ـن هنــا وهنــــاك ( كل شـــي حلـــو فيــكِ ياشــــام )

[رحاب الشام]

طبعا ناس بتضل بالفيجة بتقعد بالمطاعم المنتشرة
والمشهورة بنكهتها الزاكية اوالجلسات الشعبية
المريحة والهادئة والقريبةمن النبعة
قعدة بتاخد العقل
واذا بدكم نصيحتي ورح تدعولي ( اسالو مجرب )
مو دعاية والله لكن نحنا ع طول بنروح هنيك
اطيب اكل نضيف بيتي أيّ زوجات أصحاب المطاعم
بتسويه وبتاكلوه حد المي شي
كبب مشوية ومقلية وتبولة ومشاوي فريكة
كبسة صفايح خدمة فوق الممتازة وطلبكم بيوصل
دغري مع ضيافة فواكه وقهوة وشاي مجاني
مالكن قلب تطلعوا منها
نحنا بنضل لوقت متاخر ومابنشعر كيف مر















و الان أطلق صافرة الإنطلاق
مع خروج اللهب من المدخنة
لمتابعة الرحلة ع الزبداني

[رحاب الشام]

القطار الان بدو يمر من محاذاة بلدة دير مقرن
ثم كفير الزيت وصولا الى دير قانون



ويسير بجانب الجبال الشاهقة و المشهورة
بجبال عين الفيجة
عابراً منطقة المشاتل الزراعية الخصبة ذات التربة
الغنية لزراعة كافة أنواع الورود و الزهور
حتى يقترب من محطة دير قانون يتوقف فيها لدقائق
معدودة بنزل بعض الركاب و يصعد بعضهم القاصدين
سوق وادي بردى









بدأت مرحلة الصعود التدرجي للقطار
من هذه المنطقة فنرى الطريق العام على يمين
القطار وهو بدوره قد ارتفع عن مستوى نهر بردى
في أسفل الوادي حتى بلوغ قرية الحسينبة

[رحاب الشام]

سكة القطار تأخذ بالارتفاع التدريجي عن مستوى
الطريق العام و عن مستوى جريان نهر بردى
في أعالي الجبال الصخرية التي تحرسه و تحرس
السكة منذ سنين و سنين

[رحاب الشام]

ثم يعبر القطار فوق جسر وادي بردى ويسير
محاذيا للجبال الصخرية والتي تم شقها
عند مد هذه السكة أيام احتلال الدولة العثمانية
حتى يصل لمحطة سوق وادي بردى

[رحاب الشام]

يتوقف شوي في محطة سوق وادي بردى
ثم تحرك بـ إتجاه محطة التكية
من خلال دخول نفق المؤدي اليها

















لحظة وصول القطار الى محطة التكية يتزود بالماء
من محطة التكية و بينزل بعض الركاب فيها
أيضاً للتزود بالفحم الحجري لعملية تسخين المياه
استعداداً للمسير في سهل الزبداني المترامي الأطراف
حتى الوصول الى مدينة الزبداني

[رحاب الشام]

رح احكيلكم قبل مانكمل الرحلة
لمحة عن مدن و قرى الزبداني
تعتبر الزبداني من اكثر المناطق ارتيادا للسياح
في سوريا حيث تتمتع بمناخ جميل
و درجات حرارة معتدلة صيفا و باردة شتاء
و تتميز بغاباتها الجميلة و طبيعة سكانها


الزبداني :
هي مركز المنطقة و توجد فيها خدمات كاملة من مشافي
و مراكز شرطة و فيها أحياء قديمة و محطة القطار البخاري
(الذي يعتبر من اهم القطارات الاثرية في العالم
تبعد عن مركز مدينة دمشق 40 كم تقريبا
بلودان :
و هي المدينة الاقدم في المنطقة جبلية شاهقة الارتفاع
حيث يصل ارتفاعها الى 1850 م عن سطح البحر
و هي مثال لتعايش الاديان المسيحية و الاسلامية
و تتمتع بطريقة توزع البيوت القديمة فيها على سفح الجبل
و الادراج الحجرية كما تتمتع بوجود كمية كبيرة من المطاعم
و مراكز السياحة و الترفيه و مدن العاب و فنادق
و فيها عدة ينابيع و منها نبع بلودان القديمة و نبع السرايا
و مغارة موسى الشهيرة و فيها فلل و قصور
و بيوت سكنية للاصطياف



