المساعد الشخصي الرقمي

مشاهدة النسخة كاملة : يابو بورنيطة..!!


بيرد333
04 - 04 - 2003, 21:51
أبو بورنيطة..!!
ــــــــ
إنت يا خواجة يابو بورنيطة..

عامل غاغة وعامل زيطة..!!

إن كان ع الجاز..ماهو عندك جاز..

وإسمع برده كلامى..إن جاز..

مفيش جاز من غير إنجاز..

ومفيش داعى للألغاز..

ولا تعمل عقدة ولا شنيطة..!!

يا خواجة إنت يابو بورنيطة..!!

يابو بورنيطة..مالك طايح..

وبتضرب فى الجاى والرايح..

عاجبك إللى حاصل فى رام الله..

ودم الناس يتعبى صفايح..

والخنزير راكب دبابة..

وبالجنزير بيهد الحيطة..!!

وأنت ساكتله يابو بورنيطة..!!

يابو بورنيطة بلاش تنطيط..

وكفاية رسم وتخطيط..

هو أنت بس إللى مفتح..

والباقى أهبل وعبيط..

وعمايلك مش عاجبة الناس..

من منهاتن للأزاريطة..

إعقل وإرجع يابو بورنيطة..!!

بيرد333
عاشق السمراء
04 - 04 - 2003, 23:41
مساااااااااء جميل ..



المغرد بيرد .. !!


عزف منفرد ..

وكلمات عامية ..

لها اسلوب راقي .. !!


وانت كما عهدتك .. !!



وسلم لي على بورنيطة .. !!
سهد الليل
04 - 04 - 2003, 23:58
بيرد333

لك اسلوبك الخاص في سرد الكلمات

اشكرك واجمل التحيات

سهد الليل
روح الـورد
05 - 04 - 2003, 00:07
بيرد333

موهبة رائعة
وأسلوب مميز وجميل
صح لسانك
عبدالله اليعقوبي
05 - 04 - 2003, 01:02
اسلوب سخريه جميل بيرد

اعجبتني كلماتك