نور الأمل
30 - 01 - 2009, 22:57
http://www.5h5h.com/upfiles/Yuu38063.bmp (http://www.5h5h.com/)
مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين
عجبى !!!
***************
عجبى عليك .. عجبى عليك يازمن
يابو البدع يامبكى عينى دماً
إزاى انا اختار لروحى طريق
وانا اللى داخل فى الحياة مرغماً
عجبى !!!
***********
مرغم عليك ياصبح مغصوب ياليل
لا دخلتها برجليا ولا كانلى ميل
شايلنى شيل دخلت انا فى الحياة
وبكره ح اخرج منها شايلنى شيل
عجبى !!!
***********
سنوات وفايتة عليا فوج بعد فوج
واحدة خدتنى إبن والتانية زوج
والتالتة أب والرابعة ايه
ايه يعمل اللى بيحدفه موج لموج ؟
عجبى !!!
*************
وانا فى الضلام ... من غير شعاع يهتكه
أقف مكانى بخوف ولا اتركه
ولما ييجى النور وأشوف الدروب
أحتار زيادة ... أيهم اسلكه؟
عجبى !!!
****************
نظرت فى الملكوت كتير وانشغلت
وبكل كلمة ( ليه؟ ) و ( عشانيه ) سألت
اسأل سؤال ... الرد يرجع سؤال
واخرج وحيرتى أشد مما دخلت
عجبى !!!
**************
خرج ابن آدم م العدم قلت : يااااه
رجع ابن آدم للعدم قلت : يااااه
تراب بيحيا ... وحى بيصير تراب
الأصل هو الموت وللا الحياه ؟
عجبى !!!
***************
ضريح رخام فيه السعيد اندفن
وحفره فيها شريد من غير كفن
مريت عليهم ... قلت ياللعجب
لاتنين ريحتهم فيها نفس العفن
عجبى !!!
*********************
ياما صادفت صحاب وماصاحبتهمش
وكاسات خمور وشراب وماشربتهمش
أندم على الفرص اللى انا سبتهم
والا على الفرص اللى ماسبتهمش
عجبى !!!
****************
والكون ده كيف موجود من غير حدود
وفيه عقارب ليه وتعابين ودود
عالِم مجرب فات وقال سلامات
ده ياما فيه سؤالات من غير ردود
عجبى !!!
****************
غدر الزمان ياقلبى مالهوش أمان
وهييجى يوم تحتاج لحبة ايمان
قلبى ارتجف وسألنى .. أأمن بإيه ؟
أأمن بإيه محتار بقالى زمان
عجبى !!!
***********
ياباب أيا مقفول .. إمتى الدخول
صبرت ياما واللى يصبر ينول
دقيت سنين .. والرد يرجع لى : مين؟
لو كنت عارف مين انا .. كنت اقول
عجبى !!!
**********************
انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
أخرس ولكن قلبى مليان كلام
عجبى !!!
*****************
احب اعيش ولو اعيش فى الغابات
اصحى كما ولدتنى أمى وأبات
طائر.. حُوان .. حشرة .. بشر .. بس اعيش
محلا الحياة .. حتى فى هيئة نبات
عجبى !!!
***************
سهير ليالى وياما لفيت وطفت
وف ليلة راجع فى الضلام قمت شفت
الخوف ... كأنه كلب سد الطريق
وكنت عاوز اقتله ... بس خفت
*****************
كان فيه زمان سحلية طول فرسخين
كهفين عيونها وخشمها بربخين
ماتت .. لكين الرعب لم عمره مات
مع إنه فات بدل التاريخ تاريخين
عجبى !!!
****************
عجبتنى كلمة من كلام الورق
النور شرق من بين حروفها وبرق
حبيت اشيلها فى قلبى ... قالت حرام
ده انا كل قلب دخلت فيه اتحرق
عجبى !!!
**************
رقبة قزازة وقلبى فيها انحشر
شربت كاس واتنين وخامس عشر
صاحبت ناس م الخمرة ترجع وحوش
وصاحبت ناس م الخمرة ترجع بشر
عجبى !!!
**********************
كل اللى فى الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
(( ياميت ندامة ع اللى قلبه حنون ))
عجبى !!!
*********************
قالوا الشقيق بيمص دم الشقيق
والناس ماهياش ناس بحق وحقيق
قلبى رميته وجبت غيره حجر
داب الحجر ... ورجعت قلبى رقيق
عجبى !!!
*****************
يوم قلت آه ... سمعونى قالوا فَسَد
ده كان جدع قلبه حديد واتحسد
رديت على اللايمين انا وقلت ... آه
لو تعرفوا معنى زئير الأسد
عجبى !!!
*****************
بين موت وموت ... بين النيران والنيران
ع الحبل ماشيين الشجاع والجبان
عجبى علادى حياة ... وياللعجب
إزاى انا - ياتخين - بقيت بهلوان
عجبى !!!
