alarz
28 - 12 - 2008, 03:38
يا اسرائيل مين يحوشِك
ليكِ حق تبرطعي
اطحنينا بين ضروسك
وبـ سِنانِك قطعينا قطعي
يوم سلاحنا كان في ايدنا
كنتِ عارفة ما يباتشِ تار
كنتِ فار ..
كان كبيرك قٌرص جِبنة
وعالجدار
هات يا شكوى ليل نهار
اليهود الغلابة
غنو فـــ أوربا عالربابة
ايه مُرادهم ... الامان الامان
هَبش أرض ... مش قضية
مش قضية .. دبح أُمة
القضية ... تعيش مقاومة
والمقاومة ... من غير سلاح
في الحصار
سلاحها .. صدر .. مالهوش ظَهر
كلاتشينوف
أو صاروخ حسب الظروف
طلقة واحدة .. آه يا قهر
تقوم قصادها
إف خسمة وإف ستة
والاباتشي ودبابات ضرب نار
:
يا حكامنا يا نائمون
اصحو مرة .. نمتو ياما
السرير
لو تيفال ... لو حصير
ما لزقتو
او غطستو في الحرير
اصحو مرة .. نمتو ياما
صحو الضمير
ولا الضمير مدمن شخير
آه يا ضمير لابس بيجامة
انسو الحدود .. والقروش
انسو المعارضة والسجون
انسو ناس ما يختشوش
انسو ... أوباما
انسو هلاري .. انسو بوش
اثبتو
إن العروبة لونها واحد
أيوة .. واحد ... مش ألف لون
أونكل نيوتن ..
ما قالش مرة رَيان يا فِجل
أونكل نيوتن .. قال قانون
قانون حكاية
تالت قانون .. راجعوه معايا
لكل فعل رد فعل
:
والسؤال ...
لامتى ها يطول السكوت
ناس .. تجوع .. وناس تموت
النزيف .. في قلب غزة
والجروح ... من غير دَوا
النزيف .. في قلب غزة
والشعب محروم الهوا
النزيف .. في قلب غزة
والزمان .. له ألف مغزى
ميلادي .. هجري
تروح سنة .. تيجي سنة
واسرائيل .. تضرب وتجري
فوق الحزام تحت الحزام
هناك .. هنا
المهم .. تبات وتصحا تِغُمنا
اليأس .. قرب مننا
والحل إيه
لو سكتنا .. فوق سكوتنا
الموت بسرعة .. أشرف لنا
:
ارتجال لحظي
تفاعلا مع اهلنا بغزة
:
يحيى معوض
:
الارز
ليكِ حق تبرطعي
اطحنينا بين ضروسك
وبـ سِنانِك قطعينا قطعي
يوم سلاحنا كان في ايدنا
كنتِ عارفة ما يباتشِ تار
كنتِ فار ..
كان كبيرك قٌرص جِبنة
وعالجدار
هات يا شكوى ليل نهار
اليهود الغلابة
غنو فـــ أوربا عالربابة
ايه مُرادهم ... الامان الامان
هَبش أرض ... مش قضية
مش قضية .. دبح أُمة
القضية ... تعيش مقاومة
والمقاومة ... من غير سلاح
في الحصار
سلاحها .. صدر .. مالهوش ظَهر
كلاتشينوف
أو صاروخ حسب الظروف
طلقة واحدة .. آه يا قهر
تقوم قصادها
إف خسمة وإف ستة
والاباتشي ودبابات ضرب نار
:
يا حكامنا يا نائمون
اصحو مرة .. نمتو ياما
السرير
لو تيفال ... لو حصير
ما لزقتو
او غطستو في الحرير
اصحو مرة .. نمتو ياما
صحو الضمير
ولا الضمير مدمن شخير
آه يا ضمير لابس بيجامة
انسو الحدود .. والقروش
انسو المعارضة والسجون
انسو ناس ما يختشوش
انسو ... أوباما
انسو هلاري .. انسو بوش
اثبتو
إن العروبة لونها واحد
أيوة .. واحد ... مش ألف لون
أونكل نيوتن ..
ما قالش مرة رَيان يا فِجل
أونكل نيوتن .. قال قانون
قانون حكاية
تالت قانون .. راجعوه معايا
لكل فعل رد فعل
:
والسؤال ...
لامتى ها يطول السكوت
ناس .. تجوع .. وناس تموت
النزيف .. في قلب غزة
والجروح ... من غير دَوا
النزيف .. في قلب غزة
والشعب محروم الهوا
النزيف .. في قلب غزة
والزمان .. له ألف مغزى
ميلادي .. هجري
تروح سنة .. تيجي سنة
واسرائيل .. تضرب وتجري
فوق الحزام تحت الحزام
هناك .. هنا
المهم .. تبات وتصحا تِغُمنا
اليأس .. قرب مننا
والحل إيه
لو سكتنا .. فوق سكوتنا
الموت بسرعة .. أشرف لنا
:
ارتجال لحظي
تفاعلا مع اهلنا بغزة
:
يحيى معوض
:
الارز