قصة حب حقيقية 100% والي ما بيدخله بتفوته

[الحائره]

السلاام عليكم ..

حبيت احط لكم هذي القصة لكن شوي طويله بس بحطها على شكل اجزااء وانشالله تعجبكم .. ويا ريت يخلوون منتدى للقصص بروحه ..

قــصــة حــب حــقيقيــة 100%
( بشاير ) و ( علي ) اهم الشخصية الرئيسية فالقصة ..

فأيام ماكانت بشاير في سن ال17 .. تعلقت واااااايد في ولد عمتها ( نواف ) وحبته حب ماله اول ولا آخر .. وولد عمتها نواف اكبر منها بثلاث سنوات ..
وهو بادلها نفس الشعور .. فدايما ً كانت تدور أي فرصه تشوفه فيها .. ودومها مرتزة في بيت عمتها والسالفه
انها متخبله عالريال ..
وهو ريال طيب وعلى نياته .. وكفاية انه جماله وحسن سلوكه غطوا على شخصيته .. فما تنلام ليش انها حبته ..
لكن مثل ما يقول المثل .. الفرح يوم والحزن يدووووم ...
فيا اليوم اللي كبر فيه ( نواف ) وصار لابد انه يشتغل .. ففضل انه يسافر بعثة لبريطانيا.. و مع السفر كل شي تغير
دامت مدة سفره 4 سنين ... من عقب ما سافر .. اتصل لبشاير يطمنها عليه ..
اهو اتصال وااااااااحد وبس .. ومن عقبه نسى كل اللي كان بينهم .... كل شي .. لا خبر ولا حتى رساله تتذكره فيها
كل اللي عطاه لها صورته و كاتب عليها ( المغترب ) ..
تمر الأيام و بشاير بلهفة لنواف .. في خاطرها تسمع صوته .. تعرف شنو صار له ..؟ ليش كل هالغيبه ..
مرت سنتين على سفره .. و مثل ما يقولون اللي بعيد عن العين بعيد عن القلب .. لكن هالمثل ما آمنت به بشاير

ولا فكرت فيوم انها تنساه .. رغم كل اللي سواه وياها ..
كبرت بشاير .. وصار عمرها 19 سنه .. والكل طالبها ويبه يخطبها .. لكن الأهل مو موافقين ، والسبب ان البنيه متمسكة بولد عمتها ..

فبيوم من الأيام ..

ياها اخوها الصغير وبيده رساله .. المسكين مايدري شالسالفه و إهي اكبر وحدة فالبيت .. فناولها الرساله وقالها :
بثاير .. مادري ثفت الورقه هذي فوق الثطوح .. فيها كلام .. مادري ثو انتي اقري ثو مكتوب !!...

قرت بشاير الرساله واهي مصدومه ...
يا ترى شاللي كان فالرساله ؟؟ ومنو اللي كاتب هالرساله ؟؟ وشالسبب ؟؟
...........................

وكان مضمون الرساله وبدون تفاصيل .. ( يعني بالمختصر )
ان أهوا في خاطره يتعرف عليها اذا ما عندها مانع ... ما يبي يصرح عن نفسه .. بس يبي يعرف شنو رايها
و يذكرها بنفسه انه واحد تعرفه من أيام الطفوله ...
أيام ما كانت فالابتدائية ... وغيره وغيره ..
وكاتب لها أبيات شعر ... و في خاطره يردون للطفوله .. عسى ترجع هذيج الأيام الحلوة اللي كانت ...
فاستغربت ... معقووووولة ؟؟
منو هذا ؟ وشنو يبي ؟؟ ووووو
أسئلة اشكثر خطرت في بالها ..
فمن كثر فضولها ركبت للسطوح .. وشافت شريط ... و وياه رساله ثانية .. ومدون عالشريط رقمه
فشالت الرساله والشريط و راحت حجرتها واهي ماكلها الفضوووووول.. في خاطرها تعرف شاللي في الرساله
قرأت الرساله ..
وفيها أبيات شعر .. وكلام معسول يا عيني .. و كاتب لها انه يموت في حبها من زمان .. بدون ما تحس ..
سمعت الشريط ...
فيه اغاني .. بعضها لعلي بحر وخالد عبدالرحمن والباجي ... مادري بهم ..
فظلت دووووم تصك الباب على عمرها و تسمع الشريط .. حست باحساس غريب ..
في عمرها ما مرت بهالموقف .. ولا كان في بالها انها بتمر في مثله ..
وكالعاده ... اول من درى بالسالفه خواتها ... أهم ناس عندها بالدنيا .. و اعز ناس
في اللي اقترحت عليها انها تسأل عن صاحب الرقم .. واللي قالت لها هذي حركات شبابيه.. ناس ما عدهم سالفه..
أما بنت عمها .. فقالت لها عطيني الرقم وانا بتصرف بالباجي ..
لكن بشاير ما تامن لبنت عمها .. فرفضت الفكره
ففكرت وفكرت ...
لكن .. لشنو اتوصلت ... ؟؟؟؟


.
..
.
.
انتظرووا

تحيااتي

[عاشق السمراء]

مساااااااااء جميل ...

الحائرة اين هذا الغياب .. زمان ما شفنا مواضيعك .. !!

اهلا بقصتك الجميلة .. واحداثها المتواصلة ..
وفي انتظار بقية الاحداث .. !!

لا تتأخري علينا .. !!

[الحائره]

اهلا اخي عاشق السمراء كيف حالك على قولتكم (شو علموك) ما عليه طولت الغيبه اشوي لأني في فترة امتحانات الجامعه ( البحرين ) والله عاجبني نبض المعاني والمشاركين الموجودين فمن كذا شاركت

لك الجزء الثاني

فإهي حطت في بالها شخص معين .. من عيال الجيران ...
لكن اللي غير رايها .. انها الرسايل اللي استمر يطرشها لها يكتب في نهايتها اول حرف من اسمه ...
فعرفت انه مو اللي في بالها ..
فمع الأيام ... قام يراقب متى يظهرون الأهل من البيت ويستغل الفرصة .. ويتصل لبيت اهل بشاير
فدامها اهي اكبر وحدة .يعني اهي اللي بترد على التلفون ..
فرن التلفوووون ... تررررررررررررررن ترررررن !!!!!
وردت عليه بشاير ... :ألووووووووو
.........
تسمع صوت هادي .. و بالصعوبه تلتقط كلامه ..
ألوووو السلام عليكم
بشاير : وعليكم السلام والرحمة .. نعم أي خدمة اخوي ؟
؟؟؟ : أي خدمة ؟؟ والله انا مو متصل لكفتيريا والا مطعم والا ..
بشاير : لو سمحت حسن ألفاظك ، واذا متصل تبي اخوي .. تراه مو موجود وتقدر تاخذ رقمه من أي واحد
،، و ان كان في نيتك تأذينا ، ترى ما قولك غير ، استح على ويهك ، تأذي الناس .. ما عندك خوات تلمهن وتغار عليهن ،
ما عندك أهل يعلمونك شلون تتعامل ويا الناس ؟
وتصك السماعة في ويهه
في بداية اتصالاته المتكررة كان يختبرها ...
لكنها دوووم تصك السماعة في ويهه واول ما يوصلون اهلها تخبرهم عن السالفه ..
والوالد تظايق من السالفه ... و في خاطره يعرف هالريال ويسجنه بعد .. لأن اتصالاته اتعدت 20 اتصال في اليوم
ومسبب للكل ازعاج ..
لكن كل مرة يحاولون الأهل يعرفون هالشخص اللي مأذيهم ما يقدرون لأنه دوم يتصل من كباين ..( هواتف عموميه )
وفـي مررررة اتصل نفس الشخص ...
واللي ردت عليه ( بشايــر )
بشاير : ألووووو !!
؟؟ : يا مرحبا الساع والله ، يا مرحبا ببنت الحسب والنسب ، ويا مرااحب ملاييين ولا يسدن ..
بشاير : بدينا .. نعم ؟ خير انشالله ؟ منو وياي
؟؟ : اذا تبين تعرفين منو اللي يطرش لج الرسايل ... لا تصكين السماعة
بشاير : شنووووو ؟؟؟؟ منو انت ؟؟؟ وشنو تبي ؟؟ و أي رسايل
؟؟ : أقولج ، أنا انا نفس الشخص اللي يرسل لج الرسايل ..
بسسس اهو قال جذي ... عرفته على طووووول ،، لأنه عنده عقده فحرف الراء .. (غاء ) يعني اكيد فهمتوا
بشاير : منووووو ؟؟؟ علي ، قول ،، ليش ساكت ...
؟؟ : علي ؟؟ أي علي
بشاير : قول بكل صراحة ، الصراحة حركة مو حلوة منك
من بعد سكوووت طويل .. ردعليها وقال
؟؟ : والله لو أقولج شاللي في قلبي لج ، مستحيل تصدقين !
ما بجذب عليج وبدوخ راسج ، بس انتي تعرفيني زين ، و انا ما حب ألعب في ذيلي ،،، هيه انا علي
أنا علي اللي كنتي تسميني انتي والكل ( بالسفـــــاح ) ..
انا اللي كل ما تحرش فيج أي واحد من الفريج ألعن له خير ابوسلافه ..
أنا اللي كل ما شفتي فيلم تركضين وتخبريني ..
أنا اللي كل ما غلطتي وخايفة من اهلج .... تركضين لي وتقوليلي ...
انا اللي كل ما ألاقي وردة ....لازم اعطيها لج ..
انا اللي كل ما احلم حلم .... أخبرج فيه .. وما خبي عليج أي شي يستوي لي ...
انصدمت بشاير .. لأنه ذكرها بأشياء قديمة .. وناسيتها تماما ً و اهو ذكرها و رجعها لأيام الطفوله
بشاير : بس بس بس يا علي
بشاير : علي
علي : عيون وقلب وحس علي .. تامرين أمر .. شنو في خاطرج الغاليه؟
بشاير : لو سمحت علي .. هالكلام ما يمشي علي ... غزل وكلام فاضي .. انا مو البنية اللي انت تدور عليها
... صح اني أحس يمكن تكون صاج ... لكن دخيلك .. لا تجيسني ..
هذا شي راح وانتهى ... و انت كنت شي من الماضي ... شاللي رجعك ؟؟....
علي : لااااااااا يا بشاير شنو هالكلام .. انا لو ابي ألعب بذيلي أقدر ألعب على ستين وحدة ، لكن انتي غير
بشاير : علي اذا انت صاج في اللي تقوله ......... انسى .... انسى انك عرفتني في يوم ، أرجوووك
أنا أكبر من انك توهمني .. و تقص علي وفي النهاية تخليني متعلقه بأمل مفقود
علي : بشاير ...
أنا علي اللي كنتي تعرفينه وما تغيرت .. أحبج أكثر من أي شخص في الدنيا ،، انتي أهلي وناسي وكل دنيتي
بشاير : علي اذا صاج في كلامك ، لا تتصل بالبيت مرة ثانية ، لا تأذينا ، وانسى ان في حياتك وحدة اسمها بشاير
و السموحه يا علي طراااااااااخ
تصك السماعة في ويهه
ومن يومها ما اتصل ...
بشاير في الحجرة ويا خواتها ،،، بشاير : مرايم ... شنو تقولين الحين ، علي صج يحبني و ما يجذب علي ؟
مرايم : والله مادري عنه ،، ولادري اللي سويتيه فيه بيخليه ينساج او لا ..
كل اللي اعرفه انه كان شيطان على أيامج ... مادري عنه الحين يمكن عقل والله هداه
حصة : ريميه خلي بشوره على كيف كيفها ،،،،، تفكر في علي وناسية ولد عمتها نواف ،، اللي على قولتها تحبه
بشاير : حصووووه ،، تدرين ان نواف سافر ولا سأل عني ولا افتكر ، ما فكر يطرش سلام ويا خواته على الأقل
وانا أحبه اي احبه ، سوي نفسج مكاني ،، شنو بتسوين ؟
حصووه : والله انا واللي علي سويته .. قتلج خلج منه ...
بشاير : اوكي فيج الخير ،، زين سويتي يالله سكتي ..
حصه : ههههههههههههه أتشغمر وياج ... بس صج حسيتج مهتمة فيه .. غريبه..مو من عوايدج
بشاير وعلى وييها ابتسامة : انتي ما تيوزين عن سوالفج .. مو مهتمة ولاشي .. مو فاضيه لمزاحج حصوه ..
أفكار بشاير متشتته ....
شاللي بيصير يا ترى .. وهل بتظل بشاير على هالحال ...
وهل علي بيقطع اتصالاته وبينسى ؟ هل بتظل بشاير على حب نواف .. او ...

