افضل عطات المسافرون العرب وظائف الرياض افضل السعودية
ميكساتك صالون كافيهات الرياض كافيهات جدة مقالاتي
حوامل المسافر افضل الرياض عجوة المدينة اوربا
مطاعم دبي عروض موقع مفهرس افضل فنادق مولات
محتويات المثالي مطاعم السعودية موضوع افضل مطاعم الخبر
افضل محامي في الرياض موقع المحامي السعودي استشارة محامي جدة محامي في الرياض مطاعم السعودية
الموسوعة انوثتك بان كيك برونزية انا مامي
رواتب السعودية التاريخ الهجري والميلادي طبيب العرب السيارات مخزن
  سيارات سيدان   قصة عشق  

النتائج 1 إلى 5 من 5
أهداء الى كل خائنه ومجرده من المشاعر
  1. #1
    نبض جديــد الصورة الرمزية مسألة وقت
    تاريخ التسجيل
    05- 2006
    العمر
    42
    المشاركات
    245

    أهداء الى كل خائنه ومجرده من المشاعر

    الله لايـردك ولا أطلـبـك تـرديـن %% أدعي عليـك بعثـره فـي صلاتـي
    عثـره تشيلـك مابعدهـا تقومـيـن %% ياللي نقضتـي عهودنـا الماضياتـي
    كانت تروح الروح ساعـة تروحيـن %% وتعـاف نفسـي شربهـا والمباتـي
    كنتي مناة القلـب والـروح والعيـن %% واليـوم عيـنـك علـهـا ماتبـاتـي
    كنت أحسبك للعهـد والحـب توفيـن ## قلتي الغدر بالحـب ماهـو سواتـي
    وبان الغدر سـم جـرى بالشراييـن ## الله عسـا يسقيـك ســم الممـاتـي
    كلى سقيتـك حـب واليـوم تنسيـن ## تقوليـن حلـم ايـام واليـوم وفاتـي
    وخذتي الهوا لعبـه علـى ماتحبيـن ## اليـن عصفـت بهـواك عاصفاتـي
    وصرتي بشعرى فالعـذارى تباهيـن ## تقولين انا شمس العصر في حلاتـي
    وبالشعر صورتك خـزام ورياحيـن ## واثرك هضاب وشوك مابـه مفـادى
    وبالشعر غليتـك علـى كـل غاليـن ## واثـرك دنيـه تبيعـيـن الدنـاتـي
    رسمتـك اميـره للجمـال تقـوديـن ## واثرك خـروفٍ ضيعتهـا الرعاتـي
    توسلتلك علـى حـب مدتـه عاميـن ## عامين لكنهـا فـي حسابـي مئاتـي
    ناديـت لكـن ابـد لـي ماتسمعيـن ## عمرى وروحي والفكر فـي شتاتـي
    خنتي وبعتى كل العهود والمضاميـن ## ماعـاد يفـرق بيـن ماضـي وأتـي
    وصرتي مثل غيرك برخص تبيعيـن ## يامرخصتنـي مابقـى لـك غلاتـي
    صبري نفذ واليـوم ثـارت براكيـن ## مظلوم انـا وباكرتستجـاب دعواتـي
    اسمعى عسى من بعدهـا ماتسمعيـن ## اسمعى دعاء من صار قلبه حصاتـي
    عساك بأعاقـه منهـا ماعـاد تبريـن ## اعاقه تشافـق لهـا قلـوب العداتـي
    ادعى عسى من ناظـرك ماتشوفيـن ## وتطحن بك الأيـام طحـن الرحاتـي
    يالله عسـى يحتـار فيـك المداوييـن ## وتتمنين المـمات ولايجيـك المماتـي
    يالله عسـى كـف الندامـه تعضيـن ## تندميـن يـوم انـه يفـوت الفواتـي
    وتبكبن دم يسيـل مـن مقلـة العيـن ## ويحتار قلبك من مرض ماله شفاتـي
    يابلـوة اللـي وسـط بيتـه تعيشيـن ## غافي وحوله شب جمـر الغضاتـي
    عسـى بعمـرك ساعـه ماتهنـيـن ## وتمضي حياتـك بيـن هـم وشقاتـي