**************
انا قلبى كان شخشيخة اصبح جرس
جلجلت به صحيوا الخدم والحرس
انا المهرج ... قمتوا ليه خفتوا ليه
لا ف ايدي سيف ولا تحت منى فرس
عجبى !!!
***************
دخل الربيع يضحك لقانى حزين
نده الربيع على اسمى لم قلت مين
حط الربيع أزهاره جنبى وراح
وإيش تعمل الأزهار للميتين
عجبى !!!
**************
مهبوش بخربوش الألم والضياع
قلبى ومنزوع م الضلوع انتزاع
يامرايتى ياللى بترسمى ضحكتى
ياهلترى ده وش ولا قناع
عجبى !!!
****************
حبيت ... لكن حب من غير حنان
وصاحبت لكن صحبة مالهاش أمان
رحت لحكيم واكتر لقيت بلوتى
إن اللى جوه القلب مش ع اللسان
عجبى !!!
****************
ليه ياحبيبتى ما بيننا دايما سفر
ده البعد ذنب كبير لا يغتفر
ليه ياحبيبتى ما بيننا دايما بحور
أعدى بحر ألاقى غيره اتحفر
عجبى !!!
***************
ورا كل شباك الف عين مفتوحين
وانا وانتى ماشيين ياغرامى الحزين
لو التصقنا نموت بضربة حجر
ولو افترقنا نموت متحسرين
عجبى !!!
**************
نوح راح لحاله والطوفان استمر
مركبنا تايهة لسه مش لاقيه بر
آه م الطوفان وآهين يا برالأمان
إزاى تبان والدنيا غرقانة شر
عجبى !!!
**************
على رجلى دم ... نظرت له ما احتملت
على ايدى دم ... سألت : ليه ؟ لم وصلت
على كتفى دم وحتى على راسى دم
انا كلى دم .. قتلت؟ .. ولا اتقتلت ؟
عجبى !!!
************
انا كل يوم اسمع ... فلان عذبوه
أسرح فى بغداد والجزاير واتوه
ما اعجبش م اللى يطيق بجسمه العذاب
واعجب من اللى يطيق يعذب اخوه
عجبى !!!
***********
ينبوع وفى الحواديت انا سمعت عنه
إنه عجيب .. وف وسط لهاليب لكنه
شقّيت كما الفرسان طريقى .. لقيت
حتى الخنازير والكلاب شربوا منه
عجبى !!!
************
ياقرص شمس مالهش قبه سما
ياورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمة
عجبى !!!
**********
شاف الطبيب جرحى وصف له الأمل
وعطانى منه مقام يادوب ما اندمل
مجروح جديد ياطبيب وجرحى لهيب
ودواك فرغ منى .. وإيه العمل ؟
عجبى !!!
************
اعرف عيون هى الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن
عجبى !!!
*************
إيش تطلبى يا نفسى فوق كل ده
حظك بيضحك وانتى متنكده
ردت قالت لى النفس : قول للبشر
مايبصوليش بعيون حزينة كده
عجبى !!!
************
إقلع غماك ياتور وارفض تلف
إكسر تروس الساقية واشتم وتف
قال : بس خطوة كمان .. وخطوة كمان
يا اوصل نهاية السكة يا البير يجف
عجبى !!!
***************
يا حزين ياقمقم تحت بحر الضياع
حزين انا زيك وايه مستطاع
الحزن مابقالهوش جلال ياجدع
الحزن زى البرد .. زى الصداع
عجبى !!!
**********
فى يوم صحيت شاعر براحة وصفا
الهم زال والحزن راح واختفى
خَدنى العجب وسألت روحى سؤال
أنا مت ؟ ... ولا وصلت للفلسفة ؟
عجبى !!!
***************
الفيلسوف قاعد يفكر سيبوه
لا تعملوه سلطان ولا تصلبوه
ماتعرفوش ان الفلاسفة يا هوه
اللى يقولوه بيرجعوا يكدبوه ؟
عجبى !!!
**************
على بعد مليون ميل من أرضنا
من الفارغ الكونى بصيت انا
لا شفت فرق ما بين جبال او بحر
ولا شفت فرق ما بين عذاب أو هنا
عجبى !!!
******************
إنسان أيا إنسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها ياموهوم مخلوقة لك؟
عجبى !!!
**************
نظرت فوقى للنجوم وانا ساير
رجليا عترت فى الحفر والحجاير
بقيت أقول وانا ع التراب : ياسلام
مش بس عِبرة أخدت لكن عباير
عجبى !!!
*******************
- يانجم .. نورك ليه كده بيرتجف ؟
هو انت قنديل زيت ؟ .. او تختلف ؟
- أنا نجم عالى .. بس عالى قوى
ولك ما انظر تحت اخاف انحدف
عجبى !!!
******************
السم لو كان فى الدوا ... منين يضر؟
والموت .. ولو عدونا ... منين يسر ؟
حط القلم فى الحبر واكتب كمان
... والعبد للشهوات ... منين هو حر؟
عجبى !!!