.
.
.
.
. الجزء الثالث


ومر جم شهر على السالفه ..
فـي مرة كانت بشاير ظاهره رايحة السوق ويا خالتها و خواتها وبنات عمتها .... يشترون اغراض
تدرون بعد البنات وسيراتهن للمراكز ما تخلص ..
وفجأأأأأأأأة
يررررررررن موبايل بشاير ... شافت الرقم ....!! ما عرفته ؟؟ غريبه هذا رقم منو
بشاير : فصوووووول ، دخيلك شوف لي هذا رقم منووو ؟؟ ---> > > فيصل اخوها الأصغر منها بسنه
فيصل : ها شنو رديتي عالمكالمة ؟؟
بشاير : لا تخيل ،، رقم ما عرفه ...
اوكي لحظة شوي .. الرقم مو غريب علي ..... شايفه وييييييين ؟؟ ويتصل فيصل على الرقم
فيصل : ألوووو ، مرحبا
علي : اهلين وعليكم السلام
فيصل : صوتك مو غريب عليّ ... الشيخ اعرفك ؟
علي : ههههههه ربيع عمرك يارياال وناسي صوتي .. مو انت فيصل ... أمس كنت وياك في الكافي
فيصل : اهااااااااااااااا ... علي
و فز قلب بشاير يوم اسمعت اسم علي ... وادور في بالها أفكار وأفكار
و اول ما خلص اخوها من المكالمة سئلته ..
منو هذا ؟؟؟ وكيف عرف رقمي ؟؟ وشنو يبي -------> > > كلته ..
فيصل : أخت علي ولد اييراننا تعرف رقمج .. ؟؟؟
بشاير : والله مادري عنها .. يمكن أحد قالها من رفيجاتي ... ليش ؟؟
فيصل : لا أبد بس يقول انه شاف رقمج في موبايل اخته ... فحب يتأكد اذا كان صج هذا رقم بنيه ..
بشاير : اهااااااااا .... عيل دامه بيسوي ويا كل وحدة من رفيجاتها هل الحركة عزى الله طاحن فيها ربيعاتها
وتضحك .....
بس ظلت تفكر في السالفه ... معقوله ... اخته اشلون يابت رقمي ؟؟ وليش يتصل على رقمي بالذات ..
الله يعين شاللي بيصير ..
بس في اعتقادكم شاللي بيصير ...
وكيف علي أخذ رقم بشوووورة ؟؟

كل هذا بتعرفونه في الجزء الرابع

[عاشق السمراء]

مساااااااااء جميل ...

جميل هذا التشويق في القصة اختي الحائرة ..
في انتظار التكملة .. !!

[درب الحزن]

مشكوره ياأختنى الحائره على القصه
لكن أنتضر البقيه بفارغ الصبر وأرجو أن تسرعي

وتحياتي الحاره

[الكاسر]

اممممممممممممممممممممممممممممممممم



بليززززززززززززززززززززززز





الحائره كملي القصه....




بصراحه قصه حلوه وتصير بالحقيقه........




ننتظر منك التكمله بسرررررررررررررررررررررررعه




وشكرا لك الحائره

[الحائره]

