الموضوع: ((كيف تجعل المنتدى مميزاً ؟؟ وكيف تصبح عضواً محبوب )) !!!ارجوالتثبيت

اولاً: هذا اول موضوع لي <أنتبه يا...

ثانياً:نعم اقر واعترف انا المدعو !!...نص نص...!! أن هالموضوع مزروفن من أحد المنتديات اللي حولنا

ثالثاً:أسباب الزرف

1- جودة الموضوع
2-حسيت انه قوي<وش فرقها عن الاولى
3-حبيت اوريكم اياه لان هالمنتدى جديد وهالموضوع فيه فوائد <منزل فيتامينات مو موضوع


رابعاً: أخليكم مع الموضوع...
أن عجبكم زين والشكر لكاتبه مو لي

وأن ماعجبكم ترى والله مو قصدي والعذر والسموحه


((كيف تجعل المنتدى مميزاً ؟؟ وكيف تصبح عضواً محبوب )) !!!

_أخواني الاعضاء الكرام _

- السلام عليكم ورحمة الله وبركاته -


* ماهو المنتدى ..!!


المنتدى هو بيتك الثاني وفية اصدقائك واخوانك يشاركون معك في المعرفة وفي المزح ويزعلون لزعلك ويفرحون لفرحك

وفي هذا الوقت كثرت المنتديات وصار هناك سباق للمنتديات وكل عضو يتمنى أن منتداه هو الأفضل ويتفاخر بين اصداقائه بهذا الشئ

فكيف نجعل منتدانا هو الأفضل ؟؟

الحل بسيط

* اولاً : (( تشجيع الاعضاء الجدد ))



هذي هي البداية وأنت أكيد تتذكر أول يوم جيت فية للمنتدى وكتبت موضوع وكم تمنيت يرد علية الكل ،، وبتشجيعنا للاعضاء الجدد فنحن نحثهم على الأبداع
فمن هنا سيخرج لنا كتاب رائعين في الأدب والشعر وكتاب متميزين في أي مجالات آخرى
والعضو الي دايم يكون الأول في الترحيب ،، حبيب وقلبه طيب

* ثانياً : (( قبل أن تكتب أي موضوع في أي قسم معين يجب أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر
وأنت أذا رديت على مواضيعهم الكل بيردعلى موضوعك إذا كان يستحق .
والعضو الي دايم يرد على المواضيع يسمى ،، محبوب الكل


*ثالثااً : (( الكلمة السحرية ))


وهي أن تكتب كلمات قليله لن تتعبك او تنقص من قدرك او كبرياءك المزيف ،، مو تكتب لي ( شكرا على هذا الموضوع ) او الله يعطيك العافية
ياخي اكتب على الاقل سطر مو كلمتين
كثير مانشوف مواضيع عدد قرائها فوق الثلاثين او الخمسين ومن هولاء فقد يرد على صاحب الموضوع واحد او اثنين وأكثر الأحيان تجد الموضوع خالي من أي رد ..!!
يعني أنت تبغي الكل يرد على موضوعك وأنت ما شاء الله عليك ماتكلف على نفسك ترد او تطرح وجهة نظرك لصاحب الموضوع .. إذا لماذا تشارك وتتعب نفسك؟


*رابعا : محاربة الحزبية ( الشللية )



وهذا أكبر خطر يهدد أي منتدى وكثير من المنتديات هرب منها اعضائها لهذا السبب ،، والشلليه هي أن يتفق الأعضاء ويقولون...
( احنا والله شله ارتحنا لبعض ومانبغي واحد جديد يخش بيننا ،، والاتفاق هو ترد على موضوعي ارد على موضوعك )
ويروح فيها الضعيف ( العضو الجديد ) وما يعطوه وجه لين يمل وينسحب من المنتدى ،،
لا ومن زين الطبايع بعدها بفتره يقلبون على بعض ويصير كل واحد يكتب موضوع ولا يرد على الثاني ،، وخلاص انتهاء المنتدى وصار ممل والافضل انه يتقفل.


*خامسا: (( التواصل بين الأعضاء ))



التواصل بين الأعضاء في الأفراح نهنيهم وفي الأحزان نواسيهم...
( تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،، طيب القلب


*سادسا : (( التقليل من المشاكل ))



أي اثنين اختلفوا في وجهات النظر راحو وقلبوا المنتدى فوق تحت وتحدث البلبله في المنتدى
( عزيزي بينك وبين اي عضو مشكله او رده ماعجبك او لك ملاحظة ،، ارسله على الخاص وتفاهم أنت وياه بدون ما يدروا الأعضاء )

* وأخيراً *

المنتدى ليس بعدد اعضائه ،، بل بترابط اعضائه كأسرة واحده
وكما قال رسول الله علية افضل الصلاة والسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى ))
وقولة علية السلام (( المؤمن للمؤمن كالبنيان يشد بعضه بعضا ))

مع احترامي للجميع ولكـ1تب هـ1لموضوع

اختكم شهد