مساؤك سكر
رائع أيها الربان
الكل يديد في يديد
مدهش كما عهدتك
عامية جميلة
ابن خاطر
(( مساء جميل !! ))
هاتف على أول الصباح .. ألوووو .. لو سمحت أريد طلب يديد .. شو .. اريد طلب يديد .. من وين اجيب يديد وشو يديد .. لحظة بفهم .... كراااااااااااااااااااخ .. والباقي ....اسمعوه !!
يديد ..
قالت : يديد
وظلت تعيد ..
يديد ..
ضحكت ..
علامك تضحك ..
مدري ..
شوقي سعيد ..
يديد ..
وش يعني يديد ..
يعني يديد ..
هيه يعني يديد ..
كيفي .. يديد .. حديد
جديد ..
وأنت مالك ..
أحكي مثل ما أريد ..
زين أفهم ..
شو يديد ..
وش يعني يديد ..
تضحك ..
لا تزودها ..
ما فيني على مزاحك يا عنيد ..
وهي تضحك ..
يعني الكلمة عجبتك ..
ولا ...
لا لا ابد .. مافيه شي
لكن حسيت أني سعيد ..
صح سمعتها مليون مرة ..
وكذي مرة ..
سمعت يحكوا يديد ..
أحكيها مرة .. تكفين
خلني اسمعها زين ..
وما راح اطلب المزيد ..
لا .. لا ..
ما ماراح أحكي ..
ويا ضحكتك كنك هندي ..
شوف..
لا تحاول تكسب ودي ..
ولا تجلس تودد لي ..
كافي الصداع اللي فيني ..
ما اريده بسبتك يزيد ..
وبعدين أصلا أنا ..
ما أدانيك
ولا أحب اسمعك ..
ولا أجيب طاريك ..
ها ..
سكت!؟
شكلك زعلت !؟
لا مو زعلت ..
بس حسيت وانت تحكيها ..
بنبرة صوتٍ فريد ..
عن العيارة يا بليد ..
لا جد ..
مو عيارة ..
وبعدين أنا ..
عندي شهادة
دبلوم لِحام وحديد ..
بالله عليك ..
كيف أكون بليد ..
تعرفي وانت تحكيها ..
شبهتها ..
مثل صوت عزف ناي ..
اسمعه من بعيد ..
مدري نغم .. لحن .. ولانشيد
المهم انه كان شي مميز ..
وعجبني ..
وانت تحكي يديد ..
إلا صحيح ..
نسيت اسألك ..
وش يعني يديد ..!!
(( حرف ))
يديد .. طبعا هي جديد
لكن لما تخرج هالكلمة من انثى رقيقة ..
والمستمع مثلي .. هنا تتغير إلى يديد !!
... من رجُل!!
=====
(( نكمل السالفة .. مادري فجأة وقفت سمعت احد يحكي لي .. علامك كي .. وراك كي .. وانا في حالة تصنت وانتباه .. بالعادة كي .. شي ثاني .. لكن هني اختلف .. ما بطول .. تابعوا !!))
كــــــــي ..
كي .. يعني مفتاح
كي .. يعني واحد مع أولاده مرتاح ..
عادي يا حلوه ..
ما بعد الليل إلا الصباح ..
كي ..
ليش تشتري تفاح ..
اشتري بقدونس ..
من دكان اخوي يونس ..
بعدها تحسي أن الهم
عن خاطرك انزاح
كي .. قوليها
كان هذا هرجك ..
وكذي علموك أهلك ..
أحكيها ..
يمكن من خلقتي ..
وهذه طريقة حكيك ..
أو من الافلام أخذتيها ..
وفكرتي تجربيها ..
ما أحلاك بالتقليد ..
وما أسعدك ..
كي ..
ما أظن هالكلمة من هرجنا ..
ولا حكينا ولا من طبعنا ..
ما قد سمعت كي .. ولا شي ..ولا عي ..ولا مفتاح ..