مرحبا اخواني شو علومكم





هذا الجزء الرابع :
--------------

يوم خلصوا الجماعة من الدواره على المراكز .. راحوا ياخذولهم عشى لانهم اتاخروا عالبيت واااايد
في رجعت بشاير للبيت ... وودها ترتاح ...
تعشت وحطت راسها عالمخدة ... وفيها نوم الدنيا كلها ....
شوي ويدق موبايلها ...
بشاير : لا حوووول الله ... الساعة 2 الفير ... أحد يتصل بهالوقت ؟؟ ناس فاضيه –----< < مشكلتها اهي ما سكرته
بدون ما تنتبه للرقم : ألوووووووو
صوتها رايح ... خخخخخخ
علي : سلام عليج الشيخة .. ها شنو نايمه ؟؟
بشاير : علي .. وعليكم السلام ... كيف تتصل بهالحزة ... انت بعدك ما بتتوب ؟؟ تدري اني ما في خاطري أكلمك ..
وكلامي اللي قلته لك قبل كان جازم و كنت صريحة فيه ليش رجعت لي مرة ثانية ..
علي : بشاير ... حبي لج أكبر من اني انساج .. النسيان صعب تعرفين شنو يعني صعب .. اللي يحب صعب انه ينسى 00 النسيان مو سهل يا بنت الناس 00 اذا ما في قلبج أحد بادليني الحب 00 انا في امس الحاجه لج 00 والله أحبج ومحتاج لج 00
أنا أحبببببج أحبببببببببج واموووووووت فيج بعد والله .... بس محتاج فرصة أخبرج و تفهميني ..
بشاير : الكلمة هذي كبيره في معناها يا علي ... انت حاس باللي تقوله عــ ويقاطعها هني علي ويقول
شنووووو حاس باللي أقوله ...؟؟؟ اقولج انا احبج وانتي أعصابج باااااااااردة ... انتي تعرفين معنى الحب ؟؟
كيف تبيني أبرهن لج عن حبي .... مستعد لأي شي تقولينه
بشاير : سم بالرحمن وحط راسك ونام يا علي ... انت اللي تسويه اكبر منك ... واللي بتتعرض له مع الأيام استحاله تستحمله ... كل اللي تسويه غلط بغلط بغلط يا علي ... انا بنت ناس ولي اهل .. والحمدلله عايشين ...
و انسانه عاقله عارفه الصح من الغلط فدخيلك سكر عني و انسى ...... انسى انسى ...
علي حز في خاطره رد بشاير عليه ....
لكنه ما يأس وحاول وياها .. وبرهن لها عن حبه .. بكل الطرق ...
وفي كل يووووم لازم يتصل علي على موبايل بشاير .. لازم كل يوم كل يوم .. ما يعدي يوم .. لكن بشاير معانده .. ما ترد عليه
والمسكين عقب ما يتعب من كثر اتصالاته يطرش لها مسجات .. يقول في خاطره على الأقل تتذكرني بشي حلووو حتى وانا مو في قربها..
الصبــــــــــــــح .. الساعـــــــــــة 8
قعد علي من نومه ... على رنين موبايله ...
منوالمتصل ..؟؟ فيصل
علي : ألووووووووووووووه هاااا
فصيل: بسم الله الرحمن ... !! خالتي .. آسف عالازعاج .. الظاهر غلطان بالرقم
علي : شنو غلطان بالرقم يا ريااااال .. تتطنز حظرتك
فيصل : أوووووووه .. والله تحريتك يدووووه ... بس نسيت انها متوفيه ...... الله يرحمها
علي : هااا شنو رحت الاتصالات
فيصل : الاتصالات ؟؟؟؟... تراها خايسه خايسه .... يا ريال قوووم ورانا طريج ... قوم وغسل ويهك واتسبح لا تقعد تهلوووس
علي : هاااا ؟ اوكي .. بس بو صلوح اتصل فيك أمس
فيصل : يا ريااااااااااال هههههههههه ما قلت لك سالفته .. والله فشله .. هذا محد يوديه المارينا .. بعدين بعدين أهم شي الحين
روح اتسبح .. وتعالي .. انا بيي وباخذك .. بس هااا لا تتأخر
علي : اوكي ..
نزل علي من الطابق الثاني من عقب ما تسبح و تكشخ وراح جدا صورة امه ... باسها وفي قلبه حزن .. يذكر انه كل ما يبيه يظهر مكان
يستأذنها.. و تحلف عليه ياكل قبل لا يظهر .. ويبوسها على راسها .. وايدها .. وتدعيله ...
علي : آآآآآآآآآآآآآآآآه ............. وين زمانج يا امي .. والله وحشتيني ... الله يرحمج ويغمد روحج الجنه ..
ظهر علي ويا فصيل .. وباله كله مشغووول ببشاير .. و يطرش علي مسج لبشاير ..
فيصل : علوووه ؟؟ اشفيك ساكت و تتعبث بالتلفووون .. سولف .. انا بروحي ظايق خلقي ..
علي : يا حظك .. دومك مستانس وماخذ الدنيا بمشراع وميداف ..
فيصل : هيه والله ....... بس الله يغربل فطوووم لا تتصل ولا تطرش مسج ..
علي : ونوروه
فيصل : تدري بعد .... خلاص شنو ابي فيها ... خاينه ووحده الله لا يبليك فيها
علي : و ريموه و بدروه و ايمان ؟؟ الظاهر صاروا قدام
فيصل : اسكت ... ذكرتني باللوعا ... يا ريتني ما قلت لك تكلم
علي : فيصل .. احس اني تعبان .. من أمس و أنا بطني مو بخيييير .. ( علي ويا فيصل ويا الشباب )
علي : يا جماعة انا اترخص ... أحس اني مو صاحي
بوصلوح : وين رايح يا بو الشباب .. انت خلك ريلاكس وكل شي بيكون تمام .. ....... لكن انت زرعت في نفسك هالشي ..
علي : زرعت في نفسي ؟؟ شنو ؟
بوصلوح : شنو بعد !! انك مريض ..
علي : هههههههه ما عندي سماد أزرع ههههه مسوي عمرك فيلسوف
بوصلوح : أوكي الشيخ مرخوص .. بس داري على عمرك وانت تسوق شوي شوي .. لا تدعم لنا شبه والا ادش في الرصيف
اعرفك ترا .... لازم كل اسبوع حادث
علي : ههههه شنو قالوا لك اني بوصلوح نمبر 2
راح علي .... ظل طوووول اليوم وهو يمشي فالسيارة ... ويتسمع اغاني علي بحــر ... يموووت في أغانيه ... مجرد ان الماذن يأذن
على طوووول يروح علي للمسيد .....
مرت الساعات و علي يتمشى بالسيارة .. ناسي نفسه ... ناسي كل شي .. حتى البيت ما دله .. الظاهر نساه ..
مرت الساعة 8 العشى .. 10 .. 1 .. واهو طول الوقت .. يتصل لبشاير .. يطرش مسجات .. لكن ... بلا جدوى
مرت الساعات .. و اهو يتمشى .. عقبها راح للبحر .. الظلام يخيم عالمكان ... لكن ضوء القمر محلي المكان .. و صوت علي بحر و النغمات
الهادية تاخذ تفكير علي ..... لأبعد مكان ... مكان ما يعيشه غيره اهو و حبيبة عمره بشاير ..
فكر علي بعمق .. ويسأل نفسه مليووون مرة ... بشاير تحبني ... او لا ... في قلبها احد غيري ؟؟ وين بتحصل انسان يحبها كثري ويييين ؟
اشمعنى قلبي تعلق فيها اهي بالذاااااااااات من بد كل هالبنات .... ؟؟؟ أنا البنات يترجوني ... أتصل او اعطي وحده فيهن ويه
.......... و المخلوقه الوحيده اللي تصدني ............ قلبي يبيها ومتعلق فيها ..
ويقطع حبل أفكاره .... اتصال ..
فيصل : الوووووو
علي : هلا هلا بحبيبي
فيصل : وينك يا ريال لا اتصلت ولا سألت عنبوك .. قلت يمكن صار فيك شي ... والله اني طول الوقت احاتيك .. علاوي .. بتروح باجر
المارينا مووول ؟؟
علي : لالالا ... مو قادر .. احس .... مو قادر .... أحس
فيصل : بتم على هالموال ؟؟ احس احس ... كلها احاسيسك خرطي .. بس لا تحس
علي : ههههههه يا ريال ... والله تعبان .. مادري اشفيني .. بطني واااايد يعورني ...
فصيل: اوكي .... انت مع ويهك ويه طلعات .. مادري اشفيك انت مو عاجبني أبد .. متغيييييير .. مو علي اللي كنت اعرفه
علي : ما علينا .. اهم شي انك تهتم بنفسك .. وسلم عالجماعة باجر ... الظاهر اني ما اقدر أمر
فيصل : مسموح يالطيب .. اهم شي صحتك .. واذا في خاطرك شي .. فما عليك غير انك ادق ..واحنا حاظرين وفالخدمة
ومرت سنة تقريباً على كل هذا ،،،
وفي يوم من الأيام ، قعدت بشاير قعدتها المعتاده عالنت ..
وفتحت مسنجرها وايميلها ....
وتفاجأأأأأأأأأأت ........ ؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟
من شنو تفاجأت بشاير ؟؟






وهذا الجزء الخامس ..


تفاجأت بشاير ان ولد عمتها نواف مطرش لها رسالة عالايميل .. وطبعا ً كلها مكتوبه بالانجليزي
Hi DEAR :that's me
How are you ?? ana el7emdelellah tmaaaaam ow enty wen ma tseleen ?
Elmohem deer ana raje3 elkuwait yooom elym3a enshalla .... slme slme
Babaaaaaay
ويوم الجمعة قريب وما باجي عليه شي ...
مو عارفه بشاير شتسوي .... نواف رجع ... مع انه ما فكر فيني قبل ليش ؟ انا شنو سويت له ؟؟
فـي يوم الجمعة ... رجع نواف من السفر ... من عقب 4 سنين ...
راحت بشاير واهلها بيت عمتها ...
شافت نواف... متغيييير 360 درجة .. مو بس شكلا ً حتى تصرفاته مو مثل قبل ...
تغيير وايد .. مو مهتم لها .. أبد
حتى علي .. مهتم بها أككككككثثثثثثر من نواف .. بس فوق كل هذا ... الحب الأول استحاله يتعوض بأي حب
بشاير : هاه نواف... متغير واااايد ...
نواف : لا متغير ولا شي ... انتي اللي كبرتي وااااايد ... واحلويتي اكثر
بشاير : نواف ... شاللي غيرك .... انت منت الأولاني ..
نواف : صرت أشوفك شخص ثاني .. انت متغييييير حبيبي .. انت منت الاولاني
بشاير تنزل راسها : أنا جاده يا نواف ...
نواف : أقول بشاير .. أنا مشغول شوي .. بروح أقعد ويا الأهل .. أجلي هالكلام الفاضي لوقت ثاني
بشاير مستغربه من ردة فعله : كلام فاضي ؟؟؟
نواف : .... بشاير ... أشوفج على خير
-----------
.. المهم لاحظت بشاير ان علي قطع اتصاله بها .. عالأقل كان متعود يطرش لها مسجات .. لكن هاليوم .. ليش ؟
اكيد فيه شي ...
فيصل وهو صاعد لبشاير للطابق الثاني .... بشايرووووووووووه .... بشوره يالله خلصيني فتحي الباب ..
بشاير : زييييييين لحظة ...
فيصل : بشاير لو سمحتي ممكن سيارتج شوي ؟؟
بشاير : غريييييييبه اول مرة تستأذن
فيصل : هههه ترى هذي اول مرة أستأذن وآخر مرة بعمري كلللللللله
بشاير : بس انا عندي مشوار ..عندي شغل بروح وبخلصه ...
فيصل : اوكي .. بس على شرط انا اللي بسوق.. بروح القهوه شوي باخذ شي ناسيه ويا واحد من الشباب وعقبها بروح المطعم باخذ لي والربع
اكل .. وعقبها .....
بشاير: لاااااااااا والله طرار ويتشرط ما خلا مكان ما قلت لي بروحه ... و انا ؟؟ مشواري
فيثل : خليني اكمل ... ... وعقب ما اخلص نزليني المستشفى .... اخذي السيارة وروحي فيها ..
بشاير : المستشفى ؟؟ خير اللهم اجعله خير شنو صاير ؟؟
فيصل : ولا شي .. بس خبرج علوووه ولد الجخ ... مريض وحالته لا تسر لاعدو ولا صديق ...
بشاير : الله يكون في عونه .. يحليله محد مداري عالبيت وخوانه غيره ... الله يعافيه انشالله
فيصل : يالله .... في الرجعة اتصلي فيني اوكي
... ظل بال بشاير مشغووول على ... علـــي .. الانسان ..اللي بالنسبة لها غير عن كل الشباب ... راقي .. له أسلوب حلو ..
وقلبه احلى .... حاولت تتجنب هالأفكار اللي تطري على بالها .. حاولت تخفي اهتمامها بعلي .. وحزنها على مرضه ..
لكنها ما قدرت ... لأنه غييير .. غييييييير ...
بشاير في خاطرها : شنو هالغبااااء .. انا عندي نواف ... وليش أفكر بعلي ؟؟ نواف وغيره محد في قلبي ... هو الحب الاول والاخير ..
اهم يومين على هالكلام اللي صارت بينهم ... واتصل فيها نواف
نواف : بشاير .....
بشاير : هلا نواف ... هههه غريبه .. الحين فكرت تسأل
نواف : يا آنسه بشاير انا ما بطول في كلامي ولا بلف وبدووووووور مثل ما تسويين انتي
بشاير واهي متخرعه ....
نوااااااااااااف .... لو سمحت حاسب على كلامك ..
نواف : بتلعبين لعبي على غيري يا آنسة ... أنا أكبر من انج تلفين وتدورين علي ...
أدري بكل تصرفاتج .. تحسبين اني سافرت خلاص يعني ..
صدقيني أنا ما بحاسبج على شي لأني أساسا ً لغيتج من حياتي .. انتي من حياتي انتهيتي ومن زمااان .. ويأسفني اني أقولج واعترف لج .. إني ما حبيتج بالأساااااااااس .. صج والله ما حبيتج .. كنا صغار .. نقص على اعمارنا .. اصحي يا بنت النااس
.. بس بقولج الله يهنيييييييييج ويا حبيب الروح
بشاير : شوووووووووه ؟ كييييف ؟؟ نواااااااااااااااااااااف ؟ هذا استحالة يكون كلامك .......
اذا انت اقرب الناس لي وحبيب عمري وقلبي ......... تقول هالكلام بكل سهوله ....
وللحديث بقية ... بس يا ترى
شاللي اكتشفه نوااااااف !!
وليش معصب عليها ؟؟ يعني معقوله عرف عن سالفة علي ؟؟؟
تهقون درى ؟؟؟
يمكن تكون السالفة اكبر من جذي ....
من يدري