****************
وقفت بين شطين على قنطرة
الكدب فين والصدق فين ياترى
محتارح اموت ... الحوت خرج لى وقال
هو الكلام يتقاس بالمسطرة ؟
عجبى !!!
**************
سرداب فى مستشفى الولادة طويل
صرخات عذاب ورا كل باب وعويل
... وفى الطريق متزوقين البنات
متزوقين للحب والمواويل
عجبى !!!
*******************
الدنيا أوده كبيرة للانتظار
فيها ابن آدم زيّه زى الحمار
الهم واحد .. والملل مشترك
ومفيش حمار بيحاول الإنتحار
عجبى !!!
**********************
أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبى !!!
*********************
نسمة ربيع لكن بتكوى الوشوش
طيور جميلة بس من غير عشوش
قلوب بتخفق .. إنما وحدها
هى الحياة كده .. كلها فى الفاشوش
عجبى !!!
****************
ياطير ياعالى فى السما طـُظ فيك
ماتفكرشى ربنا مصطفيك
برضك بتاكل دود وللطين تعود
تمص فيه ياحلو .. ويمص فيك
عجبى !!!
***************
كروان جريح مضروب شعاع م القمر
سقط من السموات فؤاده انكسر
جريت عليه قطة عشان تبلعه
أتاريه خيال شعراء ومالهوش أثر
عجبى !!!
****************
ياللى نصحت الناس بشرب النبيت
مع بنت حلوة .. وعود , وضحك , وحديت
مش كنت تنصحهم منين يكسبوا
تمن ده كله ؟ ... ولا يمكن نسيت
عجبى !!!
***************
ماحد فى الدنيا دى واخد جزاته
ولا حد بيفكر فى غير لذاذاته
ماتعرفيش ياحبيبتى .. انا وانتى مين ؟
إنتى عروس النيل ... وانا النيل بذاته
عجبى !!!
****************
رقاصة خرسا ورقصة من غير نغم
دنيا ... يامسن يصالحها قبل الندم
ساعتين تهز بوجهها يعنى لا
يترجرجوا نهديها يعنى نعم
عجبى !!!
********************
إخطفنى ياللى تحبنى ع الحصان
الدنيا قالت يوم فى ماضى الزمان
إخطفنى ياللى تحبنى ع الفرس
الدنيا قالت ... قام خطفها الشيطان
عجبى !!!
*********************
من بين شقوق الشيش وشقشقت لك
مع شهقة العصافير وزقزقت لك
نهار جديد انا ... قوم نشوف نعمليه
انا قلت يا ح تقتلنى ... يا ح قتلك
عجبى !!!
****************
قلبى عليل ياناس وفى الكاس دواه
مديت له إيدى شربت م اللى حَواه
جنبى الشمال خف .. اليمين اتوجع
وإيه يداوى الكِبد م اللى كواه
عجبى !!!
******************
... دى مذكرات وكتبتها من سنين
فى نوتة زرقا لون بحور الحنين
عترت فيها .. رميتها فى المهملات
وقلت أما صحيح كلام مخبولين
عجبى !!!
********************
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات اكتر بترفض تموت
عجبى !!!
***************
- الدنيا من غير الربيع ميته
ورقة شجر ضعفانة ومفتفتة
- لأ يا جدع غلطان تأمل وشوف
زهر الشتا طالع فى عز الشتا
عجبى !!!
****************
ياللى انت بيتك قش مفروش بريش
تقوى عليه الريح .. يصبح مفيش
عجبى عليك حواليك مخالب كبار
ومالكش غير منقار وقادر تعيش
عجبى !!!
**********
سمعت نقطة ميه جوه المحيط
بتقول لنقطة ماتنزليش فى الغويط
أخاف عليكى م الغرق ... قلت انا
ده اللى يخاف من الوعد يبقى عبيط
عجبى !!!
****************
جالك أوان ووقفت موقف وجود
ياتجود بده ياقلبى يا بده تجود
ماحد يقدر يبقِى على كل شئ
مع إن - عجبى - كل شئ موجود
عجبى !!!
***************
جالك أوان وعرفت مشى الجنايز
كيف شُفتها يا عبد رب اللذايذ
قال : شفت شيل بالحيل فقير او أمير
كما شالوا فى المخامير فواضى القزايز
عجبى !!!
**************
انا كنت شئ وصبحت شئ ثم شئ
شوف ربنا .. قادر لعلى كل شئ
هَزّ الشجر شواشيه ووشوشنى قال :
لابد ما يموت شئ عشان يحيا شئ
عجبى !!!
**************
يامشرط الجراح أمانة عليك
وانت ف حشايا تبص من حواليك
فيه نقطة سودة فى قلبى بدأت تبان
شيلها كمان .. والفضل يرجع إليك
عجبى !!!
**************
كيف شفت قلبى والنبى ياطبيب
هَمَد ومات والا سامع له دبيب
قاللى لقيته مختنق بالدموع
ومالوش دوا غير لمسه من ايد حبيب
عجبى !!!
