يا أبن غَزّة

[حكمت البيداري]

يا أبن غَزّة

عوف العرب
لاتنتظر منهُم بعد عِزّة
أصحاب الشنب
سكارى والشعب مَزّه
شوف أشحالهم
وين بالهُم
بس نفخ وطبيخ
حتى عيالهُم
عريانه ومصاليخ
جوع وتَرف
صابها الخَرف
وزماّلهُم عَليهُم يشيخ
شال وغرف
باع وصرف
ماضل زلم وتسوگه ديخ
غالي الشرف
والماعرف
مايقيمه، أبگشر بطيخ

يا أبن غزة
عوف العرب
لاتنتظر يدزولك علوم
ما منهُم خَبر
شيفيد العتب واللوم
ذراعك والحَجّر
أتوكل على الله وگوم
من غيره ماتنتصر
وبهِمتك، أكيد ومعلوم
راس العدو ينكسّر
ويجيها للعرب يوم

يا أبن غَزّة
ماضل عرب
ضاع النَسّب
البقى بَس !
بالخُصر هَزّه !

بيدارو
22.1.2008

[الـعـمـيــــــــــــد]

العروبة ضاعت في مهب الريح

يا أمة ضحكت من جهلها الأمم

[احمد الزعيم]

اللهم انصر اخوننا

اللهم امين امين امين

جهد مبذول

تشكر عليه

[حكمت البيداري]

العروبة ضاعت في مهب الريح

يا أمة ضحكت من جهلها الأمم


الصديق العزيز رحال

لا، إن شاء الله العروبة باقية ودائمة الخلود بوجودكم وأحفادكم يانجباء الأمة

رعاكم وبارككم الرب