران لوحدي


    ها ابدا إميلي واكتب براحتي



    ها اكتب وها اكتب


    وها استنى منك رد لجرأتي


    ضروري حبيبتي لازماً تِردي


    رُدي بحنان .. بِِالوَامَا .. بِِلي ريقي بالأمل


    ارحميني يا ريت كمان ... مـن ديباجة الخجل


    اِكرهيني


    اُهجريني


    اعشقيني


    ارمي خوفك .... للكسل


    غَمي عيني


    اقتليني


    بس أدوق طعم العسل


    :


    صدق اللي قال ... الحب نار


    نار تِشَعطط ..... في القلوب


    وأنا قلبي عَالَم .. مـِ الانتظار


    النبض فيه ...... عمال يدوب


    السطر


    في السطر فاضل .. حتة يادوب


    الحق اقولك .. عطشان لحبك


    :


    * سطر جديد *


    تكتب صوابعي ..... تهمس شفايفي


    ها اكتب وها اقرا ( أأرا )


    وانده بَحِبِك ..... واعمل مظاهرة

    بَحبِِك


    فَصَصَيها .. افهميها .. حسي بيها


    هي كلمة مش عِبارة


    وفيها معنى قد دُنيا مـ الإثارة


    :


    !!* معايا *!!


    إنتِ معايا .. شَكلِك سَرَحتي


    شايفك بقلبي


    عمالة تئري ( تقرئي ) .. فاجئة سكتي


    قولي .. تِعِبتي ؟ ... ولا زِهقتي ؟؟..


    انا يا دوب ... ها ابدأ كتابتي


    :

    يتبع

  3. #3
    الصورة الرمزية alarz
    Title
    نبض كاتـــب
    تاريخ التسجيل
    09- 2002
    المشاركات
    1,355
    * فاصلة ومسافة*



    فاصلة ومسافة..... وواجب ضيافة




    وبنبض قلبي .. وأوله



    ها افتح اميلي .... واكمله


    :

    * غيبتي حبيبتي *


    طال غيابِك .. وِتُهتي عني


    سألت قلبي .. يا ريته جاوبني


    مين كنتِ إنتِ ؟


    جيتي وروحتي .... زي السحابة


    ساكنة قُبالي


    ولا ,, بِعيد .. في برج عالي


    ساكنة فين .. فوق السحابة


    بين الغلابة

    ولا في غابة ... وسط الديابة


    * مين كنتِ إنتِ ؟ *


    سهم فـــ جرابي ... وهم فـ سرابي


    موجة في بحري .. سُكر ودوبتي ؟


    مين كنتِ ؟


    بسمة ... دموع


    مستحيل ..... ممنوع


    ولعتي حيرتي ... مين كنتِ إنتِ

    :


    * نُبذة عني *


    مُودي ورتمي ...... نظامي وطبعي


    اوصف


    في شكلي وقلبي وعقلي


    ونبرة هدوئي .. ودوشة شقاوتي


    ساعة ما احب


    اعشق بروحي وقلبي يِطُب

    وساعة ما احب

    افرك عنية واسَلك وداني


    واسبح بقلمي واغطس واقب


    واكتب بقلبي شعري وخواطري

    واصبح بحبِك شاعر زماني


    أما جَرَأتي ... دي موال تاني


    فيها كلامي عالمتغطي


    تي قولش سياسة


    خوفي .... لا أمن الدولة يعدي


    أمن الدولة ( وعاشق السمرا ) .... يجُزو رقابتي


    آه يا حبيبتي لو ركزتي


    تِلقِي الشوق .................. بيئن في خاطري


    وانا وسط جراحي ........... حَبِتِك آلمي


    وِرَسِمتِك فصحى .. ووصفتك عامي

    لعنِيكِ بغني


    في سكوتي بغني ..... وفـ شعري بغني


    وقلوب تسمعني ....... وقلوب تسألني


    إيه ده كاتبهُ في مين


    من إمتى وفين ........ واشمعنى ويعني


    وانا ممكن اكدب


    وارتب كدبي من فِكر في راسي


    انا ممكن اكدب


    واكدب واكدب .. إلا فــ احساسي


    يسرقني الليل ......... وانا بكتب


    وياخدني الحلم ........ وانا بكتب


    وأنا وياكِ .. الأحلام فِيكِ بتكتر


    واحلم بيكِ اكترواكتر


    آل إيه


    عالموج النيلي .... أنا جايلك


    القلب دليلي ........... لبُستانِك


    في الحلم أنا واقف ... على ارضِك


    موجود حواليكِ وقدامك


    شُفتِك


    شُفت الدنيا


    ووسط نجومها .... شُفت أنوثتِك


    شفت عيونِك


    وخدوني للمود العالي



    كان الحلم ........ هاادي ورايق


    حاجة تضايق


    إمتى


    امتى


    امتى الحلم


    يبقى حأيأ ( حقائق )


    **
    د. يحيى معوض

    الارز





  4. #4
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    مساء جميل!!

