[ALIGN=CENTER]
أعود
للتواصل يا خلود
فكلماتك
تفيق قلمي
تنتزعه من دائرة الجمود
وعلى نمط العامية
أتفاعل مع كلماتكِ
:
الفِكر شَارد
شارد من مكان لمكان
والنفس مكسورة
والشكوى
مبتورة على اطراف اللسان
ادي الزمن .. ( يا خلود )
وادي الزمان
وأدي بوكرة المعطر
جانا .. ينهج .. مغبر
أدي الزمن .. زمن الضجيج
الدنيا والعة .. والقدس ضايعة
والقلوب فين فين
والأيادي فين .. فين
غطسانة في مية صاقعة
الزمن
مقلوب كيانه .. تاه الكيان
عصرنا
عصر الأمريكان .. واسرائيل عدونا
عيونهم على
قدسنا .. دمشقنا .. على مصرنا
عنكبوت .. بخ الشباك
حبك النسيج .. على عراقنا والخليج
يا رب أستر
الظلم قايم .. والعدل نايم
نرجع نقول
إحنا العرب معذورين
والكبار .. معذورين
والسكوت غصب عنهم
ها يقولوا إيه
يا ريت قرار واحد بايدهم
:
نقول كمان .. منقولش ليه
العمر واحد
والرب واحد توكالنا عليه
نقول كمان
وأدعي عليهم
يا ريت كلامي
يكون شاكوش .. فوق دماغ الهرمة بوش
يا ريت كلامي يكون تقيل
يقلق منام
أمريكا هانم .. والكلبة طبعا اسرائيل
يا رب
يارب قادر فيك تزلهم
فين عزرائيل
فين عزرائيل يجي يزورهم
أو حتى شوطة .. وباء تاخدهم
:
نقول كمان ( يا خلود )
يا وطني
يا وطني الحزين
يا دمعة فرت من العيون
يا وطن العروبة
يا كلمة نشفت عالشفايف
أنا زي غيري والله أسف
على كل عربي
وكل حاكم غمض وخايف
على كل دولة .. ماشية عالولة
يحكمها واحد
من غير دراية لا هو فاهم ولا حتى عارف
على
دولة عظمى .. وزيرها جزمة
رئيسها بوشي .. مهزوز وهايف
ياخد قرار
من غير مشاورة من غير مداولة
آخر قرار
هِدوا العراق
ومن يعارض أو من يخالف
أدي الزمان
نقول كمان
إحنا العرب إحنا العرب
شعار .. قديم .. وانضرب
احنا العرب .. أيوه العرب
والحقيقة
شعار واسم في الوجود مالوش وجود
والابن بوش قل الأدب
عدى الحدود .. وقام نعتنا بالقرود
الإبن بوش .. بالتحالف والبارود
عمال يشطنا
ويباصينا .. من بلير لليهود
أدي الزمان .... ( يا خلود )
وأدي .. اليهود .. والأمريكان
والتحالف .. والكل بان
طلعت أوربا .. أكبر شيطان
ملعون يا بوش
اللي لسه ما تعرفوش
كلامنا ليك .. ولكل شعب الأمريكان
كلامنا ليك
ولاسرائيل ولكل من صافح وخان
إن العرب .. مهما ناموا
مهما ناموا
القلب صاحي بالإيمان
بوكرة القرود ها تشيبك .
إحنا العرب واحنا التاريخ
واحنا الأصول من الـــجدود
وقت الجهاد
إحنا العرب
احنا العرب .. احنا الاسود
أسود بتركع للإله
سبحانه وحده
لا إله إلا هو
ليه الركوع وليه السجود
:
تحياتي[/ALIGN]