************
تسلم ياغصن الخوخ ياعود الحطب
ييجى الربيع .. تطلع زهورك عجب
وانا ليه بيمضى ربيع وييجى ربيع
ولسه برضو قلبى حتة خشب
عجبى !!!
****************
بحر الحياه مليان بغرقى الحياه
صَرَخت خَش الموج فى حلقى ملاه
قارب نجاه ! .. صرخت قالوا مافيش
غير بس هو الحُب قارب نجاه
عجبى !!!
***************
فارس وحيد جوَّه الدروع الحديد
رفرف عليه عصفور وقاله نشيد
منين منين .. ولفين لفين ياجدع
قال من بعيد ولسه رايح بعيد
عجبى !!!
************
كان فيه قمر كأنه فرخ الحمام
على صغره دق شعاع شق الغمام
أنا كنت حاضر قلت له ينصرك
إشحال لما ح تبقى بدر التمام
عجبى !!!
***********
النهد زى الفهد نط اندلع
قلبى انهبش بين الضلوع وانخلع
ياللى نهيت البنت عن فعلها
قول كمان للطبيعة تبطل دلع
عجبى !!!
***************
صوتك يابنت الإيه كأنه بدن
يرقص يزيح الهم يمحى الشجن
ياحلوتى وبدنك كأنه كلام
كلام فلاسفة سكروا نسيوا الزمن
عجبى !!!
**************
كرباج سعاده وقلبى منه انجلد
رَمَح كأنه حصان ولَف البلد
ورجع لى نُص الليل وسألنى .. ليه
خجلان تقول انك سعيد ياولد
عجبى !!!
*****************
مزيكه هادية الكون فيها انغمر
وصيف وليل وعُـقد فل وسَمر
ياهلترى الناس كلهم مبسوطين
وياهلترى شايفين جمال القمر ؟
عجبى !!!
***************
إنشد ياقلبى غنوتك للجمال
وارقص فى صدرى من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
عجبى !!!
**************
أه لو أنا ومحبوبى جُزنا الفضا
فى سفينة وحدينا .. وأشيا رضا
ساعة صفا تعجبنا نرجع لها
والهم قبل ما ييجى ... يبقى مضى
عجبى !!!
*******************
أنا اله الوجد رب الهيام
أضرب بسهم الوهم وَهم الغرام
وَهم الغرام من كتر ماهو لذيذ
رَشَقت انا ف صدرى جميع السهام
عجبى !!!
*******************
حدوته عن جعران وعن خُنفسة
اتقابلوا حبوا بعض فى ساعة مِسا
ولا قال لهم حد اختشوا عيب حرام
ولا حد قال دى علاقة متدنسة
عجبى !!!
****************
ياللى عرفت الحب يوم وانطوى
حِسك تقول مشتاق لنبع الهوى
حِسك تقول مشتاق لنبع الغرام
ده الحب ... مين داق منه قطره ... ارتوى
عجبى !!!
**************
زحام وأبواق سيارات مزعجة
اللى يطول له رصيف .. يبقى نجا
لو كنت جنبى ياحبيبى أنا
مش كنت أشوف ان الحياة مُبهجة ؟
عجبى !!!
***********
إيديا فى جيوبى وقلبى طِرب
سارح فى غربة بس مش مغتِرب
وحدى لكين وَنسان وماشى كده
وبابتعد ... ماعرفش .... او باقتِرب
عجبى !!!
**************
ياميت ندامة ع القلوب الخلا
لا محبة فيها ولا كراهه ولا
حتى ياقلبى الحزن ماعادش فيك
معلهش ... لك يوم برضو راح تتملا
عجبى !!!
******************
مرحب ربيع مرحب ربيع مرحبة
ياطفل ياللى ف دمى ناغا وحَبَا
علشان عيونك يا صُغنن هويت
حتى ديدان الأرض والأغربة
عجبى !!!
*****************
فتحت شباكى لشمس الصباح
مادخلش منه غير عويل الرياح
وفتحت قلبى عشان أبوح بالألم
ماخرجش منه غير محبة وسماح
عجبى !!!
*******************
غمست سنك فى السواد ياقلم
علشان ما تكتب شعر يقطر ألم
مالك جرالك إيه يامجنون ... وليه
رسمت وردة وبيت وقلب وعَلم
عجبى !!!
******************
انا الذى عمرى اشتياق فى اشتياق
وقطر لداخل فى محطة فراق
قصدت نبع السم وشربت سم
من كتر شوقى وعشمى فى الترياق
عجبى !!!
****************
انا الذى عشت الزمن مَضيعة
بروح حزينة معفنة مضعضعة
زرعت شجرة سنط لجل انجرح
لقيتها شعر البنت ومفرَعة
عجبى
__________________________________
مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقى ناس اشرار وناس طيبين
عجبى !!!
***************
عجبى عليك .. عجبى عليك يازمن
يابو البدع يامبكى عينى دماً
إزاى انا اختار لروحى طريق
وانا اللى داخل فى الحياة مرغماً
عجبى !!!