مضايا :
و هي الضيعة الاقرب الى دمشق مما جعلها مقصدا
لتملك معظم السياح و السوريين الباحثين عن الراحة
النفسية فباتت مضايا من الاماكن التي تبنى فيها فلل
و عقارات و قصور فخمة و تتميز بوجود نبع مياه في وسطها
بقين :
تشتهر بنبع بقين للمياه المعدنية الاكثر صحية بين الينابيع العالمية
و التي ينصح الاطباء في مختلف بقاع الارض للمرضى بالشرب
من هذا النبع يتمتع اهلها ببساطة جميلة
الجرجانية :
تشتهر بقصرها قصر الجرجانية الأثري و قد صار مطعما
ذو مناظر رائعة يجوب سهل الزبداني بأكمله

[URL=http://www.khleej.net/][/URL

[رحاب الشام]

نرجع لرحلتنااا بالقطاار

تحرك القطار من محطة التكية باتجاه سهل الزبداني
يعبر البساتين الحاوية على أشجار الكرز و الخوخ
و الدراق و التفاح السكري المشهور بتفاح الزبداني
يقطع الطريق المؤدي الى بقين و مضايا حتى يتمكن
من الوصول الى مدينة الزبداني









وها هو ذا يصل الى تخوم مدينة الزبداني
و يبدو بالعمق منطقة الإنشاءات
و منطقة الجرجانية الرائعة



وصفر صفر يابابور وصلنا للزبداني ...
ألف الحمد لله على سلامتكم وسلامة جميع الركاب
هيك رح يقلكن السائق ومساعدووو





يتأهب للإنطلاق باتجاه منطقة سرغايا
عند أخر نقطة بالحدود السورية اللبنانية
يعبر البساتين الشهيرة بأفضل أنواع التفاح و الكمثرى







وصل القطار الى بلدة سرغايا
وهنيك تفصل القاطرة الأم عن بقية الفركونات
تمهيدا لطريق العودة إلى الزبداني
و من ثم إلى دمشق







وبهيك بنكون خلصنا هل السيران الحلو بهيدا القطار
رح روح استريح ولاقيكم بجولة تانية
جبلكم فيها معي
من هنا وهنااك احلى حلا بـ الشااام
خليكم قريبين لاتروحوا بعيد
كرمال تنبسطواااااااااا بـ صور رحلاتي الجاية
باااي





( هيدي المشاركة كلها بما تحوي
اجتهاد شخصي مني
حسبي الله ان نقل احد منها نسخ لصق
دون تعب اوسجلها بـ اسمه

[رحاب الشام]

اتأخرت عليكم اعذروني

كرمال كنت مشغولة بـ انهاء همستين جداد

بس مانسيت جولتي بين ربوع مدينتي دمشق

والان رح نرجع وتشوفوا معي قلعة دمشق
تقع في الزاوية الشمالية الغربية لمدينة دمشق القديمة
يعود بناؤها إلى عهد تاج الدولة
تتش بن ألب أرسلان السلجوقي (471هـ/ 1078 م)
ورح نبدا الصور من سور القلعة من الغرب المطل
على شارع السنجقدار



..





وفي أيام بطل حطين صلاح الدين الأيوبي محرر القدس
استعصت عليه القلعة حينما احتل دمشق عام 570هـ/1174م
ولكنه تسلمها صلحاً فيما بعد وجعلها مركز حكمه
فرمّمها وأضاف إليها أبنية أخرى
وعاش وتُوفي فيها عام 1193م ودُفن في قسمها الغربي
وبعد ثلاث سنوات نُقل جثمانه إلى المدرسة العزيزية










هيدا قبر البطل صلاح الدين رحمه الله قريب من الجامع الاموي

..

سور القلعة الشمالي المؤدي الى العصرونية و الجامع الاموي










هيدا نهر العقرباني الموازي لقلعة دمشق
والى جانيه حديقة البيئة



هدم الملك العادل بن أبي بكر بن أيوب شقيق صلاح الدين
عام (599هـ/1202م) القلعة السلجوقية وأقام القلعة الحالية
بقي العمال يعملون لمدة اثنتي عشر عاماً حتى صارت
منيعة وحصينة فيها مصنع للأسلحة وأبراج للحمام الزاجل
ودار لصك النقود وسجن وحمّام وقاعة عرش ومسجد
ومدرسة ومنازل للأعوان حتى صارت وكأنها مدينة صغيرة
وسُميت القلعة المنصورة
جمع في بلاطه الكثير من العلماء والفلاسفة منهم
عماد الدين الأصفهاني وبهاء الدين بن شداد
بعد الملك العادل أتى أربعة سلاطين اهتموا بالقلعة
وحصّنوها وهم أبناء الملك العادل





هون ابراج القلعة الشمالية









قاومت القلعة هجوم المغول وعلى رأسهم هولاكو
(658هـ/1260م)
ولكنهم تابعوا حصارها وضربوها بالمنجنيق حتى دخلوها
فنهبوها وهدموها وأعدموا واليها
وبعد هزيمتهم في معركة عين جالوت قرب الناصرة
في فلسطين على يد الظاهر بيبرس وقائده المملوكي ق**
صارت القلعة لنائب السلطنة الأمير علاء الدين سنجر الحلبي

[رحاب الشام]

هنا يوجد قبر الصحابي الجليلي ابو الدرداء رضي الله عنه



هيدا الطريق يلي بيوصل على العصرونية والجامع الاموي
بتلاقوه بالصدر بابو بيلنقي بالطريق الجاي من السبع طوالع
والمكتبة الظاهرية











حينما حكم الظاهر بيبرس دمشق
رمَّمَ وحصن القلعة وتُوفي فيها
ونُقل جثمانه إلى المدرسة الظاهرية
واستمر المماليك بتحصينها والاهتمام بها
خلال حكمهم بين (1259 و1516 م)
وحينما جاء العثمانيون (1516-1918) استعملوها
قلعة وثكنة وأضافوا إليها بناءً مساحته أ
لف متر مربع خاص بالإدارة
وفي أيام الفرنسيين (1919-1946) صارت
سجناً مدنياًومقراً لبعض عناصر الشرطة
وفي عهد الاستقلال (1946) بقيت سجناً ثم أخليت
وبدأ الترميم فيها منذ تشرين الثاني 1984
وستكون مكاناً سياحياً هاماً في المستقبل القريب

..

..

..

..

هيدا سوق الحميدية بعد ماتم ترميمه من 5 سنوات
على طراز قديم محُدث
شو مابدكم موجود فيه ويعتبر معلم هام للسياح
ملاصق تماما للقلعة شفتو الصورة من برا كيف مبين







كان الباب الرئيسي للقلعةيقود إلى
المدينة القديمة ويُفتح على سوق العصرونية حالياً
لذلك عُرف باسم باب المدينة او باب النصر الظاهري
وكان له جسر خشبي متحرك
واستعمل الباب للدخول والخروج إلى دار الإمارة
مقر السلطان أو نائبه والطريق منه إلى الداخل
ملتوٍ وغير مستقيم يقع الباب بين برجين متقاربين
المسافة بينهما مزوّدة بمرامٍ ورواشن لصب السوائل
المغلية على المهاجمين
وهون احدى الحارات والبيوت القديمة حول القلعة



..

[رحاب الشام]

أبراج القلعة
أهمها برجان مستطيلان بُنيا أيام الملك العادل
كل واحد منها يتألف من ثلاث طبقات
في كل واحدة خمس فتحات للرمي وحول كل سطح
شراشيف فوقها كوات مستطيلة مسننّة
وبصورة عامة كل أبراج القلعة متشابهة
أما البرج الذي في الزاوية الشمالية الشرقية
فهو برج متقدم للدفاع على واجهته الشرقية كتابة
بالخط النسخي تعود للعهد الأيوبي

..

..





وفي القلعة بقايا القصر الملكي وقد أُزيلت
طبقته العليا
كما اكتشفت في القلعة آثار مساكن وسراديب
من فترة ما قبل الأيوبيين
ويقع جامع أبي الدرداء في جهة نهر عقربا
قرب المدخل الشمالي
هون رح نشوف بعض المناطق الملتصقة بالقلعة
ورح اجي ع ذكرها بالتفصل لاحقا
كـ مدحت باشا والقوس الروماني يلي بالصورة
ويلي بيوصل بـ نهايتو ع بابا توما قرب الكنيسة المريمية



..



وهيك خلصت اليوم جولتنا من هنا وهناااك

عن قلعة دمشق

المرة الجااي رح تكون مميزة عن الاماكن المحيطة بالقلعة

سوق مدحت باشا قصر العضم النوفرة البزورية والعصرونية

خليكم بـ القرب مارح اتأخر

ودي لكم

( هيدي المشاركة كلها بما تحوي
اجتهاد شخصي مني
حسبي الله ان نقل احد منها نسخ لصق
دون تعب اوسجلها بـ اسمه