بس أقولكم ... بتعرفون في الجزء السادس بأذن الله :confused:

تحيااااااااتي ..</B>

[الكاسر]

اممممممممممممم



الظاهر بنجلس نترجالك يالحائره هههههههههههه



يالله بسرعه حطيه الجزء السادس هههههه




متشوووووووووووووقين

[الحائره]

مســامحه على التــاخيــر .. المهم

اكمل لكم القصة ..

الجزء السادس والسابع ..

وهذا الجـــــزء الســــــابع

واستمر نواف يجرح بالكلام .. وبشاير ساكته تسمع لكلامه ..
ومن عقب ما خلص .. قالت له : خلصت كلامك ؟؟
نواف : لا ما خلصت ... ،، لا تقولين اني اعاتبج لأني احبج !! لااااااااا وستين غلطانه بعد .. أنا أعاتبج لأنج بنت خالي.. وبمثابة الاخت لي
.لا اكثر ولا أقل ..........لكن ............... . منو الشخص اللي تكلمينه ؟ من دبي ...
بشاير : من دبي ... مادري والله ولا عرف عنه شي ....
نواف : بسسسس .. توقعت ردة فعلج .. لكن .. يأسفني اقولج هذا آخر اتصال .. وبعدين مافي مجرم بيعترف بجريمته بكل سهوله ..
بس لاتنسين ........ اني ما حبيتج من الأصل .... ولا يهمني شنو مكاني في حياتج .... او... موقعي من الاعرااااااااب ... مادري هذا الثالث والا العاشر اللي تكلمينه .... الله يستر بس ... وما خفي اعظم ...... هه هه ... يأسفني انج بنت خالي
بشاير وهي تبجي من خاطرها وفي قلبها حسراااااااااااااات على العمر اللي ضاع وياه هدر .................. : اوكي يا نواف ... اخذ راحتك
.. وقول اللي في خاطرك ... بس لا تنسى ان بشاير حبتك بصدق وامانه ..
لا تنسى بنت خالك اللي عاشت أحلى أيام عمرها وياك .. أنا اللي المفروض اقولك ... الله يهنيك في حياتك ..
ودعت الله ....
و اول ما سكرت ... اتصل بها علي عقب 5 دقايق تقريبا ً ..
ترددت بشاير ترد او لا ...
بشــــــــــاير : الوووه ... ه ... ه
علي : مرحباااااا ومليووووووووووون مرحبا... شلوووونج ؟
بشايــــــــــــــر ساكتــــــــــــه
علي : ألوووو ..بشاير.. حبيبتي ........؟ حبيبتي ردي .. ألو ..
بشاير : هلا علي
علي و أهو خايف : بشاير .... اشفيج ؟؟ شنو صاير ... زعلانه ؟؟ في حد زعلج ؟؟ صار لج شي

لحظة صمت

علي : بشاير ردي أرجوووووج لا تذبحيني ، خيييير اشفيييج ؟؟؟؟؟ ...
بشاير : ولا شي .. بس أنا جم مرة قلت لك لا تتصل .. أرجوك أنا بغنى عن المشاكل اللي فيني كافيني
أرجوووووووووووووووووووووو
ووووووووووووووووووووووووو
وووووووووووووووك
علي : أفاااااا ....... ليش ؟؟ الحين انا بسبب لج مشاكل .. والله ما توقعتها منج
بشاير : بصراااااااااحة ... أنا أحب ولد عمتي والظاهر انه ما يحبني ..... تشهق وتبجي من خاطرها
علي : اشلون ؟؟ تحبينه وانا آخر من يعلم ..
بشاير : والله ما في خاطري أجرحك .. أرجوووووك تفهمني
علي : بس انا احبج وانتي تدري من زماااااااان ....
تبجي بشاير
علي : حبيبتي ،،،،،، على شان خاطر علي هدي اعصابج ، والله الدنيا ما تستاهل ،، بسج بجي
دموعج غالييين علي ،، على شان خاطري بس..
بشاير : انشالله يا علي ... صج انك ولد حلال وقلبك كبير .. أدري صبرت علي وايد ...
علي : حبيبتي انا مالي احد أغلى منج .. من عقب عيون الوالده الله يرحمها .. انتي الوحيده الغاليه
... تاخذ نفس عميق و تقول ..
بشاير: زين علي .. ليش كل اللي نتمناه ما ناخذه ؟
علي : هاه ... شسؤال الصعب .. بس اتوقع انج راح تعرفين اجابته مع الأيام ..
علي : بشاير اذا انتي خايفه على مصلحتج ... لا تفكرين بنواف .. مجرد التفكير بس .. ترى والله بزعل .. كفاية انه نزل دموعج
ودموعج بالنسبة لي أغلى من الدنيا ما فيها ... اغلى من الماس والذهب .. وحرام واحد مثل نواف ينزلها من عيونج اللي ما قول عنها غير عيون غزلان .... خلينا من سالفه ولد عمتج .... المهم
علي : بشاير حياتي.. حبيبتي .. اذا اخذتج انشالله ... شنو في خاطرج تسمين النونو ؟
بشاير : ههههههه مو جنك مستعيل وااايد ؟؟ تتكلم عن العيال مرررة وحده ..
علي : علشاني ... على شان عيون علاوي جاوبيني ..
بشاير :اممممم .. اذا كانت بنيه ...بسميها حور ... واذا ولد ... محمد او احمد او حمد
علي : اممممم حلو .. و انا يعني مالي راي ؟؟
بشاير: هههههههههه انت اللي سألتني بعد شنووو ؟ هههه ، والله فيك الخير يا علي .. رجعت لي البسمه
واستمرت المكالمة أكثر من ساعتين
و مع مرور الأيام .. حست بشاير ان قلبها يميل لعلي .. واتمسكت فيه اكثر واكثر
وما يمر يوم دون ما تسمع بشاير صوت علي .. وعلي وعد بشاير انه يخطبها .. بس تنطره جم شهر ..
وما عادت بشاير مهتمة بنواف ... لان اللي سواه وياها مو شويه ..
لكن قبل لا تنهي علاقتها بنواف ..
حطت في خاطرها انها تاخذ جزء من حقها على الأقل ... لأنها اعرفت انه يكلم رفيجتها .. و يعشق بنت عمها
اللي بكككككل وقاحه ... تقربت من نواف .. و خذته من بشاير ..
واللي شلل أفكار نواف و دس فيها هالسوالف ما كان غييييييييير .... ( آمنه ) بنت عم بشاير ...

-------------------- فـــــــــــــــــي حجرة بشـــــــــــــــــايــــ
ـر ----------------------

بشاير قاعدة عالكمبيوتر ... وفاتحة ايميلها .. تبي تطرش لنواف رساله
وتغني بأعلى صوتها ....
( لا يــا قلبــي لا اتكلم .... لا يــا قلبـــي لا اتــــألم ... هذا هو اللي تحبـــه .. لو نسيته .. آآآآآه لو نسيته كان أرحم )

وتدخل عليها امها ...
بشاير يا يمه اشفيج .. صوتج واصل لآخر الشارع ..
بشاير : لا ولا شي يمه ... بس كل اللي في السالفه ان بنت عمي أمووون خذت مني نواف .. وسممت له أفكاره
و أمس اتصل فيني يشتمني .... ويجرح فيني ...
هذي يزاي يوم اني رفضت كل واحد يتقدم لي على شانه .. هذي يزاي يوم اني ضيعت وقتي وعمري و انا أسأل عنه ..
ومتعلقه في حبه ... والدموع ابتدت تتجمع في عيونها ..
أم بشاير : أموووون هذي ما غيرها ... يعل ربي ينتقم منها ... و انا أقول في خاطري ليش كل ما أروح بيتهم ما تقعد مثل قبل ..
لانها كانت دايم تسألني عنج .. و اطرش لج سلام .. و الحين ... ما عليج منها يا يمه .. ولا عليج من نواف
مليوووون واحد من امثاله وأحسن بعد يحبون التراب اللي تمشين عليه .. هوني عليج يا يمه ..
و قعدت الوالدة ويا بنتها بشاير ... و هدتها و خففت عنها .. وعقب راحت
وهني قعدت بشاير تلتقط انفاسها .. وتستعد لكتابة الرساله لنواف .. اللي بطرشها له عالايميل
فيا ترى .. شنو بتكتب بشاير لولد عمتها ؟؟؟
وشنو في خاطرها تسوي ..
شنو المصير ؟؟