***********
مرغم عليك ياصبح مغصوب ياليل
لا دخلتها برجليا ولا كانلى ميل
شايلنى شيل دخلت انا فى الحياة
وبكره ح اخرج منها شايلنى شيل
عجبى !!!
***********
سنوات وفايتة عليا فوج بعد فوج
واحدة خدتنى إبن والتانية زوج
والتالتة أب والرابعة ايه
ايه يعمل اللى بيحدفه موج لموج ؟
عجبى !!!
*************
وانا فى الضلام ... من غير شعاع يهتكه
أقف مكانى بخوف ولا اتركه
ولما ييجى النور وأشوف الدروب
أحتار زيادة ... أيهم اسلكه؟
عجبى !!!
****************
نظرت فى الملكوت كتير وانشغلت
وبكل كلمة ( ليه؟ ) و ( عشانيه ) سألت
اسأل سؤال ... الرد يرجع سؤال
واخرج وحيرتى أشد مما دخلت
عجبى !!!
**************
خرج ابن آدم م العدم قلت : يااااه
رجع ابن آدم للعدم قلت : يااااه
تراب بيحيا ... وحى بيصير تراب
الأصل هو الموت وللا الحياه ؟
عجبى !!!
***************
ضريح رخام فيه السعيد اندفن
وحفره فيها شريد من غير كفن
مريت عليهم ... قلت ياللعجب
لاتنين ريحتهم فيها نفس العفن
عجبى !!!
*********************
ياما صادفت صحاب وماصاحبتهمش
وكاسات خمور وشراب وماشربتهمش
أندم على الفرص اللى انا سبتهم
والا على الفرص اللى ماسبتهمش
عجبى !!!
****************
والكون ده كيف موجود من غير حدود
وفيه عقارب ليه وتعابين ودود
عالِم مجرب فات وقال سلامات
ده ياما فيه سؤالات من غير ردود
عجبى !!!
****************
غدر الزمان ياقلبى مالهوش أمان
وهييجى يوم تحتاج لحبة ايمان
قلبى ارتجف وسألنى .. أأمن بإيه ؟
أأمن بإيه محتار بقالى زمان
عجبى !!!
***********
ياباب أيا مقفول .. إمتى الدخول
صبرت ياما واللى يصبر ينول
دقيت سنين .. والرد يرجع لى : مين؟
لو كنت عارف مين انا .. كنت اقول
عجبى !!!
**********************
انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
أخرس ولكن قلبى مليان كلام
عجبى !!!
*****************
احب اعيش ولو اعيش فى الغابات
اصحى كما ولدتنى أمى وأبات
طائر.. حُوان .. حشرة .. بشر .. بس اعيش
محلا الحياة .. حتى فى هيئة نبات
عجبى !!!
***************
سهير ليالى وياما لفيت وطفت
وف ليلة راجع فى الضلام قمت شفت
الخوف ... كأنه كلب سد الطريق
وكنت عاوز اقتله ... بس خفت
*****************
كان فيه زمان سحلية طول فرسخين
كهفين عيونها وخشمها بربخين
ماتت .. لكين الرعب لم عمره مات
مع إنه فات بدل التاريخ تاريخين
عجبى !!!
****************
عجبتنى كلمة من كلام الورق
النور شرق من بين حروفها وبرق
حبيت اشيلها فى قلبى ... قالت حرام
ده انا كل قلب دخلت فيه اتحرق
عجبى !!!
**************
رقبة قزازة وقلبى فيها انحشر
شربت كاس واتنين وخامس عشر
صاحبت ناس م الخمرة ترجع وحوش
وصاحبت ناس م الخمرة ترجع بشر
عجبى !!!
**********************
كل اللى فى الخمارة صابهم جنون
صبحوا الرجال يتبادلوا كاس المنون
وبدم ونبيت انكتب ع الجدار
(( ياميت ندامة ع اللى قلبه حنون ))
عجبى !!!
*********************
قالوا الشقيق بيمص دم الشقيق
والناس ماهياش ناس بحق وحقيق
قلبى رميته وجبت غيره حجر
داب الحجر ... ورجعت قلبى رقيق
عجبى !!!
*****************
يوم قلت آه ... سمعونى قالوا فَسَد
ده كان جدع قلبه حديد واتحسد
رديت على اللايمين انا وقلت ... آه
لو تعرفوا معنى زئير الأسد
عجبى !!!
*****************
بين موت وموت ... بين النيران والنيران
ع الحبل ماشيين الشجاع والجبان
عجبى علادى حياة ... وياللعجب
إزاى انا - ياتخين - بقيت بهلوان
عجبى !!!
**************
انا قلبى كان شخشيخة اصبح جرس
جلجلت به صحيوا الخدم والحرس
انا المهرج ... قمتوا ليه خفتوا ليه
لا ف ايدي سيف ولا تحت منى فرس
عجبى !!!
