رد مع اقتباس
السلام عليكم
دكتور يحيى الأرز
وحشتنا ووحشتنا كلماتك
ورائعة مبهرة بعد غياب
كما عهدتك مبدع فوق الوصف عندما تعزف شعرا عاميا
حقا أنت مبهر وكلماتك تعتصر برائحة الوطن المتألم عبر السنوات الطويلة
ولسه القلم فاضي وآه يا صاحبي
سعيد بعودتك المبهرة
ابن خاطر
شايفك قصادي
ماسك قلم فاضي
بتكتب إيه ؟
بكتب لبوكرة
بسأل .. بدور على رمق أمل فيه
بوكرة ؟؟ بوكرة . لسة بدري عليه
القلم فاضي . بتكتب إيه ؟
شكوى ... عريضة.. لمين ؟ وليه ؟
القلم فاضي .. والصفحة .. بيضا
لا فيها كلمة .. ولا بصمة .. ولا إمضا
القلم فاضي .. ما يفضى
دام الكلام عالسن ينطق وانا بشخبط بيه
الصفحة بيضا عشان السطر عطشان
لا النيل ولا المطر يرويه
مدام الكلمة خارسة والحرف ربطو ايديه
يبقى القلم غلبان .. يا عم خف عليه
بس القلم فاضي
يا عم مش فاضي
دايخ .. وزغللة في عنيه
عشان لسانة طويل
ومن لسانه .. دوقني طعم الويل
فاضي .. مليان
عند القلم وقت الألم سيان
سيبك مـ القلم خلينا فـ الألم
مـ الجوع .. والرغيف فاضي
والألم بدموع
لما الظلم ينفرض عادي
الألم فايض مكفي
وكفي على كفي
منين .. بطانية تدفي
حنين .. لربع كيلو مشفي
القلم فاضي
وصاحب القلم
معذور
مقهور صابر و راضي
وانا ماشي كدة فـ حالي
عادي .. و القلم فاضي
قلم
عطشان لنقطة حبر
والحبر جانبي بشبر
بس الثمن غالي
:
د. يحيى معوض
(الارز )
السلام عليكم
دكتور يحيى الأرز
وحشتنا ووحشتنا كلماتك
ورائعة مبهرة بعد غياب
كما عهدتك مبدع فوق الوصف عندما تعزف شعرا عاميا
حقا أنت مبهر وكلماتك تعتصر برائحة الوطن المتألم عبر السنوات الطويلة
ولسه القلم فاضي وآه يا صاحبي
سعيد بعودتك المبهرة
ابن خاطر
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة