مسا العطر ,,,
● من آي بلد ؟
سوريا الأسد ,,, ومدينتي دمشق
● شو اكثرِ المدن اللي تحبهِآ ؟
اذا القصد بسورية احب دمشق واللاذقية وحلب
● كمِ مرِه سآفرِت دآخل و برا بلآدك ؟
سفر جوا بلدي هيدا لايُعد ولايُحصى
كرمال مافي مكان الا رحته
من الشرق للغرب للشمال للجنوب
معروفين أهل دمشق بحبن للسيران
برا بلدي
لبنان ,, الاردن ,, السعودية ,, تركيا
وكنت ع وشك روح ع جنوب العراق
● تَحبَ تنآم فالطيآرِهـ ولـآإأ شو تسوِي؟
انا نااام ولي ولي
ايه مابصدق ايمتى اوصل
بقرا ميةآية قرآن كريم ودعاء سفر
يعني خويفة كتير وخاصة وقت نزول الطيارة
● كمِ آكثرِ مُدهِ جلستهآ برا بلآدك ؟
شهرين ,,,
● شو أفضل خطوِوِط طيرِآن في نظرِك ؟
ماجريت غير الخطوط السعودية والسورية
والاتنين خدمتن حلوة بغض النظر عن حداثة الطائرة
لانو الشكل االخارجي مش هو الاساس بالحكم
● آجمِل منظرِ أعجبِك في آحد الدوِل (( مع الصوره )) ؟
مش متوفر معي الآن عذرا
لكنه كان تلفريك يلي بلبنان فوق الثلج
● حآدثه او موقف صآرلك وِآنت مسآفر طرِيف ولـآإأ محزِن ولـآإأ اي شي ؟
مرة كنت بمطار دمشق بدي سافر وواقفة بالطابور للدخول
لقاعة التفتيش قبل صعود الطائرة وإلا
تزمر الآلة ,, هون الكل انظاروا صارت عندي
اتلبكت قام المضيفة خلتني اعيد من جديد الدخول
برضو
صارت تزمر من جديد
حسيت حالي بموقف لاأحسد عليه
بعدين طلعوني برا الصف وخدوني ليفتشوا اذا معي شي مخالف
ولما مالقوا شي قالتلي يمكن الاكسسوار يلي حاطته
السبب وفعلا بعد ماخلعته ماصارت تزمر ومشي الحال
ورجعت كملت دخولي
بس شو ,, حسيت كل الركاب بينظروا إلي نظرة استغراب
مدري ليه هههههه
قالوا معقول هيدي الامورة يلي برستيجا حلو
تكون ا ر ه ا ب ي ه ههههه
ومن يوما اذا بسافر مابلبس اكسسوار ,, تعقدت وحياتك
● أكلة تحب اذا زرت أي دولة ان تذوقها ؟
مافي شي معين كله طيب
● موقف محرج صارلك في سفرك؟
ع الحدود التركية بعد ماسوو الدخول ع الهوية رحنا
كرمال نشتري التياب ونعمل سيران تركي
ضاعت هويتي مني وماكنت لاقيها
وبتعرفي شو يعني مافي اثبات اني انا ,,, غيراااا
أتاري الموظف يلي أخدها مني ترك مكانه واخدها معو
ولما اجا شخص غيرو سألني وينا
قلتلو عطيتا لزميلك
نطروني ساعتين ع بال مااجا الافندي ومشي الحال
مابعرف ليه ع طول حد بيحسدني وبيخلي فرحة سفري ماتتم
يمكن رحال ههههههه
● شيء لا تستغني عنه في سفرك؟
كل شي باخده معي يخصني
● لوِ عرِض علِيِك العيِش في بلد غير بلدِك مآرآيك؟
أكيد غير بلدي مارح كون بيها مرتاحة
الا ااذا كان عرض لبلد شخص غالي
● هلِ تؤِيد السفرِ خآرِج الوطِن العرِبي ؟
اذا سفر سياحة ايه بس ع طول لا
●وِين نآوِي تقظيِ اجآِزتكِ؟
نحنا ع طول بـ اول الصيف وآخره نستأجر مزرعة بالمصايف
بقا لسه ماقررنا للآن بالضبط وين
● كمِ عدِدِ المدنِ الخليجيه اللتي زِرِتهآ؟
السعودية فقط
●اختار عضوين من المنتدى وسآفر معهم والى وين ؟
عضوين اممممممم
لا عضو واحد يكفي ومش رح قول اسمه
لكن بس نرجع بقلكم مين ووين رحنا
● تذكار محتفظ فيه من أي دولة وماهو؟
من لبنان ,,, تراب من أرض المقاومة الجنوب
● رأيك بقسم السيآإحـِه ؟
أكيد حلو
● أيش اقترآحك لقسم السيآحه ؟
اقترح نسوي مشاركة أجمل صورة سياحية من مدن العالم
● من العضــو / العضــوه اللي تختاره يجاوب بعدك ؟
اقترح الأخ العزيز ابن خاطر
كرمال مش عم نشوفه كتيررر هيدي الايام
ألف شكر غاليتي الجميلة ع جهودك المُبهرة في نبض
وعلى هيدي الاستضافة ,,,
مودتي مع الياسمين لـ روحك