***************
دخل الربيع يضحك لقانى حزين
نده الربيع على اسمى لم قلت مين
حط الربيع أزهاره جنبى وراح
وإيش تعمل الأزهار للميتين
عجبى !!!
**************
مهبوش بخربوش الألم والضياع
قلبى ومنزوع م الضلوع انتزاع
يامرايتى ياللى بترسمى ضحكتى
ياهلترى ده وش ولا قناع
عجبى !!!
****************
حبيت ... لكن حب من غير حنان
وصاحبت لكن صحبة مالهاش أمان
رحت لحكيم واكتر لقيت بلوتى
إن اللى جوه القلب مش ع اللسان
عجبى !!!
****************
ليه ياحبيبتى ما بيننا دايما سفر
ده البعد ذنب كبير لا يغتفر
ليه ياحبيبتى ما بيننا دايما بحور
أعدى بحر ألاقى غيره اتحفر
عجبى !!!
***************
ورا كل شباك الف عين مفتوحين
وانا وانتى ماشيين ياغرامى الحزين
لو التصقنا نموت بضربة حجر
ولو افترقنا نموت متحسرين
عجبى !!!
**************
نوح راح لحاله والطوفان استمر
مركبنا تايهة لسه مش لاقيه بر
آه م الطوفان وآهين يا برالأمان
إزاى تبان والدنيا غرقانة شر
عجبى !!!
**************
على رجلى دم ... نظرت له ما احتملت
على ايدى دم ... سألت : ليه ؟ لم وصلت
على كتفى دم وحتى على راسى دم
انا كلى دم .. قتلت؟ .. ولا اتقتلت ؟
عجبى !!!
************
انا كل يوم اسمع ... فلان عذبوه
أسرح فى بغداد والجزاير واتوه
ما اعجبش م اللى يطيق بجسمه العذاب
واعجب من اللى يطيق يعذب اخوه
عجبى !!!
***********
ينبوع وفى الحواديت انا سمعت عنه
إنه عجيب .. وف وسط لهاليب لكنه
شقّيت كما الفرسان طريقى .. لقيت
حتى الخنازير والكلاب شربوا منه
عجبى !!!
************
ياقرص شمس مالهش قبه سما
ياورد من غير أرض شب ونما
يا أى معنى جميل سمعنا عليه
الخلق ليه عايشين حياه مؤلمة
عجبى !!!
**********
شاف الطبيب جرحى وصف له الأمل
وعطانى منه مقام يادوب ما اندمل
مجروح جديد ياطبيب وجرحى لهيب
ودواك فرغ منى .. وإيه العمل ؟
عجبى !!!
************
اعرف عيون هى الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وباحس فيهم كلهم بالحزن
عجبى !!!
*************
إيش تطلبى يا نفسى فوق كل ده
حظك بيضحك وانتى متنكده
ردت قالت لى النفس : قول للبشر
مايبصوليش بعيون حزينة كده
عجبى !!!
************
إقلع غماك ياتور وارفض تلف
إكسر تروس الساقية واشتم وتف
قال : بس خطوة كمان .. وخطوة كمان
يا اوصل نهاية السكة يا البير يجف
عجبى !!!
***************
يا حزين ياقمقم تحت بحر الضياع
حزين انا زيك وايه مستطاع
الحزن مابقالهوش جلال ياجدع
الحزن زى البرد .. زى الصداع
عجبى !!!
**********
فى يوم صحيت شاعر براحة وصفا
الهم زال والحزن راح واختفى
خَدنى العجب وسألت روحى سؤال
أنا مت ؟ ... ولا وصلت للفلسفة ؟
عجبى !!!
***************
الفيلسوف قاعد يفكر سيبوه
لا تعملوه سلطان ولا تصلبوه
ماتعرفوش ان الفلاسفة يا هوه
اللى يقولوه بيرجعوا يكدبوه ؟
عجبى !!!
**************
على بعد مليون ميل من أرضنا
من الفارغ الكونى بصيت انا
لا شفت فرق ما بين جبال او بحر
ولا شفت فرق ما بين عذاب أو هنا
عجبى !!!
******************
إنسان أيا إنسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها ياموهوم مخلوقة لك؟
عجبى !!!
**************
نظرت فوقى للنجوم وانا ساير
رجليا عترت فى الحفر والحجاير
بقيت أقول وانا ع التراب : ياسلام
مش بس عِبرة أخدت لكن عباير
عجبى !!!
*******************
- يانجم .. نورك ليه كده بيرتجف ؟
هو انت قنديل زيت ؟ .. او تختلف ؟
- أنا نجم عالى .. بس عالى قوى
ولك ما انظر تحت اخاف انحدف
عجبى !!!
******************
السم لو كان فى الدوا ... منين يضر؟
والموت .. ولو عدونا ... منين يسر ؟
حط القلم فى الحبر واكتب كمان
... والعبد للشهوات ... منين هو حر؟
عجبى !!!
****************
وقفت بين شطين على قنطرة
الكدب فين والصدق فين ياترى
محتارح اموت ... الحوت خرج لى وقال
هو الكلام يتقاس بالمسطرة ؟
عجبى !!!
