المساعد الشخصي الرقمي

مشاهدة النسخة كاملة : باحلم...يارب خير..!!


بيرد333
04 - 05 - 2003, 22:48
باحلم… يارب خير….!!
ـــــــــــ

باحلم يارب خير

باحلم بحاجات كتير

بس الحلم الكبير

هو المصرى السعيد..!!

*****

نفسى نعيش السعادة

نتحصن بالعبادة

نتسلح بالإرادة

نتجمع إيد فى إيد..!!

****

معدنا المصرى نادر

لو بالإصلاح نبادر

حيوفقنا إللى قادر

وبيفعل مايريد..!!

****

نفسى ف تعليم مطور

ألقاه من غير ما أدور

يبنى الإنسان ينور

سكة إبنى الوليد..!!

****

نفسى نلاقى المعلم

من علم كبير يعلم

قيمة ويقدر يسلم

الراية لجيل جديد..!!

****

نفسى ف إعلام بلادى

يصبح ومن السعادى

فكر بيخدم ولادى

ويركز ع المفيد..!!

****

يبعد عنا الخلاعة

مرئية أو مذاعة

ما يرددش الإشاعة

والصدق يكون أكيد..!!

*****

نفسى نعمر ونبنى

نفسى أطمن على إبنى

والفن يكون عاجبنى

ويوحدنا النشيد..!!

*****

نفسى فى إنسان يقدر

نفسى أنتج لاجل أصدر

نتحدى الكون ونقدر

ونفوت جوه الحديد..!!

****

و نرجع تانى كل ليلة

الكلمة فيها تكون أصيلة

أيامنا حتكون جميلة

ونغنى فى مصر عيد..!!

*****

بيرد333
عاشق السمراء
04 - 05 - 2003, 23:21
مسااااااااااااااااء جميل ..



أين هذا الطائر كان ..

لم نعلم له مكان ..

اتانا من جديد ..

يشدوا ..

يغني ..

يعزف الالحان !!



بيرد .. !!


يارب خير يارب خير ..

نفسي يارب اصبح طير ..

انشر السلام ..

والامان ..

بين البشر ..

على طول الدهر ..

نفسي كل انسان ..

يحب بني الانسان ..

بقلبه ..

وروحه ..

يصبحوا اخوان !!



بيرد ... تحليق جميل!!
بيرد333
05 - 05 - 2003, 03:02
الأخ الغالى عاشق السمراء

أشكرك أخى ودومت لى

واقبل عذرى

فقد كنت على سفر لبلجيكا وعدت

وكنت مشاركاً فى أحد المؤتمرات العلمية الهندسية التخصصية بها

أوحشتنى..

أوحشنى النبض...

أوحشنى كل الأصدقاء بالنبض..

دومتم لى جميعاً..

بيرد333
عاشق السمراء
05 - 05 - 2003, 16:12
عودا حميدا .. يا بيرد !!


وللتواصل .. معك !!


تحليق !!