وهذا الجزء السابع

الرساله :
السلام عليكم والرحمة
هلا نواف .. شلونك ؟؟ أكيــد بخيييير و بألف صحة وعافيه دامك في أحضان أمووونه ...
ما في نيتي اخرب سعادتكم مع بعض .. بس في قلبي جم كلمة في خاطري أبوح عنها وأريح ضميري
أدري ان الحجة اللي ابتكرتها على شان تتخلص مني ... ما أثرت فيك .. لكنها أثرت في قلبي وحياتي
اللي أرخصتها لأجلك وانت والله ولا مهتممممم ... يا خسارة والله ... خسارة وقتي وعمري اللي ضاع وياك .. ويا انسان
ما عرف غير حب نفسه .... وحبه لهالدنيا واللي فيها .... كلامك اللي تفضلت فيه كان أقوى من طعنات السيف في صدري ..
ولا ولا حسيييييت بتأنيب الضمير .. واللي ما يأنبه ضميره مستحيل يكون انسان ... لا تستغرب من كلامي .. بس من حقي
و انا بدعيلك ان الله يسعدك في حياتك .... و تلاقي الانسانه اللي تسعدك .. وتصبر على العيشه وياك ..
خســــرتك ... !! مستحيل أصدق اني خسرتك .. بعد ما كنت احارب العالم عشانك ..
خسرتك وبكل جدارة .. وخسارتي لك بسبتك ..
فضلتها علي .. حبيتها وتركتني مخدوعه و أعانـــي .. هجرتني يوم اني بأمس الحاجة لك ..
خليتني بدمعي و احزاني .. متمسكنه الآلام في ضلوعي .. سهيرة الليالي بلا من يواسيني ..
شنو الذنب اللي اقترفته ؟؟ شاللي اخطيت فيه؟؟ انـــــــــي حبيتك بأمانه ؟؟؟
ما اظن ارتكبت ذنوب غير هذا .....
قلبي بذاته حبــّــك ... اشلون أمنعه ؟؟
كيف امنع القلب يحب .. وهو مخلوق للحب ..
مشكلتي في اختياري ... حبيت لي واحد أناني .. زيف احساسه بحبي .. ما عرف معنى مكانه ..
لكن أعاهدك بحبي وحياتي وبكل معاني الصدق ... اعاهدك وربي يشهد علي .. أوعدك انا انساك
و أقتل شعوري اللي انغرس في صدري وفي الخفوق .. و أمحيك من حياتي وذكرياتي .. بمحيك و امسح كتابات القلم .. وما سطرت بالاوراق
ببدا حياتي من يديد من غير أي هم او أي ألم ..
بس ما اخبي عليك شي ..
بتبقى لي ذكرى وحيدة .. ذكرى مستحيل انساها
إنــــــي خسرتـــك
....
أرسلت الرساله وريحت ضميرها ..
و ابتدت حياتها من يديد .. مع علي .. اللي ما حطت في بالها انها ترجع له او تكوّن وياه أي علاقه
لكن في سنة 2002 يعني قبل سنتين ... صار شي .. ماكان في بال ولا في خاطر أي حد من اهل بشاير
تدروووون شنو صاااااااااااااار ؟؟؟؟؟؟؟؟؟؟؟



اتقدم نواف لخطبة بشاير .... والكل منصدم ..
مع ان اهله قبل كانوا يحاولون وياه بكل الطرق انه يرجع لها .. ويخطبها لكنه رااافض الفكره .. بس شاللي رجعه
لبشاير ... كان يحب أموووونه على قولته ... وكان حاط في باله ان بشاير تكلم واحد من دبي ..
ليش شاللي غير تفكيره ؟؟؟ الله أعلم ..
بشاير ... ما وافقت ...عليه ...
اهلها استغربوا ...؟؟؟ ليش ... يدرون باللي صار بينهم بسسس ما توقعوا منها هالشي ..
لكن بشاير أصرت انها ترفض ..
و قالت لاهلها أنا ما أبيييييييييييييييييييييييه
مستحيل اني آآآآآخذه ..
و في نفس اليوم
------------------ في العـــــــــصر -------------------

ياها أخوها فيصل ...
فيصل : بشووورة حبيبتي باجر الصبح بروح معرض السيارات والله محتااااار في خاطري أخذ مرسيدس ام عيون
وفي خاطري بي ام ... شنو رايج ..؟؟
بشاير : والله مادري عنك ... بس البي ام هذي كشششخة وزقرتيه ... ما يركبونها الا الشيوووخ طال عمرك
فيصل : هيه والله صجج .. بس لازم تمدحينها دام عندج بي ام ..
بشاير : هههههههه والمرسيدس بعد زينه .. خصوصا ً انك على ويه زواج .. جذيه ما تخطب وترتاح من اللف والدواره في المراكز والتسكع ويا الشباب اللي ما ينفعونك بشي ؟؟؟
فيصل : شنوووو وين تبين انتي .. مينون انا اخطب .. لالالالا خليني بعيد عن هالسوالف احسن .. تعالي بشورة على
سالفة الخطبه جذيه ما تبين نوافوووه ؟؟... ماشالله عليه مافيه شي ..
بشاير : فصووول .. السالفه هذي انتهينا منها من زمان وانت تدري باللي صار بيني وبينه ..
فيصل : أدري بشورتي بسسسس ... أمووون ما تسوى ظفر من ريلج حبيبتي .. وبعدين دامه خطبج يعني شاريج ويبيج ..
بشاير : أنا نسيته خلاص .. ما عاد له أي أثر في حياتي
فيصل : بشاير .. مهما لفيتي ودرتي .. انا أدري انج تحبين علي .. صح
بشاير مرتبكه ..
فيصل: انا أدري .. لا تحاولين .. شفت اتصالاته فيج .. وشفت ردة فعلج هذاك اليوم اللي اتصل فيه حزة ما كنا في السوق .. ووووو لو اعدد لج ما بخلص .. وباختصار أدري فيج وانتي اختي
بشاير : كل هذا تعرفه من وراي .
فيصل : ههههههه والله لو ما الولد ولد ناس و أصول .. ورفيجي الروح بالروح وادري انه انسان محترم... والله ما سمحت بهالشي
لانه اذا يبيج .. صدقيني بإمكانه ياخذج .. لكن لا تتحلمين ...
تدرين ان اهلي ما بيوافقون ...
بشاير : لييييييش ؟؟؟
فيصل : تسإليني ليش وانتي تعرفين .... تدرين انه يوم صغير كان اكبر سفاح في البلاد .. وغاوي مشاكل
بشاير تقاطعه : لكن اول غير والحين غير .... ادري فيك تبي تدهن سيري وتقربني من نواف... لا ما ابيه فصووول..
فصيل : بالنسبة لنا تغيييير .. لأانا عرفناه ... لكن أهلي ... بتظل الفكره راسخة في بالهم ..
يا بشاير خلاص ... انتي مالج غير ولد عمتج ..

وتمت بشاير تفكر في كلاااام اخوها ..
والعشا ... عقب ما خلصوا من العشى ....
طلب الوالد يشوف بشاير .. ياته ..
بشاير : هلا يبه ... طلبتني
الوالد : قعدي يا بنيتي ...
بشاير : خير ابويه في شي ؟
الوالد : انتي كبرتي يا بنتي .. دشيتي الجامعة .. ودخلتي تخصص زين .. وشرفتينا كلنا ... و انا مستانس فيج .. انتي البنيه اللي حلمت بها ..
كبرتي على ايدي .. وعلمتج وما قصرت عليج بشي
بشاير : و انا أشكرك من كل قلبي يا يبه ... والله انت تاج راسي
الوالد : بنيتي ........................................... بخصوص ولد عمتج ... حطي في بالج يا بنتي انج كبرتي .. والكل طالبج ويبيج ..
لكن مالج غير ولد عمتج .. محد بيخاف عليج أكثر من ولد عمتج .. ومثل ما يقولون الأقربون اولى بالمعروف .. و انا ما أقدر أرد عمتج .. تعرفين شالمشاكل اللي بتيينا اذا رفضناه ... انا بوافق يا بنتي .. وانتي فكري وردي علي .. مالج غير ولد عمتج .. مالج غيره

عقب ماخلص الوالد كلامه وياها ...
ركضت بشاير على حجرتها وصكت الباب وراها بقوووه ... وكالعاده ... ابتدت تبجي
دخلوو عليها خواتها .... كل وحدة تحاول تواسيها و تقنعها بالفكره .. كل وحدة تحاول تخفف عنها
فدخلت عليها امها ... و ركضت بشاير وحضنت امها ... كلمتها الوالده عن الموضوع و الكل أقنعها انها تاخذ
ولد عمتها ..
لكن بشاير ما تبيه .... كفاية انه اعترف بانه ما حبها بالأساس .. الحين يبيها .. عقب ما قلبها صار للغير .. عقب ما زيييف احساسه ..
وعيشها بدنيا كلها اوهام ... كانت تحبه ... بكل صدق تحبه ... لكنه تركها بالرغم من انها بامس الحاجه له ... كانت تبيه قربه ..
تريد الانسان اللي عاشت سنيــــــــــن واهي تتنظره ... وفي النهاية يقولها وبكل سهوله .. كنا صغار ونقص على عمرنا .؟؟؟ شنو من الضمير عنده هذا ... شنو من الاحاسيس يمتلك ....... قلبه شنوووو ؟؟؟ والله الحجر على الأقل يتفتت .. لكن قلبه .. أقسى من الحديد .. كفاية أسلوبه وطريقة كلامه وياها !
انجبرت
انجبرت
أقنعوها
حاولووووا
وفي النهاية

وافقت عالفكره ... واقنعت روحها مع انها تكره نوااااف .. تكككككرررررره ...
وافقت عليه مغصوبه ولا خبرت علي .. لأنها ما تبيه تأذيه ..بس طرشت له مسج ...
صدقني أككككككرهك من كل قلبي .. وفي حياتي ما حبيتك ... انا جاااااده في كلامي .. اكرهك اكرهك ..انساني
طرشت المسج واهي تقول في خاطرها مع كل دمعة تسيل من عيونها ... والله اني احبك .. ولأني احبك .. أسوي جذي
والله يا علي ..... خل قلبك يقرى اللي في قلبي ... وبتعرف اشكثر عزيتك في حياتي ..