**************
سرداب فى مستشفى الولادة طويل
صرخات عذاب ورا كل باب وعويل
... وفى الطريق متزوقين البنات
متزوقين للحب والمواويل
عجبى !!!
*******************
الدنيا أوده كبيرة للانتظار
فيها ابن آدم زيّه زى الحمار
الهم واحد .. والملل مشترك
ومفيش حمار بيحاول الإنتحار
عجبى !!!
**********************
أيوب رماه البين بكل العلل
سبع سنين مرضان وعنده شلل
الصبر طيب .. صبر أيوب شفاه
بس الأكاده مات بفعل الملل
عجبى !!!
*********************
نسمة ربيع لكن بتكوى الوشوش
طيور جميلة بس من غير عشوش
قلوب بتخفق .. إنما وحدها
هى الحياة كده .. كلها فى الفاشوش
عجبى !!!
****************
ياطير ياعالى فى السما طـُظ فيك
ماتفكرشى ربنا مصطفيك
برضك بتاكل دود وللطين تعود
تمص فيه ياحلو .. ويمص فيك
عجبى !!!
***************
كروان جريح مضروب شعاع م القمر
سقط من السموات فؤاده انكسر
جريت عليه قطة عشان تبلعه
أتاريه خيال شعراء ومالهوش أثر
عجبى !!!
****************
ياللى نصحت الناس بشرب النبيت
مع بنت حلوة .. وعود , وضحك , وحديت
مش كنت تنصحهم منين يكسبوا
تمن ده كله ؟ ... ولا يمكن نسيت
عجبى !!!
***************
ماحد فى الدنيا دى واخد جزاته
ولا حد بيفكر فى غير لذاذاته
ماتعرفيش ياحبيبتى .. انا وانتى مين ؟
إنتى عروس النيل ... وانا النيل بذاته
عجبى !!!
****************
رقاصة خرسا ورقصة من غير نغم
دنيا ... يامسن يصالحها قبل الندم
ساعتين تهز بوجهها يعنى لا
يترجرجوا نهديها يعنى نعم
عجبى !!!
********************
إخطفنى ياللى تحبنى ع الحصان
الدنيا قالت يوم فى ماضى الزمان
إخطفنى ياللى تحبنى ع الفرس
الدنيا قالت ... قام خطفها الشيطان
عجبى !!!
*********************
من بين شقوق الشيش وشقشقت لك
مع شهقة العصافير وزقزقت لك
نهار جديد انا ... قوم نشوف نعمليه
انا قلت يا ح تقتلنى ... يا ح قتلك
عجبى !!!
****************
قلبى عليل ياناس وفى الكاس دواه
مديت له إيدى شربت م اللى حَواه
جنبى الشمال خف .. اليمين اتوجع
وإيه يداوى الكِبد م اللى كواه
عجبى !!!
******************
... دى مذكرات وكتبتها من سنين
فى نوتة زرقا لون بحور الحنين
عترت فيها .. رميتها فى المهملات
وقلت أما صحيح كلام مخبولين
عجبى !!!
********************
دخل الشتا وقفل البيبان ع البيوت
وجعل شعاع الشمس خيط عنكبوت
وحاجات كتير بتموت فى ليل الشتا
لكن حاجات اكتر بترفض تموت
عجبى !!!
***************
- الدنيا من غير الربيع ميته
ورقة شجر ضعفانة ومفتفتة
- لأ يا جدع غلطان تأمل وشوف
زهر الشتا طالع فى عز الشتا
عجبى !!!
****************
ياللى انت بيتك قش مفروش بريش
تقوى عليه الريح .. يصبح مفيش
عجبى عليك حواليك مخالب كبار
ومالكش غير منقار وقادر تعيش
عجبى !!!
**********
سمعت نقطة ميه جوه المحيط
بتقول لنقطة ماتنزليش فى الغويط
أخاف عليكى م الغرق ... قلت انا
ده اللى يخاف من الوعد يبقى عبيط
عجبى !!!
****************
جالك أوان ووقفت موقف وجود
ياتجود بده ياقلبى يا بده تجود
ماحد يقدر يبقِى على كل شئ
مع إن - عجبى - كل شئ موجود
عجبى !!!
***************
جالك أوان وعرفت مشى الجنايز
كيف شُفتها يا عبد رب اللذايذ
قال : شفت شيل بالحيل فقير او أمير
كما شالوا فى المخامير فواضى القزايز
عجبى !!!
**************
انا كنت شئ وصبحت شئ ثم شئ
شوف ربنا .. قادر لعلى كل شئ
هَزّ الشجر شواشيه ووشوشنى قال :
لابد ما يموت شئ عشان يحيا شئ
عجبى !!!
**************
يامشرط الجراح أمانة عليك
وانت ف حشايا تبص من حواليك
فيه نقطة سودة فى قلبى بدأت تبان
شيلها كمان .. والفضل يرجع إليك
عجبى !!!