    شيخنا الارز ..
    وعميد فوضى الادب ..
    وقائد قوات الحرب الجنونية ..
    ....... وصلنا للايميلات
    وانا معك ..!!
    لا تعليق على سلاسة حروفك هنا ..
    والتناسق اللغوي ..
    في نطقها ..
    وكأني اشرب من نهر النيل ..
    ولا اشعر إلا بأنني اشرب واشرب واشرب ..!!

    (( حرف ))
    هي رسالة ..
    تعبر عن فحوى المعاني ..
    اكتب فيها ..
    إليك يا صبية ..
    يا قنديل هذا الليل ..
    تقديري ..
    وبعدها المزيد المزيد من التحية ..
    يا صبية ..
    سوسنة على كف الحروف أكتبكِ ..
    بيرق ينام على كتفي ..
    يا صبيه ..
    وحروف ملتهبة صيفية ..
    وبرودة ثلج .. شتوية
    وبرق يعصف بي نحوك ..
    كقنبلة يدوية ..
    يا صبية ..
    ورسالة إليك ..
    غير منتهية ..
    لا تبدأ بسطر ..
    ولا تنتهي بتلك الحروف العادية ..
    فكل الحروف اكتبها لك رسالة
    تتحول إلى كواكب فلكية ..
    وكل شعر اخطه لك ..
    يصبح كتل نارية ..
    يا صبية ..
    أي رسالة اكتبها لك ..
    وأي عبارة استطيع ان اقول فيها ..
    كم أحبك ........ يا صبية !!



    الارز ......... دع الصبية في حالها !!

    تقديري .......... شيخنا !!

  5. #5
    الصورة الرمزية ابن خاطر
    Title
    مشرف منتدى
    تاريخ التسجيل
    09- 2002
    المشاركات
    1,431
    أرزوووووووووووووو

    تحية وردية

    موضوع مبتكر لم أقرأ عن نفس الفكرة من قبل ... لك السبق

    مبدع كعادتك تتنفس بالشعر العامي كأنك تترنم على أوتار الشجن ببساطة وجه النيل ورقة مائه وغدارنه

    لي عودة بمشيئة الرحمن

    ابن خاطر

  6. #6
    الصورة الرمزية هُمى الروح
    Title
    نبض مبــدع
    تاريخ التسجيل
    06- 2006
    المشاركات
    2,886
    وبتنا في عالم النت والتكنولوجيا
    بات تواصلنا بشتَ الطرق

    تعددت لغة الشبكة العنكبوتية

    وأصبح لدينا ملايين الإيميلات

    وتأتي يا الأرز
    وتكتبها بطريقة أبتسم لـ قرأتها
    بـ لغتك الجميلة
    بـ لغتك الخفيفة على اللسان

    أذكر معاكستي لـ كل أصحاب هذه اللغة
    لابد أن أتحدث بها ,,
    لـ نرى شطارتي ...!

    **

    وأنا بستنا إيميلك
    عشان تؤول لي إزاي أنا متعباك

    وأنا أدوب وأدوب شوق ليك
    وأكابر .. وأعاند
    وبنفس الوقت بستناك ع شط البحر

    وأنت بـ تروح وتجي
    عمالك بتفتح إيميلك
    عايز مني إيه
    أؤول إيه ؟

    وأنا دايبة ووآآعة لـ شوشتي
    بـ حبك يا عم
    وبـ حبك ودايبه صبابه

    إيه وربي شاهد عليِّ
    بس أعمل إيه
    وأنا بأخجل

    وألبي بيدؤ بيدؤ
    عمّال بطال

    كأنه أتوبيس الصباح

    وأنت لسه بـ مكانك بتعاكس إيميلاتي الفاضية
    عايز أؤول كلام كتير
    وأنا ما أدرشي أبد

    إزاي هـ أدر أؤول للناس
    إني بـ حبك ودايبه
    ووآآعه من طولي

    وبـ حبك
    وجايه أفتح إيميلي
    وجايه أكتب عن حبك
    وأغني ليك ..
    بصوت أم كلثوم ..