اتصل بها على طوووووول يبي يعرف شاللي صار لها .. من جم يوم مكلمها ولا فيها شي ...
مستانسة وطااايره من الفرحه بعد
و الحين ؟؟؟؟
يتصل يتصل ويتصل
لكنها ما ترد عليه أبد ...
يا ترى .... شنو آخرتها ...
شنو اللي بيصير ؟؟؟ هل بترد عليه بشاير ؟؟ هل بتخبره عن السالفه ؟؟
هل بتظل بشاير تحب علي ؟؟؟ او ....

بتعرفووون فالجزء الثامن انشااااالله ...


تحياتي ..............:82:

[الكاسر]

اممممممممممم


ونحن بانتظار التكمله........وشو يدور في رأس بشاير




وشو يكون رد علي......أنا شاك ان بشاير ما راح تخطب فيهم احد بالنهايه هههههه




يالله الحائره.....ننتظر البقيه



تحياااااتي

[سوالف]

نشكر الأستاذه الحائرة ..
على هذه القصة الجميلة الأكثر من رائعة .. بحيث أنها أتبعتْ الاسلوب الحكائي المحلّي .. ولكنها غارقة في المحليذة المكانية .. بلهجة الخليج في بعضها ( البحرينية ) .. لكني أأُكد أن هذه القصة حادثة .. وهي أقرب إلى قصة واحدة من البحرين ) أعرفها تماماً .. وأعرف صاحبة القصة ..

أشكر الحائرة على هذه القصة الرائعة .. وأنا واثقٌ جداً على قُدرتها على إخراج هذه القصة .. كما أرجو أن تتمسك بها .. مع تحويرها بأسولوبها المحلي .. بصفة أكثر مفهومية .

إنني في إنتظار القصة الكاملة .. ومُتابع لها منذ فترة .. لكن إنتظاري طال .. ,احببتُ أن أُثّني على الكاتبة .. بكل الشكر والعرفان والتقدير على هذه القوة من الابداع .

إذن / أنتِ رائعة وتستحقين الحياة .

[الحائره]

مرحبا بكم شكرا لكي اختي سوالف على هذه الكلمات الرائعه


هــــذا الجـــــزء الثامن

استمر علي يتصل بها واهي ما ترد .. فأغلقت الموبايل ... وما فكرت تفتحه أبد ..
اتصل فيها عالبيت .. لكنها معانده وما ترد ...
وعقبها .... راحت بشاير لبلكونة اختها مريم .. لأنه هالبلكونه مطله على بلكونة علي ... قوم بشاير
كانت دايما ً تتردد على هالمكان ... وفجاة .. لقت رساله ... مضمونها

ذهبت إلى البحــر ... ومشيت على الشاطيء بخطوات يجوبها الخوف من الوحده.. أحلم بوجودك قربي.. وأتلمس طيفك الحالم .. لعل الجراح تبرى .. رحت أتحامل على نفسي .. و أجر الخطوات .. لعلي أجد ملاذي .. وخذلتني بهذه اللحظات دموعي .. فانسكبت على وجنتي .. و أحسست بقربك مني وبعدك ... وياللأسف .. أيقنت أني وحيد ...
وفجأة ... تهاتفت الأمواج .. وغصب البحر .. فلطمتني موجة ... وصفعتني ..
فقالت لي : لماذا تذرف الدموع .. لا شيء في هذه الحيــاة يستحق ان نبكي لأجله ..
فقلت : بلى .. ففي بستاني ورده .. يستحيل على أي مخلوق قطفها .. وفي دربي ..شمعة .. تضيء لي طريقي .. ويستحيل
عليها أن تنطفيء .... وفي حياتي ... بسمة ... علمتني معنى الحياة .. وأن الانسان لابد ان يستمر فالحياة .. مهما كانت الظروف
ومهما واجه من صعاب ... فأحببتها ... نعم احببتها .... وكل دموعي رهينتها .. وكلي ملك لها .. فلا تغضبي مني .. فهذا هو الحب
الذي يستحق ان أذرف من اجله دموعي ....

المجروحhttp://www.ghuraifa.net/vb/images/smilies/a40.gif
A
-------------------------

استمرت الأيام .. ولا حس ولا خبر ... علي تايه .. مو عارف شاللي يصير من حوله ...
يبي حد يطمنه ... قلبه مو مرتاح .. لا اكل ولا شرب ... حتى النوم ما تهنى فيه ...
فالنهاية اضطر لأنه يخبر اخوها ...
فعصصصب عليه فيصل .. وقاله .. اترك اختي في حالها .. انت تدري عن منو تتكلم ؟؟ عن اختي .. اختي ..اختي
لو سويت هالحركة بإختك بتستانس وبتساعدني أرجع لها ...
علي : بس انت تدري اني مو غاوي العب عليها ..
فيصل : هه عيل تعال واخطبها يا فالح ... شناطر ..
علي : والله مستعد اليوم قبل باجر .. بس انت تدري ان أمي اتوفت من جم شهر( توفت بالسرطان )
وما أقدر ... منو المسؤول عن خواتي واخواني .. تدري ان من عقب ما اتوفى اخوي الاكبر صرت انا المسؤول
عن عايلتي .. تدري ان الوالد والله يذكره بالخير .. نايم فالمستشفى وعنده القلب ... يعني .. لازم أواجه الواقع
و أمشي الحال وعقب يصير خيييير ..
فيصل : عقب يصير خيييير ؟؟؟ عقب بتتفاجأ يا علوووه ..
وراح فيصل عنه ..

قام علي وطرش لبشاير رساله ويا اخوها الصغير .. ( ثلطان ) .. و اكد عليه انه يسلمها لها ايد بإيد
فراح الحبوووب لبشاير وناولها الرساله ...
وكان مضمونها

سلام عليج ورحمة الله

وينج حياتي لاحس ولا اخبار ...
مدخل الله اطمنيني عليج .... أرجووووج والله الليل ما انامه والسبة هالأفكار اللي تدووور فخاطري
قلت يمكن زعلتج في شي او ظايقتج ...

( اشكـــثر احبـــج وانتي تدرين . قد الفرح في اليوف وقد السنين ..
اشكثر أودج لا تسإلين .. لأن كل شي انكتب فوق الجبين )

واذا تحبيني صج مثل ما تقولين ...
أرجووووج خبريني .. افتحي تلفونج ... أرجوووووج ..
تدرين انج الهوى اللي اتنفسه .. تدرين انج مثل الماي اللي أشربه ..
وبدووون كل هذا ما اعيــــش ..
مالي حياة بدونج



لا تجرحي المجروح .. يكفيه جرحه .. يكفيه من وقته ... لوعه وحرمان
المجروح
A

احتضنت بشاير هالرساله .. اللي فيها من ريحة ظناها ... وبأناملها الصغار ... مسحت عالرساله .. تتلمس الكلمات .. واللي بين السطور
تتلمس احساس علي وهمساته ... و ... انزلت عبراتها ... وتركت أثر عالرساله ... بكت بكثر ما تعذبت ... بكت .. وبكت .. وما زالت
همومها في صدرها ... مستحيل تروح .. او تنمحي بكل سهووووله .... لكن

بشاير ..... ما قدرت غير انها تشق الرساله ....
لأنها ما تقدر تنفذ أي طلب طلبه .... لأن ملجتها قرييييييبه ...
وما تبي تظلم الريال وياها ... بس احتفظت بذكراه ... بذكرى احلى حب فحياتها .. بحرف A .. اللي تحمله قلادتها .. اللي أهداها اياها ..
مروا الاسبوعين ... ويه موعد الملجة .. وعلي مايدري عن شي ...
اتصل فيصل بعلي .. وقاله ...
فيصل : هلاااااااااااا بو الشباب ....
علي : هلا بالشييييخ ... مرحباااااااااااااا ومليوووووون مرحبااااااااااااا
فيصل : هههههههه وينك يا ريال .. كل ماروح القهوه ما شوفك ... مو من عوايدك ..
علي : شقولك يا ريااال ... انت عارف ... ظروفي ما تسمح ...
فيصل : لا بس اذا فصوووول طلب منك شي استحاله ترده ..
علي : انت تامر الشيخ .... تفضل اطلب وانا حاااااااااااااااظر وفي الشوفه ...
فيصل : اوكي ... توصل الطلبيه للبيت والا الوقت متاخر ..؟؟
علي : ههههههههههههه شنووووو متصل بمطعم ؟؟؟؟؟؟؟؟
فيصل :هههههاااي لا لا صج .... عقب باجر ملجة اختي ... و أنا من الحين أعزمك .. ابي اشوفك اووول المعازيم ... تعال انت
واخوك عبدالله ... كل الشباب بيتواجدون .. وسلوم تعال ياريااال ..ترى الشباب كللللهم يبيووون لا يكون تتغيب ..
علي : هههههه اكيد اختك مريم ...
فيصل : لا وانت الصاج .... اختي بشاير
صخخخخخخخ علي ... حس ان جسمه كلللللللللله انشل ... ما نطق ولا بكلمه
فيصل : علوووووووه ... اشفيك ساكت .. ؟؟ الوووووو
علووووووه عاد لا تتمصخر ..رد يا ريااااال ....
هاه خبرني بتحضر ؟؟ علووووووه ... علي ... اوكي براحتك جان ما تبي ترد .. انا سويت الواجب .. واذا تعزني صج بتحضر..... يالله باي

