هلا بالأمبراطور بس اللي مستغربه منه كل هالإهتمام بموضوع أسمه حب
ترى يا خوي حددت أنت في الأبيات اللي قدمتها حب لا تحلم في يوم أنك تلاقيه
هاذا شي قريناه في القصص والروايات وما عدت كونها قصه ولا روايه
يا خوي الشي اللي يالس تتكلم عنه ضاع عنوانه وما صارله وجود ويكذب عليك واحد
إذا قال أنا بمقدوري أعيش شي مثله ترى يكون نايم في العسل ولا داري وأول ما ينتبه
طبعا كيف راح ينتبه أكيد لما تواجهه مشكله وشو راح يسوي يقفي عنه ولا داري ويرميه
طال عمرك بأول زباله ويقول مثل ما حصلته راح أحصل أحسن عنه إذا كان اللي قبل أصلا فيه خير .
لا تقولون أني أعمم هذا عالكل لا بس من كثر ما شوف ونسمع صارت موضه يمشو عليها كل بنت ولد .
إذا جيت تسأل عن هاذا إللي أسمه (حب) شوف الأم وخوفها على أولادها ولهفتها عليهم .
والأب اللي يكد بلا ملل علشان أولاده وهم ولا ساألين .
شوف الأخ وغيرته على أخوانه وحرصه عليهم
شوف الأخت إللي تتمني تكون نعم المثل لأخوانها وما تحب إنه صورتها تنهز جدامهم بأي تصرف بايخ صغير ولا كبير
وشوف وشوف وايد بتحصل منه هالشي في كل مكان تروحله وتمعن في نفسك زين وأسألها أنت أي واحد تفضل تكون
مثل هالأب ولا مثل هالأخ .
أما إللي تقصده إذا حصلت منه بيكون (مال قوم بو عبود ) ما منه فايده .
أقول كني طولت والجماعه الظاهر راح ينامون
أحسن أقوم أقلب وجهي وأشرد
لكن يتأكد الكل أنه لو فكر شوي بينه وبين نفسه بصراحه راح يحصل كلامي صحيح أو فيه شي من الصحه .
المشاركة الأصلية كتبت بواسطة كنوز