    طول عمري باخاف من الحب
    وسيرة الحب وظلم الحب لكل أصحابه

    واعرف حكايات مليانه آهات
    ودموع وأنين والعاشقين دابوا ما تابوا

    طول عمري بأقول لا أنا قد الشوق
    وليالي الشوق ولا قلبي قد عذابه

    وقابلتك أنت لقيتك
    بتغير كل حياتي
    ما أعرفش إزاي حبيتك
    ما أعرفش إزاي يا حياتي
    من همسة حب لقيتني باحب
    وأدوب في الحب
    وصبح وليل على بابه

    **

    الأرز وكان زلزال بـ جبال حرفك
    رائع ذاك الفكر الذي يستغل
    كل الأشياء المحيطة به
    لـ نتعلم كيف هو الإبحار

    شكراً لكَ كثيراً

    تقديري لـ شخصكَ

    هُمى

  7. #7
    الصورة الرمزية alarz
    Title
    نبض كاتـــب
    تاريخ التسجيل
    09- 2002
    المشاركات
    1,355

    صباح الخيرات عاشقنا الجميل

    اقول ايه

    صراحة موت على نفسي من الضحك في هذا الصباح الجميل بصحبتكم

    من كلامك وعامية هُمى

    وبعدين يا رئيس وامير وعاهل وكبير كبير المستفزين

    انا كاتب عريضة وانت كاتب اميل فيه كواكب وبراكين

    ومستكتر عليه الصبية


    اسيب الصبية

    طبعا نُو ... ومليون تُوء

    واوعى يا عاشق أوعى تِنُقْ

    اسيب الصبية إيه الحكاية

    ياكش الصبية جات من ورايا

    شَدَت محامي ... ورَفَعِت قضية

    إيه الحكاية

    حبي جناية ؟

    قلبي حرامي ... جريمة غرامي ؟

    اعشق واحب

    واشكي فُراقها .. العن واسب

    ويكون جزاتي .. تقرا ميلاتي

    تِخلا بقلبي ... وتُحجُر عَلَيَه

    حبيبي يا عاشق

    تُوبت في زماني ... اصدق شيطاني

    ها افرمط ظنوني .. وازود في رَامِ ( رَامي )

    وانشط جنوني

    واقول في الصبية !!

    أجمل صبية .. صبابة اللي هيه

    حظي صالحني .. في بسمة لقيتها

    دنيا لقيتني .... وروحي اشتهيتها

    تُهت فـ مَداها

    قلبي ناداها ....... من وسط 100

    اسيب الصبية !!

    وقلبي .. ودليلي ... وِسهدي في ليلي

    وحبري وايميلي ... مالهومش دِية

    اسيب الصبية !!

    جملة قريتها .. خَدِتني أفكر


    يا عاشق لسمرا

    بكلمة .. بِجُملة .. دايما مِنَوَر

    مَرة تِستَفِز ... وِمَرة تِهزَر


    أخاف ... مـ الكلام الجميل المعطر

    يِدَوخني أكتر

    وافتح اميلي .. الاقيه مهكر



    احلى عاشق صباحك مِسك

  8. #8
    الصورة الرمزية alarz
    Title
    نبض كاتـــب
    تاريخ التسجيل
    09- 2002
    المشاركات
    1,355
    اقتباس المشاركة الأصلية كتبت بواسطة ابن خاطر مشاهدة المشاركة
    أرزوووووووووووووو
    اقتباس المشاركة الأصلية كتبت بواسطة ابن خاطر مشاهدة المشاركة

    تحية وردية

    موضوع مبتكر لم أقرأ عن نفس الفكرة من قبل ... لك السبق

    مبدع كعادتك تتنفس بالشعر العامي كأنك تترنم على أوتار الشجن ببساطة وجه النيل ورقة مائه وغدارنه

