واحشنى

[almahsi]

واحشنى يا الخليت ملامحك ..


فى حياتى ،


واحشنى يا الرسيت مراسيك ..


جوة ذاتى ،


الا باكر لما ترجع ،


أنا بحكى ليك عن الحصل ،


وعن بعد المسافة وقربها


ولمن يفارق زول عيون


غاليات عليهو كتير خلاص وبحبها


والله أحكام يا قدر


والله أحكام يا مسافة ويا سفر


***


وانت لما بتسيبنى وتسافر


خت فى إعتبارك ،


انو دنياى فى مدارك


وجد- لفافات الصبر دخنتها


وكل المقاطع فى غناى طوعتها


وغريبة غنت ،


فرحة ... لا ... لا


غربة ..لا....لا


تقصد شنو ما عرفتها


وأهى تجربة .....


خطيرة – جد – وأجتزتها


ولسة واحشنى


كتابة الشاعر السوداني : / التجاني حاج موسى (http://www.shahss.com/tganymusa.html)

[صبايا]

كلمات جميلة
جداً
وشاعرية
يسلمو الايادي اللي نقلت هالخاطرة هنا

تحياتي

[عاشق السمراء]

(( مساء جميل !! ))

لهجة جميلة ..
نحتاج ان نتعلمها ..
بلغة أحبك بدأت ..
شكرا لاختيارك ..!!

تقديري !!