النتائج 1 إلى 6 من 6

الموضوع: امثال كويتية

  1. #1
    الصورة الرمزية kuwaitstar
    Title
    نبض جديــد
    تاريخ التسجيل
    01- 2005
    العمر
    54
    المشاركات
    256

    امثال كويتية

    الأمـــــــــــــــــثال الكويـــــــــــــتية ( عودة للماضي )

    يجب على كويتي معرفة ماضي ابائه واجداده وامثالهم وحكمهم

    وكم اتمنى ان يشارك الاخوة بامثال كويتية قديمة ففيها من الدروس والعبر الكثيرة

    • بو طبيع ما يجوز من طبعه
    • إذا بغيت صاحبك دوم حاسبه كل يوم
    • لي حبتك عيني ما ضامك الدهر
    • اشيل الخره على الراس ولا منت الناس
    • إذا حجت البقر على قرونها
    • لي صار رفيجك حلو لا تاكله كله
    • إذا طاح الجمل كثرت سكاكينه
    • لي فات الفوت ما ينفع الصوت
    • إسأل مجرب ولا تسأل طبيب
    • إش حادك يا المسمار ؟ قال المطرقه
    • إصرف ما في الجيب يأتيك ما في الغيب
    • أضبط من ساعة الملا
    • اقبض من دبش
    • أقضب مجنونك ( مينونك ) لا يجيك أجن منه
    • إكل علىما تشتهي وإلبس على ما تشتهي الناس
    • إما طلعه ولا طبعه
    • إن طاعك الزمن وإلا طيعه
    • إنطر يا حمار لما يجيك الربيع
    • إنفخ يا شريم قال ما من برطم
    • الباب اللي يجيك منه الريح سده وإستريح
    • الطبع اللي بالبدن ما يوخره الا الجفن ( الكفن )
    • بغاها طرب صارت نشب
    • بغى يكحلها عماها
    • بغيناه عون صار فرعون
    • تجيك التهايم وإنت نايم
    • ثوب أطول منك يعتك
    حاميها حراميها
    • حشر مع الناس عيد
    • حط راسك بين رجليك وإشهد على والديك
    • حط فلوسك بالشمس وإقعد بالذلال (إجلس بالظل)
    • خبز خبزتيه يا الرفله إكليه
    • خربان من البيضه
    • دابة الله بأرض الله
    • الذيب ما يهرول عبث
    • راعي النصيفة سالم
    • رزق القطاوه على الخاملات
    • زرع الميانين (المجانين) يطلعه رب العالمين
    • شبعونا طراقات وشبعناهم شتايم
    • شمامها لمامها
    • طارت الطيور بأرزاقها
    • طقاق روحه ما يصيح
    • الطول طول نخله والعقل عقل صخله
    • عتيج الصوف ولا يديد البريسم
    • عمره ما تبخر ، تبخر وإحترق
    • عومه ماكوله ومذمومه
    • غصيت فيك يا ماي ، شدفعك في
    • فال الله ولا فالك
    • الفرخ يقاقي في البيضه
    • قال عندك تاكل ؟ قال لأ . قال عندك تغرم ؟ قال إيه
    • قطو وطقيته بمصير
    • كثر الدق يفج اللحام
    • كلٍ بقلبه شقا اللي له (شقاه )
    • قال طلقها واخذ اختها قال الله يلعن الثنتين
    • لي بغيب الخبر يشيع عطه (أعطه) أم بزيع
    • لو جريت جري الوحوش غير رزقك ما تحوش
    • لي طار طيرك قول سبيل
    • لي فات الفوت ما ينفع الصوت
    • اللي في الجدر يطلعه الملاس
    • اللي ما يرضى بجزَه ، يرضى بجزَه وخروف
    • اللي ما يستحي منك لا تستحي منه
    • اللي ما ينوش العنقود يقول عنه حامض
    • اللي ما يطيع يضيع
    • اللي ما يعرف الصقر يشويه
    • اللي ماله أول ماله تالي
    • اللي مو على دينك ما يعينك
    • اللي هذا أوله ينعاف تاليه
    • اللي يجي من الله حياه الله
    • ما تعينك إلا يمينك
    • ما لك إلا خشمك لو كان عوي (أعوج)
    • مال عمك لا يهمك
    • مخروش طاح بكروش
    • مد رجولك على قد لحافك
    • مداح نفسه يبي له رفسه
    • مكسورة و تبرَد
    • من طمع طبع
    • ياخال ابوي حك إظهري
    • هذا سيفوه وهذي خلاجينه (ملابسه)
    • الوجه من الوجه أبيض
    • يا شين شيء ما شابه هله (أهله)
    • يا من شرا له من حلاله علَه
    • يفوتك من الجذاب صج وايد
    • ما يمدح السوق الا من ربح فيه
    • يوَد (أمسك) الحبَه وفلَت (أفلت) الدبَه
    __________________
    حفظ الله الكويت من كل مكروه

    أخلاقنا تحكي أصالتنا

  2. #2
    الصورة الرمزية عاشق السمراء
    Title
    "رجل عادي جدا"
    تاريخ التسجيل
    05- 2002
    المشاركات
    21,307
    مسااااااااااء جميل ...
    حلوة كثير هالامثال ..
    بعضها تتناقله كافة الشعوب ..
    مع تغير في اللهجة ربما !!
    تقديري لك .. !!

  3. #3
    الصورة الرمزية كنوز
    Title
    عضو شرف
    تاريخ التسجيل
    11- 2002
    المشاركات
    3,186
    هلا اخوي نجم الكويت - انت ما خليت شي اكتبه بس بكتب هذا المثل
    • بغيناه عون صار فرعون
    في مثل نفسه تقريبا
    و هو بغيناه طرب صار نشب
    بس صج هالأمثال بينت انك شايب

  4. #4
    الصورة الرمزية kuwaitstar
    Title
    نبض جديــد
    تاريخ التسجيل
    01- 2005
    العمر
    54
    المشاركات
    256

    Wink

    [QUOTE=كنوز]
    هلا اخوي نجم الكويت - انت ما خليت شي اكتبه بس بكتب هذا المثل


    • بغيناه عون صار فرعون
    في مثل نفسه تقريبا
    و هو بغيناه طرب صار نشب



    بس صج هالأمثال بينت انك شايب
    صج شايب
    بس القلب شببببببااااااااااااااااااااب كح كح كح

  5. #5
    الصورة الرمزية عاشق الكويت
    Title
    نبض نشيـط
    تاريخ التسجيل
    07- 2004
    المشاركات
    311
    تسلم يا نجم الكويت على الامثال الحلوة وصح السانك

  6. #6
    امثال جميله يا نجم الكويت
    وبعضها مقارب للأمثال العمانيه


    كنوز ايش معنى صار نشب ؟

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

RSS RSS 2.0 XML MAP HTML