ومع الأيااااااااااااام
راحت بشاير و اتصلت على ... مسج موبايل علي ..... فسمعت ... مسجه .. (( تاخرتي )) لراشد الماجد
وانتابها حزن شدييييد .. وقلبها آلمها .. على الكلمات .. وعلى فقدانها لعلي.. ادمعت عينها .. ونزف قلبها .. تحطمت أحلامها وآمالها .. خذت فخاطرها على أهلها وعالكل لأنهم بيدهم يروها للقبـــــر .... دفنوها واهي بعز شبابها.. يوم ابعدوها عن قلبها ونبضه ... بس الله يرحم هذاك الحب ...
...
ويه يوم الملجة وكانت الملجة بفندق ... واتزهبت بشاير ... و طااااااااالعة قمر 14 ماشالله عليها ..
.. ظهرت بشاير عالكوشه وهي بكامل كشختها وزينتها .. يخزي العين عليها ... لكن نظرتها تحمل كل معاني الحزن .. والألم
ما ودها تروووح ... ولا ودها تظهر للناس ... ما في خاطرها تكون يم نواف .. اللي ما همه فالحياة غير نفسه ... الله يسامح اللي كان السبب
فالألم اللي سببه لبشــاير وعلي .. علي .. الانسان اللي حب بكل صدق واحساس خالص .. لكن ياللأسف .. مثل هالحب .. محكوم عليه دووم
بالموووووت .. بس ليييش ؟؟ لأنه حب صادق ؟؟ او ان الزمن غدر بهالأشخاص ؟؟ !!


الجزء التاسع
في الملجه
مشت .. بخطوات متثاقله ... شايله وياها حزن وهموووم توزن هموووم الناس كلها .. قعدت بشاير عالكوشه .. واهي كلها حزن .. حاولت تخفي عبراتها .. حاولت تنسى انها ملجت .. حاولت تنسى اللي صار .. لكن ملامح وييها ..
تحكي اللي في قلبها .... بنظرات حزينه قامت تنظر الى الناس الموجودين .. اللي يحتفلون بيوم مماتها ... وانصدمت ... لمحت شخص .. شخص ومو أي شخص .... تفاجات بشاير بشخص موجود في الملجة .. ما توقعت وجوووده بالأساس ..

كانت بشاير جالسه على الكوشه ... ويات أخت علي ... ( نوره ) وسلمت على بشاير وباستها ..
وقالت .. علي يسلم عليج .. يهديج الأغنية الثانية اللي بتعزفها الفرقه .... تعرفين منو اللي بيغني ؟؟
علي يا بشاير .. علي اللي بيغني ... على شانج ... لأنها آخر مرة تسمعين صوته فيها ... ويتأسف لج على أي ضرر سببه لج
سامحيه .... ومبروووك عالملجة .. وعقبال العرس ... الله يهنيج في حياتج ...
بشاير قلبها بدى يدق بسسسرعه .. خايفه .. متألمه .. ماتدري شنو شعورها بالظبط .. تنتظر بأحر من الجمر الاغنيه اللي بيقدمها
لها ..... تنتظر تسمع صوته الرقيق ... اللي انحرمت منه مدة طووووويله ... لكن ... مع اول كلمة تلفظ بها .. وقف قلبها ..
وذرفت دموعها ... واختلطت احاسيسها .... و تأكدت انه هذا اليوم اللي بتودع الدنيا فيه لا محاله ....
تعرفوووون شو غنى لها علي ....تعرفووون ؟؟؟؟؟؟؟؟؟؟؟؟؟؟


غنى لها اغنية ( باودعك )
بس اهو قال المقطع الاول من الاغنية ... و ما تمالكت بشاير اعصابها .... قامت تصيح بطريقه تحزن القلوب..
والكل تراكض لها ... ويقولون للفرقه يوقفون عزف ...
ومحد درى ان اللي أثر بها صوت ... علي .. وكلمات الاغنيه ..
بس الأم بررت الموقف بأن البنيه ما يهون عليها فراق اهلها .. يحليلها الوالدة ما تدري عن شي ..
بس الملجة تمت ...

وعقب ما رجعت بشاير للبيت .. قبل ما تدخل وتتسبح .. بطلت الموبايل ... وكللللل المسجات مطرشه لها من علي ...
وفجاة يرن تلفووونها .... وكان المتصل؟؟؟؟؟؟؟؟؟؟؟ ؟؟؟؟؟؟؟ ريلها نواف ...
تدرون النذل شنو يبي ؟؟

نواف : ألوووو هلا بشاير
بشاير : أهلين نواف ... هاه غريبه متصل مو عادتك ؟
نواف : ليش صحتي فالملجة ؟؟
بشاير : ولا شي تأثرت بالغنيه ..
نواف : بسسس ؟؟
بشاير : اي بسس
نواف : أوكي ... بس انا جم مرررة قلت لج خفي وزنج صح ... ؟
بشاير : زين حاولت ... بس شنو تبي اكثر .. وزني صار 56 ..
نواف : ههههههههههههه شويه ... والله فشله شكلنا ونحن عالكوشه ... ههههههه
بشاير : انت تتحجج يا نواف .... شنو ؟؟ تبي تخلق مشكله ؟؟
نواف : تدرين اني ما حب المتاااان ... يالمتيييييييينه ...
بشاير : @-@ فاجه حلجها ؟؟؟؟
نواف : أقولج .... تراج لا تغترين بعمرج واااااايد ... وتتباهين انج قمر ... انا احلى منج وبظل احلى
بشاير : شنو هالكلام يا نواف ؟؟؟ اقووول تكلم عدل وياي ..أنا حرمتك ... و انا ادري اني مو احلى منك
بس على الأقل لي قلب واحسسس بطعناتك هذي .... و الحمدلله راضيه بخلقه الله
نواف : والله ان شفتج بالعرس ما خفيتي لطلقج على طوووووول بدون ذكر أي سبب
بشاير : شنوووو .. حسبالك انا ميته عليك .. ( تبجي ) انا ما اجبرتك تاخذني .. كلمتك بخصوص السالفه
وقلت لك انت مجبووور علي .. قلت لي لا ... قلت لك تبي آمنه ..وقلت لي لااااا .. شنو بعد ..تبي تتحكم في كل شي بحياتي
انشالله .. انشالله ... انشالله .... بس تذكر اني لحد الحين في بيت اهلي ... و أقدر ... ( يقاطعها نواف )
شنو تقدرين ؟؟ ترفضيني ؟؟ هههههههههااااي .. خلاص يا حبيبتي انتي صرتي حرمتي
ما تكمل كلامها وياه ... وتصك عنه بسسرعه ..
جنه شي خبرها وقالها افتحي كبتج ...
فتحته ... وشافت رساله محطوطه على علبه المكياج ... ووياها ورده حمره.... .. هذي الورده اهي الورده نفسها اللي اهي أهدتها له
من مدة .... أيام الحب .. الأيام اللي عمره ما راح ينساها ...لكن هالورده ذبلانه .. وانتوا اكيد فاهمين شنو معنى ان الورده تذبل ؟؟!
قرت الرساله .. كانت بخط ايد حبيبها علي ..

شنو كاتب لها ؟؟

الجزء العاشر
مايهم جفف دموعك ..ما يهم اضوي شموعك ..ما بقى شي يا قلبي يسوى دمعة من دموعك ...
مشكوووورة يا غناتي .. على أحلى هدية قدمتيها لي ... مشكووورة على الحلم اللي عيشتيني فيه
مشكوووورة على كل الوقت اللي ضيعتيه وياي ... لكن للأسف حبج في قلبي كالسم دساسي ..
لاني قادر أنسى هالحب .. ولا قادر انساج و انسى ذكرياتج ....
غدر فيج نواف ... وبالتالي ... غدرتي فيني ... بس ما قول غير....................



الله يرحم حبنا اللي قتلتيه .. جفت دموعي والبقا في حياتـــــج
ياللأسف كل الأسف مابكيتيه انتي الغرور أعماج مع حب ذاتج

انتي بديتي الحب وانتي نهيتيه اقري عليه الفاتحة في صلاتـــــج
انتي رعيتي الحب وانتى طعنتيه توني دريت إن الغدر من صفاتج

انتى شريتي الحب مني وبعتيه عســـــا الثمن يكون سبة عنــاتج
انتى بنيتي الحب وانتـى هدمتيه الله وأكبر من يسـوي سواتــــج

انتي رسمتي الدرب بس مامشيتيه أعماج عن درب الغرام التفاتج
انتي كتبتــي العهد وانتــي مسحتيه محـاوله تزوير في ذكرياتــــج

خلــي جمالج ينفعج واستغـليه روحي ورا اللـى قالج يا حـــــلاتج
اخذى الهوى وياج ليش أحتفظ فيه؟ يمكن يجيله يوم يهدم حياتج
..
تذكرين انج دووووم كنتي تغنين لي ... اغنيه استحاله انساها ...
ألحين انا اللي في خاطري اغنيها .. وبكل معاني الألم .. اهديها لج ..
( لا يا قلبي لا اتكلللم .. لا يا قلبي لا اتألم .. هذا هو اللي تحبه .. لو نسيته ..آآآآآآآآآآآآه لو نسيته كان أرحم )

وانشالله في عرسج .. بهديج شي احلى .. صدقيني ... بس يمكن انا ... كنت عقبة ..بينج وبين نواف ..
وصيتي لج ...
الابتسامة ..... .لا تخلينها تفارق شفافج ...
اتمنى لج كل السعادة .. لان اللي يحب .. عمره ما يكره

لج كلللل الشكر
اللي تكرهينه
المجروح
...


