يا جماعة اسفة اني طرحت موضوعي بهالطريقة بس قلت يمكن بجذب اكبر عدد من الفراشات ليردوا علي ويعطوني رايهم بس طلع العكس
هي انو البنت متزوجة وبقيت مدة ما انجبت
وصارت تروح من دكتور لدكتور لحد ما وقعت بين ايدين
دكتور ابن حرام ابن حرام ابن حرام
ما بخاف من الله واستغل مهنتو ليساويها وكر دعارة
والعياذ بالله والبنت حلوة وزوجها الله يسامحه ما بيرضى يروح معها وكان يبعت معها
حرمة من اقربائه والمسكينة كانت تسعى بايدها ورجليها حتى تحبل
يعني لو قالولها انه في طبيب بالصين ممكن تحبلي عنده ما بتقصر
المهم وقت كانت تروح هالبنت عند الدكتور
وقت كان يفوتها على غرفة الفحص كان يعطيها ابرة تخدير والمسكينة ما تحس على شيئ وهو بكل
حقارة وبدون ما يقيم اول شيئ اعتبار لشاهدتو يلي حالف قسم انو ما يخون
هالمهنة وبدون ما يقيم اعتبار للمبادئ والاخلاق كان يعتدي عليها
مرة بحجة انه عندها اكياس على المبيض بدو يشفطهم
وتاري هالتقنية لسا ما اخترعوها عنا ومرة بحجة فحص داخلي ومرات ومرات وبيوم
من الايام السودا راحت هالبنت لعندو
كالعادة على موعدها وفاتت
على غرفة الفحص وعطاها ابرة
لكن بيومها مفعول الابرة ماسار تمام بجسمها
يعني بقيت بين الصاحي والنايم وحست
وهي ماكانت قادرة تقوم تدافع عن حالها الحقير عرفان شو يعطيها
لكن ما شافت شي بعينها بس حست انه في شي مو طبيعي عم يصير
ولما حس هالمجرم انها بدت توعى بسرعة البرق كان برا الغرفة
ولقت الحرمة يلي معها عم تساعدها
لتلبس ملابسها وهي مربوط لسانها
وما عم تعرف تحكي ولا كلمة
ويلي معها تسالها شبكي
ما تعرف تجاوب كانت صدمة صاعقة مصيبة واكتر
ورجعت عالبيت وهي منهارة وبكيت لحد ما نشفت عيونها ما بتعرف شو تعمل تخبر زوجها بينفلج
ويلي زاد الطين بله انه اهلها بعيدة عنهم
وبكيت ونهارت وما نشفت دمعتها وزوجها يسالها شبكي معليش انا ما بدي ولاد
هي تشوفو وتقول بقلبها انا مالي خاينة مالي خاينة
هي قصتها قلتها بكل صدق والله لا يسامحني اذا كان في كلمة وحدة نسج من خيالي
ياريت هلاء تعطوني رايكم والمسكينة شو كانت لازم تتصرف وانا سبق وقلت انها صغيرة يعني مالها قد حالها ابدا
شكرا لكل من قرا موضوعي ولكل من سيرد عليه وشكر خاص جدا جدا الى
القلب الكبير
على تفهمها