كي ..
معروفة بالانجليزي يعني مفتاح
وبالعربي شو تطلع ..
هممممممممم
يمكن أخت المفتاح ..
ما عليه ..
ما قصدت شي ..
مجرد أقتراح ..
قولي كي .. وأحكمي
لما تشوفي لسانك تلتوي ..
مو عشان طعمها مر ..
وهذا ما هو سر ..
لانها من الكي ..
وطريقتك البايخة وأنت تتكلمي ..
وبصراىحة ..
أنت من غير هالتقليد
قادرة تسولفي بارتياح ..
كي وغيرها .. وغيرها ..وغيرها
الله عليكم يا جيلنا ..
يحيل الزمن فيكم ويحلينا ..
والله يستر من القادم ..
الله وحده هو العالم ..
يمكن بين يوم وليلة
تصير عائلة للمفتاح !!
(( حرف ))
للعلم كي ..
لهجة دخيلة ما لها معنى
بالاساس ومن كثر ما اسمعها ..
كتبها على القرطاس ..
عسى ما يزعل الكي .. أقصد المفتاح !!
قلم / غالب بن طالب الحبسي
مساؤك سكر
رائع أيها الربان
الكل يديد في يديد
مدهش كما عهدتك
عامية جميلة
ابن خاطر
السلام عليكم ورحمة الله وبركاته
صباح النور والنوير
ربما تراني قد تراقصت الضحات بين
شفاتي....!!
وأنتَ تتحدث بـ اللهجة العامية
وكأنه حوار
رائع حرفكَ
أقرأه بـ سلاسة
وفقكَ الباري في خطواتكَ
أختكم
حـــور
صح لساانك عااشووق
استمتعت بالقراااايه
^^
تسلم يمنااك على ما خطت من يديد
^^
ربي عليك حاافظ
سلام يا ديديه ..؟
ديديه / هلا والله وغلا
هلا بالطش والرش هلا والله بـ ........!
لا بارك الله في إبليس يوم بكاك..
ديديه ../ ها أخبار علوم..!
علوم وإلا رياضيات
ما أدري
بس كلهم على قلبي عسل
بس أقول ديديه
سمعتي الخبر الـ / يديد ..؟
عن العم خلفان .. أونه ..
يبّي يعرس بهذا العمر
أخ عليه يا ديديه هذول الشياب من يكبروا
ما أدري يستخفوا ما أدري كيف
ما أدري مرات أشوفهم أبرياء
ومرات البر البر مو حلوين خير شر ..!
وبعد الخبر الـ / يديد .. الثاني ..
أنه أنا اليوم لابسه هذا الثوب الـ / يديد ..
وهذي النعال الـ / يديدة فديتها من السفير شريتها ..!
وبعد ديديه .. في خبر يديد في يديد يشبه هذي الشيلة الشيات عليك..!
والخبر اليديد .. مو الحين هو بينا .. عن العود..!
يوم راح مع حرمته الـ / يديدة ..!
غااااااااااااااب العود ..( قلت شياب )..!
..(ديديه = جدتي ..، العود=جدي )..!
\
/
\
ومساء الزهر
تدري عاشق شو الحلو ..؟
أنه لهجتنا العامية مو على نمط واحد
بعمان تلاقي لهجات كثيرة باختلاف مناطقنا
ومعاني كثيرة
وطبعاً في ألفاظ دخيلة كثيرة
وهذا بروحه شئ رائع
تخليك تدش في قلب عاميتنا
والأحلى أنه أنك تستغل كل موقف
بـ / الكتابة مباشرة
وهذا إبداع
تقديري الكبير لك
حرف بلون جديد أحببته ...
واستمتعت بقراءته هنااخي
جميل أيها العاشق حرفك ..
أعجبني كثيرا ..
دائماتأتينا بما هو جديد ..
سلمت يداك ..
الذين يشاهدون الموضوع الآن: 1 (0 من الأعضاء و 1 زائر)