    لي عودة بمشيئة الرحمن

    ابن خاطر


    ابن خاطر الحبيب



    المثل بيقول كتر النوح يعلم البكا

    واالكمومبورووووتر اصبح في اهمية البوتوجاز

    والناس بطلت كلام .. الكلام بقى بالكود والالغاز

    سيبك انت يا ابن خاطر الجديد والممتاز

    فاجئني عاشق وكذلك همى في التواصل بالعامية

    كدة الواحد نفسه ها تنفتح للعامية تاني

    اراك بخير يا غالي

    تحياتي


  9. #9
    الصورة الرمزية alarz
    Title
    نبض كاتـــب
    تاريخ التسجيل
    09- 2002
    المشاركات
    1,355
    اقتباس المشاركة الأصلية كتبت بواسطة هُمى الروح مشاهدة المشاركة
    وبتنا في عالم النت والتكنولوجيا

    بات تواصلنا بشتَ الطرق

    تعددت لغة الشبكة العنكبوتية

    وأصبح لدينا ملايين الإيميلات

    وتأتي يا الأرز
    وتكتبها بطريقة أبتسم لـ قرأتها
    بـ لغتك الجميلة
    بـ لغتك الخفيفة على اللسان

    أذكر معاكستي لـ كل أصحاب هذه اللغة
    لابد أن أتحدث بها ,,
    لـ نرى شطارتي ...!

    **

    وأنا بستنا إيميلك
    عشان تؤول لي إزاي أنا متعباك

    وأنا أدوب وأدوب شوق ليك
    وأكابر .. وأعاند
    وبنفس الوقت بستناك ع شط البحر

    وأنت بـ تروح وتجي
    عمالك بتفتح إيميلك
    عايز مني إيه
    أؤول إيه ؟

    وأنا دايبة ووآآعة لـ شوشتي
    بـ حبك يا عم
    وبـ حبك ودايبه صبابه

    إيه وربي شاهد عليِّ
    بس أعمل إيه
    وأنا بأخجل

    وألبي بيدؤ بيدؤ
    عمّال بطال

    كأنه أتوبيس الصباح

    وأنت لسه بـ مكانك بتعاكس إيميلاتي الفاضية
    عايز أؤول كلام كتير
    وأنا ما أدرشي أبد

    إزاي هـ أدر أؤول للناس
    إني بـ حبك ودايبه
    ووآآعه من طولي

    وبـ حبك
    وجايه أفتح إيميلي
    وجايه أكتب عن حبك
    وأغني ليك ..
    بصوت أم كلثوم ..

    طول عمري باخاف من الحب
    وسيرة الحب وظلم الحب لكل أصحابه

    واعرف حكايات مليانه آهات
    ودموع وأنين والعاشقين دابوا ما تابوا

    طول عمري بأقول لا أنا قد الشوق
    وليالي الشوق ولا قلبي قد عذابه

    وقابلتك أنت لقيتك
    بتغير كل حياتي
    ما أعرفش إزاي حبيتك
    ما أعرفش إزاي يا حياتي
    من همسة حب لقيتني باحب
    وأدوب في الحب
    وصبح وليل على بابه

    **

    الأرز وكان زلزال بـ جبال حرفك
    رائع ذاك الفكر الذي يستغل
    كل الأشياء المحيطة به
    لـ نتعلم كيف هو الإبحار

    شكراً لكَ كثيراً

    تقديري لـ شخصكَ

    هُمى


    مش بسيطة يا همى

    ما شاء الله في العامية 100 100



    طيب محاولة لمجارة عاميتك الجميلة

    وبداية اعتذر عن التأخير في الرد بسبب ظروف قهرية

    :

    بتسأليني عايز ايه

    عَندِك ايميلي رُدي عليه

    واحشني كلامك واحن لحروفك

    ونظرا لخوفك ... مِقَدَر ظُروفِك

    بتسأليني عايز ايه

    عَندِك ايميلي رُدي عليه

    كان عندي عِزومة

    لَاغيت العزومة لاشاركِك في ثُومة

    لمغنى وعود ... وهمسة ورود

    ها احرر خيالي واشوفك قُبالي

    عيني في عينك .. اقولك فديتك

    يا دنيا حنونة

    وتملي ساعتها ميلي اللي خالي

    خايف يا خوفي اغلط ساعِتها

    تاخدني الجلالة واغني بصوتي

    اخاف تسمعيني .. اخاف تكرهيني

    وتحلف صوابعِك تِكنسل ايميلي

    :



    همى العزيزة

    تقبلي مني هذه الدعابة العامية

    تحياتي










معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML