النتائج 1 إلى 4 من 4

الموضوع: الغيمه اللّي جذبني نور بارقها؟؟؟

  1. #1
    الصورة الرمزية مشخصاتي
    Title
    نبض جديــد
    تاريخ التسجيل
    07- 2006
    العمر
    59
    المشاركات
    62

    الغيمه اللّي جذبني نور بارقها؟؟؟

    يامن عليها سمـاي مغيّـم جـوّه
    والنوم لي وقت وعيوني مفارقهـا

    جمر الغلا جوف صدري ماخبا ضوّه
    والعين دمع الوله والشوق مغرقها

    برق الأمل لاح لكن ماصـدق نـوّه
    بالغيمه اللّي جذبني نـور بارقهـا

    ياليل مااطولك درب المغترب تـوّه
    وجيوش الأيام صكّتبـي بيارقهـا

    الهم قلبـي بكمّـه عاقـد الخـوّه
    ومياسم الوقت واسمتـه مطارقهـا

    فرقاك طالت وزادت بيننـا الهـوّه
    واليوم بنت الأمل شابت مفارقهـا

    صبرت كلّه وفاء واخلاص ومـروّه
    البال مشغول والاعصاب محرقهـا

    ياقلب زلّك ليـا زل الوعـد طـوّه
    نوافـذ الوقـت لاتقعـد توايقهـا

    ترى الغلا قود ماهو سوق بالقـوّه
    وبعض الأماني سنين العمر تسرقها

    لايستثيرك حكـي شمّـات ومفـوّه
    وكثر الهواجيس فج الصدر واعتقها

    قلّه على راااحتك واللّي تبي سـوّه
    مافيه داعي قلوب النـاس تدرقهـا

    لايغرّك اللّي نبـاه ألفـاظ محلـوّه
    ولا كل كلمه ليـا قيلـت تصدقهـا

    والعشق بحره يدير الراس ويتـوّه
    كم عالم غرقت بجوفـه زوارقهـا





    منقوله للشاعر:

    رشيد الفريدي

    من منتديات شاعرنا


    تحيـــــــــــــــاتي

  2. #2
    الصورة الرمزية مشخصاتي
    Title
    نبض جديــد
    تاريخ التسجيل
    07- 2006
    العمر
    59
    المشاركات
    62
    ماهقيت اني بحياتك مثل عابـر سبيـل
    طاف بديارٍ غريبـه وغـادر سورهـا

    راح في دربه وهمه مع احزانه يشيـل
    والليالي السود ردت عليـه ابجورهـا

    اصبر وصبري تخطى حدود المستحيـل
    ثابتٍ مثل الشجر لوتمـوت اجذورهـا

    الجمل لاطاح كثرت عليه اللـي تشيـل
    والسيوف الحاقـده مابقـت بجفورهـا

    الزمن هـو الزمـن ماتغيـر ياهبيـل
    النفوس اللـي تغيـر وزاد اشرورهـا

    من تعب بالزرع لابد مايجني الحصيـل
    فرحتة بالعمـر زادت وزاد اسرورهـا

    الردي يبقى ردي والكرم طبع الاصيـل
    والقمر والشمس محدٍ يغطـي نورهـا

    لعنبو من يقبل الذل لـو يبقـى عليـل
    والحقد واهل الحقـد كيدهـا بنحورهـا



    الشاعر (غازي الرسمان)
    منتديات شاعرنا

  3. #3
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    مساااااااااااااااء جميل ...

    المشخصاتي ..
    اهلا بك هنا ..
    شاكرين لك هذه المقطتفات الجميلة !!

  4. #4
    الصورة الرمزية مشخصاتي
    Title
    نبض جديــد
    تاريخ التسجيل
    07- 2006
    العمر
    59
    المشاركات
    62
    اقتباس المشاركة الأصلية كتبت بواسطة عاشق السمراء مشاهدة المشاركة
    مساااااااااااااااء جميل ...

    المشخصاتي ..
    اهلا بك هنا ..
    شاكرين لك هذه المقطتفات الجميلة !!

    يسعد لي مساك

    شاكرا مرورك وتعليقك الكريم

    دمت بود

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML