>>"قصـة فكـآاهيهـ و فيهـآا عبـره ..>>"

[شموخ]

http://i11.photobucket.com/albums/a168/evelynregly/mari/0636hb_03n.gif
السلاام عليكم ..


شحالكمـ ..

هذي قصة شاب مرح سمعتها و حبيت أكتبها لكمـ ..

طبعا شاب سعودي .. قرر انه يتزوج و راح و خطب البنت من اهلها .. الشاب كان من عيلة غنية وايد و البنت نفس الشي ..

و هذا الشاب معروف عنه انه يحب المزح وااااااااااااايد واايد يحب يمزح

لما راح و يخطب البنت .. أبو البنت قال نبي مهر البنت ريال واحد بس .. و قالوا اوك .. و عطوه ريال

و سافروا شهر العسل العرسان .. في شهر العسل .. طول الوقت هالشاب ينادي زوجته يا علبة البيبسي ..

دايما كان يناديها يا علبة البيبسي و يموت ضحك .. و البنت زعلت وايد و قالت له ليش تقولي يا علبة البيبسي .. قالها لأنك مثل علبة البيبسي بريال واحد بس

و لما رجعوا من شهر العسل البنت راحت بيت اهلها و قالت لأبوها انا ما برجع عند هذاك الشاب انت طلبت مهري ريال واحد منه و الحين هو يعايرني يقولي يا علبة البيبسي .. الأب قالها خلاص هذا قليل ادب .. انا بعلمه

و مرت الأيام و الأساابيع و الشاب شاف زوجته ما تبي ترجع .. راح و شكى لأبوه قاله ابي زوجتي .. قاله انت زعلتها بشي .. قال لا ابد .. و راحوا الشاب و ابوه لأبو البنت .. و ابوا البنت قاله ما برجع بنتي لكم الا يدفع لي ولدك 300,000 ريال .. و طبعا دفعوا له و بدون نقاش .. مهما كان المبلغ عادي الناس اغنياء ..

و لما رجعت البنت لزوجها .. اول ما شافها قالها هاا اشوفج طولتي الغيبه يا مصنع البيبسي .. ههه يعني لأنه زاد السعر


الهدف شووه في النهاية .. الشاب طبعا مو قصده الاستهزاء و لكن هذا اسلوبه يعني هو يمزح بس .. المسج هني .. انه المزح مو الكل يتحمله .. و مو في كل وقت ينفع .. كل شي له حدود و الشي اذا زاد عن حده ينقلب ضده .. كلنا لازم نراعي كلامنا و مزحنا و ضحكنا .. و نراعي اختلاف الناس .. مو الكل يتحمل المزح ..


أتمنى تكون عيبتكم القصهـ .. :)


http://fantasyflash.ru/anime/teddy/image/teddy90.gif

[هيام الحب]

هههههههههههههه

مسكينة

الحين صارت علبة البيبسي بريال ونصف

خخخخخخخخخخخخخخ

يعني صار لازم يناديها يا علبة بيبسي ونص

هههههههههاااااااااي

مشكورة شموخ

تسلمين قلب

[ورد المنى]

هههههه

حلوه

يسلموووو شموخ

[شموخ]

شكرا ع المرور ... منــــــــــــــــــووورين كلكمـ ..

^^

[حنين الماضي]

تسلمي شموخ



قصه حلوه وفيها عبره

[مليكة بالخليج]

هههههههههههههههاااااي
حلوووووه شموووخ
ثانكيوووو

[شموخ]

ياا مرحبــــــــــآا بكمـ .. :)

[أم أسيل]

شحالج شموووخ ... عيبتنا القصه


حليلها الله يعينها ... فعلا المزاح وبالاخص الثقيييييييل ماكل حد يتحمله


مرسيه ع الطرح ...

[شموخ]

الله يسلمشششش ^^"