    يابنـت قلبـي ويـن مثلـه تلاقـيـن ## قلب عطـاك الحـب ماقـال هاتـي
    قلبي وروحـي شلتهـا لـك بكفيـن ## وفي التاليه رمـح الخيانـه جزاتـي
    يالله عسـى تلبسـك جـن وشياطيـن ## وتكونين مدعـاة الحكـى والشماتـي
    والله مانـي منتظـر قلـبـك يلـيـن ## والمقبـلات أكثـر مـن الفايتـاتـي
    وماهو عادتي اتبـه طعـون المقفيـن ## ريـح تشـل طعـونـك المقفيـاتـي
    ياليلـة الظلمـه علـى الله تزولـيـن ## وتأتـي ليالـي سعدنـا مشرقـاتـي
    ياحيـة رقـطـه تـقـود الثعابـيـن ## باكـر تحـل ايـامـك المعتمـاتـي
    ياظالمه نفسك تـرى الدهـر يوميـن ## يـوم النجـاة ويـوم مابـه نجـاتـي
    بينـي وبينـك تحكـم ايـام وسنيـن ## وانا شاهدى قلب مـن الغـدر ماتـي
    لو كان غدرك في كفـوف الموازيـن ## لكـان ربـح كـل غـدر البنـاتـي
    يادمـعـة التمـسـاح لالاتذرفـيـن ## العيـون رغـم دموعهـا كاذبـاتـي
    لا ماعرفتـي الحـب لا ماتحسـيـن ## وغدرك تعدى غـدر ذيـب الفلاتـي
    الذيب يعـوى قبـل يغـذر بمسكيـن ## وانتى غدرتي خافقـي فـي سباتـي
    وانتِ السبب سقتي على القلب جرحين ## غـدر الغـرام ووجـع الذكريـاتـي
    وانتي السبـب واليـوم لالا تلوميـن ## وان جاك باكر تشوفي شلـون ياتـي
    والله لا أكتب وافضحك في دواويـن ## واغطرف واغنى يوم خبـر الوفاتـي
    وأرسم لأهل العشق قلـب وسهميـن ## وقصـة خيانـه ماروتهـا الرواتـي
    ويمين لنشـر فـوق اسمـك عناويـن ## وأشهرك من قاصي اليمـن للفراتـي
    ومن غرب هالدنيا ألي قاصي الصيـن ## ديـوان غـدر فيـه كـل اللغـاتـي
    والبادى اظلـم سنـة العيـن بالعيـن ## ولافهـذى لاعادتـي ولا صفـاتـي
    وياشبـه انسانـه بـراس ورجلـيـن ## أعوذ بالرحمن منـك فـي صلاتـي

  2. #2
    "رجل عادي جدا" الصورة الرمزية عاشق السمراء
    تاريخ التسجيل
    05- 2002
    المشاركات
    21,307
    مساااااااااااااااااء جميل ...

    مسألة وقت ..
    صح لسانك على ما جادت به انفاسك من حرف!!

    جميل جدا ..

  3. #3
    نبض مبــدع الصورة الرمزية **دانة السلطنة**
    تاريخ التسجيل
    05- 2005
    المشاركات
    2,024
    مسألة وقت,,,,

    تســــــــــــــــــــــــــلممممم ع الكلمات الجميلة,,,,,

    هذه رسالة حلوة للخائنة وكذا للخائن ما ننساه ترا مخالبه العن من مخالب الخائنة,,,,

    مشكور اخوي ما قصرت ف الوصف المتقن,,,,

  4. #4
    نبض جديــد الصورة الرمزية مسألة وقت
    تاريخ التسجيل
    05- 2006
    العمر
    42
    المشاركات
    245
    لا تعليق علىردالسيده دانة

  5. #5
    نبض جديــد الصورة الرمزية اسلام
    تاريخ التسجيل
    07- 2005
    العمر
    38
    المشاركات
    24
    جميل ما خطت يداك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20