قصيدة حزن

[أسير الظلام]

مشيتك يالسراب اللي حسبتك تروي الضميان
لقيتك واهجٍ زاد الالم فـي وسـط وجدانـي

بعد طول الطريق وبعد رحلة خافقٍ شفقـان
صدمني واقع ايامي وحلمـت بواقـعٍ ثانـي

اسافرفي بحر حزني وروحي ملت الحرمـان
مواني الحزن في نفسي شواطيها تحرانـي

ايازهرة ربيع العمر وينك عن ثرى البستـان
اياضحكة شفاتي عـودي مليـت اشجانـي

مشاوير العمر كذبه وقصه مالهـا عنـوان
سفينه تضرب بجال البحر من غيـر ربانـي

طريقي صعب والامي في جوفي كنها بركان
ترانيم الفرح ضاعت وليلـي بالعنـا جانـي

حزينه ياحروفي بكتبك وان ماتـت الالحـان
في نبضك اعرفي من دمعتي اني انا الجاني

ابي اترجم اوجاعي مواويل علـى القيفـان
تجسدني قصيدة حزن تحطم سـور كتمانـي

اياذيك الحروف اللي هويتك من زمانٍ كـان
محاني الصدر فجيها عشان الكـل يقرانـي

[عاشق السمراء]

(( مساء جميل !! ))
يعطيك العافية اسير الظلام
أتمنى ان نبحث عن الكيف لا عن الكم
في حروفنا حتى لا تفقد الكلمات بريقها
لنقلل بقدر ما نستطيع ونشارك الجميع !!
دعوة حب بكل تأكيد !!

تقديري !!