تألمت واااايد من كلام علي .. بس داست على مشاعرها وتحملت الألم ..
لكن علي معذور بكلامه .. لأنه حاط كل آماله وأحلامه فحبيبة عمره ... فشنو شعوركم اذا غرستوا نبته ،، رويتوها واعتنيتوا فيها
ليييييين ما كبرت ... وفالنهاية يقطفها شخص عديم احساس ... بكل سهوله ... ؟ شنو احساسك وانت حاط شخص معين فمكان عزيز وغالي
على قلبك ... واكتشفت ان هالشخص غدر فيك ... وتركك من عقب كل اللي كان ... عرفت ان هالشخص ما يستاهل هالمكانه ..؟ شنو
شعورك ... بشنو بترد عليه .. معقوله بتم متمسك فيه وحاط عليه الآمال .؟؟
هذا علي ... الانسان اللي واجه الصعوبات ... تركوه الغاليين وراحوا .... وفوق هذا .. تم متمسك بآخر أمل ... انه ياخذ بشاير
حتى لو تزوجت ... حتى لو يابت عيال .... حتى لو ...حتى لو ... !! بس لييش كل هذا ؟؟؟؟
لأنه يحب بصدق ... محد يلومه .

انتظروا الجزء الأخير

تحياتي </B>

[الكاسر]

امممممممممممممم


والقصه مازالت......والآلام تزداد في بشاير


والضحيه هالمره علي.....



شو يكون المصيررررررررررررر؟؟؟؟؟




يالله يا الحائره.....ننتظر التكمله

[الحائره]

اكيد الكل ينتظر نهاية القصه والجزء الأخير !!!!!!!!!!!!!!!!!!

*
*

*
*
*
*
*
*
*
وهذه هو الجزء الأخير بس امسكوا اعصابكم اشوي والدموع امسكواها اشوي لأن بشاير ما تستاهل


وفي عـــــــــــــام 2003
وفي يوم عرسها.. ظهرت بشاير للمعازيم واهي بكااامل كشختها .. والكل يحسد ريلها عليها ... ظهرت ببياضها .. وشعرها الأسود الحرير .. اللي
ياخذ العقل ويخلي كل من يشوفها .. ينفتن بجمالها ورقتها .... لكن للأسف محد درى شاللي في خاطرها .. الكل يزفها .. وما يدرون انها تعاني من قسوة هاللحظة ... تمشي ..وتمشي .. والكل من حولها ... فاللحظة اللي قلبها يودع السعاده .. ويودع برائتها وأحلى أيام عمرها ... تمشي وفقلبها سجاجين
.. تعذبها .. وتقطعها .... على فراق أعز مخلوق .. أعز انسان ... العزيز الغالي .. علي ....
من عقب ما ظهرت من الفندق اللي سوو فيه العرس .. راحت ويا ريلها لفندق ثاني
... اللي حاجزين فيه لثلاثة ايام ... سيارة مرسيدس عنابيه ...
دخلت بشاير للجناح اللي حجزه ريلها ... وعلى طوووول اتصلت باهلها تطمنهم عليها ..
وكلمت خواتها اللي ما اسكتن من البجي ...
بشاير : بس عاده مريووووم .. انا ما مت بعدي حيه .. كل اللي صار اني تزوجت .. اخذت نصيبي من الدنيا ..
ومثل ما انا تزوجت بيي يوم بتتزوجين انتي بعد ...
مريم : لاااااااااااااااااا يا بشاير .. الموضوع اكبر من اللي تتكلمين عنه ..
بشاير : ليش؟؟ شنو تقصدين ؟؟ تكلمي مريووووم ...
مريم : اول ما رجعت انا وخواتي .. شفت هدية كبيره لج على شكل قلب وتدرين عاده من منوووو ؟؟
من علي يا بشاير .. من علي ... و كاتب لج رساله وداع ...
وجنه الله كتب عليه ...
بشاير : مريوووووم طيحتي قلبي كملي .. شنو فيه ؟؟ شنو صاير ... لا تذبحيني ارجوووج
مريم : علي مات يا بشاير .. مات .. في حادث
بشاير تشهق شهقه حست ان روحها بتفيض : شنووووووووووووووووووووو ؟؟؟
مريم : اي والله .. فصول اتصل فيني وقالي.. زعلان وايد .. تدرين شنو كان علي بالنسبه لفيصل .. تدرين انه صاحبه الروح بالروح ... بشاير .. بيدفنون علي اليوم الفير .....
بشاير دارت فيها الدنيا وماقدرت تيود عمرها ... صرخت بصوت عالي حتى نواف فز قلبه قال يمكن صار شي بأهلها لا سمح الله.. ونواف قاعد على راسها يسألها شنو صاير ومو راضيه تقوله أي شي
بشاير : مريووم قولي كيف صار الحادث ؟؟ لا تعذبيني اكثثثر
مريم : مادري مادري بس الغلط مو منه .. من الشاحنه اللي دخل تحتها .. والله مو قادره أصدق انه مات ..
---------------------------------
تدروووون شنو كاتب لها بالرساله .. كاتب لها .. انتي كنتي وردة فبستاني واقطفوج .. كنتي شمعتي .. ذبتي .. وذابت احاسيسي معاج .. وصرت معدوم الاحساس... كنتي كل شي فحياتي .. وبكل سهوله خذوج ... كنتي السعادة اللي احلم فيها .. وتلاشت .. محكوم عليّ وانا علي بالحرمان ..
سعادتي مستحيل القاها ويا غيرج .. انتي وبس القلب و أحاسيس هالقلب .. ونبض قلبي ..مادري كيف بعيش بدونج ؟؟ .. منج انتي وبس عرفت معنى الحياة .. من عقبج منو اللي بيسأل عني .. منو اللي بيواسيني .. كل أحبابي راحوا
.. وفالنهاية ... رحلتي عني للأبد .. بس مازال الأمل فيني.. يمكن ألاقيج فيوم من الأيام ... و يحلى اللقاء ...........،،، فالجنه ..انشالله
اتمنى لج السعاده .. ..مع اني أشك فإن غيري يقدر يسعدج ...والرساله طويله ..بس هذا القدر .. والمكتوب .. وحكم الله
ونحن مسيرين ... ما تدري شنو الله كاتب لج ...
صحيح يعز على نفسي اودعج .. لكن أنا مابي اكون الشخص اللي يوقف في طريج سعادتج ... وتأكدي .. سعادتج من سعادتي ...
وهذا كل اللي اتمناه لج والحياة ممرات .. وعقبات ... والقوي .. اللي ما له ملاذ غير الله .. فأكيد بيصبر وبيتحمل .. وبيكمل المشوار ،،،،

المجروح انجرح مرة ثالثة .. رابعة .. وأكيد في المرة العاشرة ... بس ربي يصبرني على بلواي ..

----------------------------------
خلصت بشاير من المكالمة ...
وبالليل ما غفت ولا ياها نوم .. والكلمة اللي على لسانها وترددها ( دفنوه) ..
وهي تعضضض باللحاف وقلبها يتقطع .. ضميرها يأنبها ..............علي...................... علي راح ..
و اهو مادرى ان بشاير حبته من كل قلبها .. راح وكانت آخر فكره حاطها فباله ان بشاير تكرهه ..
حست انها حرمته من السعادة
وفرضت على نفسها انها تعيش ويا انسان انــــاني ... لكن
راح اغلى حب فحياتها ...
وابتدت حياه يديده ... و اهي حامل الحين وفالشهر الرابع ..
بس.. حامل ببنيه .. واهي قايله في نفسها انها لو احملت وفي بطنها ولد .. بتسميه علي
وهذي نهاية حب ..
حب ما اكتمل .. وحكمت عليه الظروف بالموت .. :Yah: :Yah:

يـــا راحل ٍ عنـــي غصب ... يعز علي أودعـــك
اعفيني من حرق الدمـــع .. ماقول غيـر الله معك


تقبلوو تحيااااتي...





الى حين قصه اخرى اختكم الحائره</B>

[الكاسر]

الحائره


كم عشنا معك قصة بشاير وعلي ونواف



وبالفعل قصة تصير مرات ومرات في حياتنا.....والسبب هو عدم الاحساس وعدم قراءة الحبيبه لحبيبها او العكس








قصة تشوقت لها كثير....وجالس انتظرها من يوم ليوم



بشاير تألمت كثير.....من زمن سفر نواف للخارج لحد ما رجع بشكل آخر
بشار ماحست بعلي......لما كانت متعلقه بنواف وهو بالخارج......



قصه جميله جدا والله تستاهلين الخير يالحائره عليها......



اممممممممممممممممممممممممممممممممممم
ننتظر الكثير منك الحائره............



وراح علي......

[شمس الغلا]

الحائرة

بصراحة قصة جدا جميييييييييييييييييييييييييييييييييييلة

انا مب متفاجاة من القصة لاني عشت هالقصة بس مش بنفس التفاصبل

صح يا الحائرة

لمن تحس انك مالك الحب وصاحبه وانك سعيد باللي عنك

وفجاة تخسره

صععععععععععععععععععععععععععععععععععععععععععبة كثير

رجعتينا لايام نحاول تناسيها

لا خلانا الرب من هالكتابات الحلوة

تحياتي لج

[بنت زايد]

قصة بالفعل حلوة.....


الانسان يوم يشمع عن مصايب الناس و الله تهون عليه مصيبته...


قصة في غاية الروعة... كإني أعيش أحداثها...


و تسلمين إختي الحايرة على القصة الرائعة و تسلم أناملج يا الغالية...

[سمراء الليل الحزين]

الجميلة الحايرة مدري وش اقولك جد تاثرت كثييييييييييييييييير وبكييييييييييييييييت من قلب لنوا بالنهاية والشي اللي نخاف منه وانا اخاف منه انو اموت وما اقول اخر كلمة (أحبك) للشخص اللي احبه واظن هدا راي الاغلبية ...جد امتعتي حواسنا ايقظت مشاعرنا بقصتك الجميلةجدا جدا

الف شكر وتحية لج ولا تحرمينا