**************
كيف شفت قلبى والنبى ياطبيب
هَمَد ومات والا سامع له دبيب
قاللى لقيته مختنق بالدموع
ومالوش دوا غير لمسه من ايد حبيب
عجبى !!!
************
تسلم ياغصن الخوخ ياعود الحطب
ييجى الربيع .. تطلع زهورك عجب
وانا ليه بيمضى ربيع وييجى ربيع
ولسه برضو قلبى حتة خشب
عجبى !!!
****************
بحر الحياه مليان بغرقى الحياه
صَرَخت خَش الموج فى حلقى ملاه
قارب نجاه ! .. صرخت قالوا مافيش
غير بس هو الحُب قارب نجاه
عجبى !!!
***************
فارس وحيد جوَّه الدروع الحديد
رفرف عليه عصفور وقاله نشيد
منين منين .. ولفين لفين ياجدع
قال من بعيد ولسه رايح بعيد
عجبى !!!
************
كان فيه قمر كأنه فرخ الحمام
على صغره دق شعاع شق الغمام
أنا كنت حاضر قلت له ينصرك
إشحال لما ح تبقى بدر التمام
عجبى !!!
***********
النهد زى الفهد نط اندلع
قلبى انهبش بين الضلوع وانخلع
ياللى نهيت البنت عن فعلها
قول كمان للطبيعة تبطل دلع
عجبى !!!
***************
صوتك يابنت الإيه كأنه بدن
يرقص يزيح الهم يمحى الشجن
ياحلوتى وبدنك كأنه كلام
كلام فلاسفة سكروا نسيوا الزمن
عجبى !!!
**************
كرباج سعاده وقلبى منه انجلد
رَمَح كأنه حصان ولَف البلد
ورجع لى نُص الليل وسألنى .. ليه
خجلان تقول انك سعيد ياولد
عجبى !!!
*****************
مزيكه هادية الكون فيها انغمر
وصيف وليل وعُـقد فل وسَمر
ياهلترى الناس كلهم مبسوطين
وياهلترى شايفين جمال القمر ؟
عجبى !!!
***************
إنشد ياقلبى غنوتك للجمال
وارقص فى صدرى من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
عجبى !!!
**************
أه لو أنا ومحبوبى جُزنا الفضا
فى سفينة وحدينا .. وأشيا رضا
ساعة صفا تعجبنا نرجع لها
والهم قبل ما ييجى ... يبقى مضى
عجبى !!!
*******************
أنا اله الوجد رب الهيام
أضرب بسهم الوهم وَهم الغرام
وَهم الغرام من كتر ماهو لذيذ
رَشَقت انا ف صدرى جميع السهام
عجبى !!!
*******************
حدوته عن جعران وعن خُنفسة
اتقابلوا حبوا بعض فى ساعة مِسا
ولا قال لهم حد اختشوا عيب حرام
ولا حد قال دى علاقة متدنسة
عجبى !!!
****************
ياللى عرفت الحب يوم وانطوى
حِسك تقول مشتاق لنبع الهوى
حِسك تقول مشتاق لنبع الغرام
ده الحب ... مين داق منه قطره ... ارتوى
عجبى !!!
**************
زحام وأبواق سيارات مزعجة
اللى يطول له رصيف .. يبقى نجا
لو كنت جنبى ياحبيبى أنا
مش كنت أشوف ان الحياة مُبهجة ؟
عجبى !!!
***********
إيديا فى جيوبى وقلبى طِرب
سارح فى غربة بس مش مغتِرب
وحدى لكين وَنسان وماشى كده
وبابتعد ... ماعرفش .... او باقتِرب
عجبى !!!
**************
ياميت ندامة ع القلوب الخلا
لا محبة فيها ولا كراهه ولا
حتى ياقلبى الحزن ماعادش فيك
معلهش ... لك يوم برضو راح تتملا
عجبى !!!
******************
مرحب ربيع مرحب ربيع مرحبة
ياطفل ياللى ف دمى ناغا وحَبَا
علشان عيونك يا صُغنن هويت
حتى ديدان الأرض والأغربة
عجبى !!!
*****************
فتحت شباكى لشمس الصباح
مادخلش منه غير عويل الرياح
وفتحت قلبى عشان أبوح بالألم
ماخرجش منه غير محبة وسماح
عجبى !!!
*******************
غمست سنك فى السواد ياقلم
علشان ما تكتب شعر يقطر ألم
مالك جرالك إيه يامجنون ... وليه
رسمت وردة وبيت وقلب وعَلم
عجبى !!!
******************
انا الذى عمرى اشتياق فى اشتياق
وقطر لداخل فى محطة فراق
قصدت نبع السم وشربت سم
من كتر شوقى وعشمى فى الترياق
عجبى !!!
****************
انا الذى عشت الزمن مَضيعة
بروح حزينة معفنة مضعضعة
زرعت شجرة سنط لجل انجرح
لقيتها شعر البنت ومفرَعة
عجبى
__________________________________