الموضوع: عنواني

عنواني

تعبت اســـابق الخطوة وكل الدروب قصار** وتعــــــبت ألملم افراحي وأبروزها بأحزاني
كبير الشوق في صــــدري والهموم كـــثار** كثيرة فـــيك أبيــاتي وبــعيد انته عن أعياني
طلبــــتك للوصل مره وقلت الـــزمن غدا ** انا ما ابــــــيك لي لحظه أبيك تكون عنواني
أبيك تحس بالبركان اللي بداخــــلي لك ثار** أبيك تحس فــي حب(ن) غزا عقلي ووجداني
بدا بجمره على نظرة وفي ضلوعي صار ** عجزت أرد نــــــيرانه وبالآخــــــــر تبلاني
وكل اللي أخــافه يصــــير أشوفـــه صار** أمد في وصــــــلكم خطوه وتقطعها بحرماني
وثقتنــــي بحـــبك وغرقــــتني أشــــــــعار** إلين أصبح كلام الحــــب في عيونك بيهواني
وصرت أهمهم بوصفك وبحروف قصــار ** جميل وفاتن وروعــــــه ورافع راسه عماني
رمــــوشه تكـــــتم العبره والعــــيون بحار** أحس أعضائي تركضله إذا تــــكرم وناداني
يلاعب قلبي بفكره وبيني وبينه الاســـوار ** وإذا تمتم قــــبل ينطـــــق أتـــــوه بعالم ثاني
ويا ويلي اذا اعــــرض وبالكــــــلام إنثار** يغـــــار الورد من خـــــــــده وبألوانه يعاني
صوته رحمه من ربي كنه عـــزف أوتار ** بصوته ترحل همومي وأنسى حتى عنواني
إذا يمشي أحس بصمت يدخل زحمة الأكدار** يستـــــوطن مــــــــــــداراتي ويدمر أكواني
وإذا جت عيـــــني بعينه يــــــطير شــــرار** يحــــرق كل ما فيـــــني يرحل بي وينساني
إذا أكتب وصـــــفه بورقــــه تشتعل بي نار** لأن ما توصــفه ورقه ولا حتى على لساني
أنا مكتــــوب لي أهواه بزحــــــــــمة الاقدار** غاب الكـــــــون من شفته لأنه حيل أعماني
ترا ما احب أبد غيره لف الزمن أو دار ** ومصيري أســـتوطن أهدابه وبعينه بيرعاني
لأني أدري بحــــــبه وأعرف طـــبعه العيار** ولو ضـــــــاقت بي الدنيا بكل أنفاسه يفداني
وله بصـــــبر وبتحـــــمل ومســــتحيل أنهار** وأكيد بيوم يعوضــــني عن صبري ونيراني
وتعبت أسابق الخطوة وكل الدروب قصار ** وعبت ألملم أفــــــراحي وأبروزها بأحزاني
وتعبت أفهمك إني لشوفــــــــك أنتظر أخبار** أبيع الدنيا في وصــــــلك لأنك إنت أوطاني

خلفان البرطماني